ယခုတစ်ပတ်အတွင်း စျေးနှုန်းအပြောင်းအလဲဖြစ်ပေါ်ခဲ့သည့်သီးနှံများ

(၂၂.၁.၂၀၁၈မွ၂၆.၁.၂၀၁၈)ထိ

ဒီတစ်ပတ်မှာတော့မတ်ပဲစျေးက သိပ်အပြောင်းအလဲမရှိပါဘူး။ ပဲစင်းငုံနီကတော့ စျေးတက်လာပါတယ်။ ကြက်သွန်နီကတော့ တစ်ဖြေးဖြေးစျေးကျဆင်းလာပါတယ်။ ပဲပုတ်အသစ်တွေစျေးကွက်အတွင်းပေါ်လာပြီဖြစ်လို့ စျေးကွက်အတွင်း အတက်စျေးနဲ့ရှိနေပါတယ်။

မတ္ပဲ(FAQ/RC)

ဒီတစ်ပတ်ရန်ကုန်စျေးကွက်မှာ မတ်ပဲက စျေးအပြောင်းအလဲသိပ်မရှိပေမယ့် နယ်ကုန်စည်ဒိုင်တွေမှာတော့ စျေးကကျဆင်းသွားပါတယ်။ အိန္ဒိယနိုင်ငံမှာလည်း မတ်ပဲက အသစ်တွေဝင်လာပြီး အရည်အသွေးကောင်းတဲ့အတွက် ဝယ်လိုအားကောင်းလို့ စျေးကဆက်ပြီးကျဆင်းနိုင်ဖွယ်မရှိဘူးလို့ Agriwatch ကတော့ သုံးသပ်ထားပါတယ်။ နေပြည်တော်ကုန်စည်ဒိုင်မှာမတ်ပဲက တစ်အိတ်ကို ၅၁၀၀၀ပေါက်စျေးရှိပြီး ၂၀၀၀လောက် စျေးကျဆင်းသွားခဲ့ပါတယ်။ ပြည်ကုန်စည်ဒိုင်မှာတော့ တစ်တင်းကို ၃၀၀လောက်စျေးကျဆင်းသွားပြိး လက်ရှိပေါက်စျေးက ၁၈၀၀၀ရှိပါတယ်။ မုံရွာမှာတော့ တစ်တင်းကို၁၇၄၀၀ပေါက်စျေးရှိပြီး တစ်တင်းကို၆၀၀ကျပ် စျေးကျဆင်းသွားပါတယ်။ မတ်ပဲက ပြီးခဲ့တဲ့ကာလတူအခြေအနေမှာ တစ်တင်းကို ၃၇၀၀၀ပေါက်စျေးရှိပေမယ့် ဒီ၂၀၁၈မှာတော့ တစ်တင်းကို ၁၇၀၀၀ကျော်သာ ပေါက်စျေးရှိပါတယ်။ တစ်နှစ်အတွင်း တစ်တင်းကိုငွေကျပ်၂၀၀၀၀လောက် စျေးကျဆင်းသွားခဲ့ပါတယ်။

ပဲစင်းငုံနီ

ပဲစင်းငုံနီက ဒီတစ်ပတ်မှာတော့ စျေးတက်လာပါတယ်။ နှစ်ပတ်ဆက်တိုက်စျေးအတက်အကျသိပ်မရှိပါဘူး၊ ပဲအသစ်တွေက ဆက်တိုက်ဝင်လာနေတဲ့အတွက် ပဲအသစ်က အဟောင်းထက်စျေးမြင့်နေပါတယ်။ အိန္ဒိယနိုင်ငံမှာတော့ ပဲအသစ်တွေဝင်လာနေတဲ့အတွက် စျေးကကျဆင်းနိုင်ဖွယ်ရှိပြီးလက်ရှိမှာ စျေးအေးနေတယ်လို့ သိရပါတယ်။ မြန်မာဘက်ကတော့ ပဲစင်းငုံနီစျေးကိုတိုးမြင့်ရောင်းချလာတယ်လို့သိရပါတယ်။ ရန်ကုန်ကုန်စည်ဒိုင်မှာပဲစင်းငုံနီက တစ်ပိဿာကို ၆၀၀ကျော်ပေါက်စျေးရှိပြီးပခုက္ကူမှာတော့ တစ်ပိဿာ၅၃၈ကျပ်သာ ပေါက်စျေးရှိကာ တစ်ပိဿာကို၅၀လောက်ကျဆင်းသွားပါတယ်။ ပြည်ကုန်စည်ဒိုင်မှာတော့ တစ်ပိဿကို၅၅၀ရှိပြီး ၄၀စျေးကျဆင်းသွားပါတယ်။ မုံရွာမှာတော့ စျေးအပြောင်းအလဲမရှိဘဲ တစ်ပိဿကို၅၇၅ကျပ်ရှိပါတယ်။ ပြီးခဲ့တဲ့နှစ်ကာလတူအခြေအနေမှာ ပဲစင်းငုံနီကတစ်ပိဿာကို ၁၄၀၀နီးပါးရှိခဲ့ပေမယ့် ဒီနှစ်မှာတော့ တစ်ပိဿာကို၆၀၀သာရှိပြီး တစ်နှစ်အတွင်း တစ်ပိဿာကို ၈၀၀လောက်စျေးကျဆင်းခဲ့ပါတယ်။

ပဲပုတ်

ပဲပုတ်ကတော့ လက်ရှိမှာအသစ်တွေပေါ်လာတဲ့အတွက် အဟောင်းတွေစျေးကျဆင်းနေပြီး အသစ်တွေက စျေးတက်နေပါတယ်။ မြင်းခြံကုန်စည်ဒိုင်မှာလည်း တစ်ပိဿာကို၁၄၀၀ရှိပြီး ၂၀၀စျေးမြင့်လာပါတယ်။ မုံရွာကုန်စည်ဒိုင်မှာလည်း တစ်ပိဿာကို၁၈၇၅ကျပ်ရှိပြီး ၁၀၀ကျပ်စျေးတက်လာပါတယ်။ ပြည်ကုန်စည်ဒိုင်မှာတော့ စျေးအပြောင်းအလဲမရှိပါဘူး။

ၾကက္သြန္နီ

ကြက်သွန်နီကတော့ ဆက်ပြီးစျေးကျဆင်းနေပါတယ်။ ကြက်သွန်အသစ်တွေကလည်း ကုန်စည်ဒိုင်တွေကို အဆက်မပြတ်ဝင်ရောက်လာတဲ့အတွက် စျေးကကျဆင်းနေတာလည်းဖြစ်ပါတယ်။ နေ့စဉ်ကုန်စည်ဒိုင်တွေကို အိတ်ရ၀၀လောက်ဝင်နေပြီးရေနံချောင်း၊ တောင်တွင်း အစရှိနေရာတို့က အဓိကဝင်နေတာလည်းဖြစ်ပါတယ်။ မြင်းခြံကုန်စည်ဒိုင်မှာ ကြက်သွန်နီက တစ်ပိဿာကို ၅၅၀ကနေ၁၃၅၀ပေါက်စျေးရှိပြီး တစ်ပိဿာကို ၅၀၀ကျော်ေ စျေးကျဆင်းသွားပါတယ်။ နေပြည်တော်မှာလည်း ကြက်သွန်နီက တစ်ပိဿာကို၁၄၀၀ကနေ ၂၀၀၀ပေါက်စျေးရှိပြီး တစ်ပိဿာကို ၈၀၀စျေးကျဆင်းသွားပါတယ်။ ပခုက္ကူကုန်စည်ဒိုင်မှာလည်း တစ်ပိဿာကို ၅၅၀ကနေ၁၃၅၀ရှိပြီး ၁၀၀လောက် စျေးကျဆင်းသွားပါတယ်။ ပြည်မှာတော့ ၁၅၀၀ကနေ ၁၅၅၀ရှိပြီး ၃၀၀စျေးကျဆင်းသွားပါတယ်။

စီပီပြောင်း

စီပီပြောင်းကတော့ ဒီတစ်ပတ်မှာလည်းစျေးတက်လာပါတယ်။ တရုတ်နိုင်ငံက အဓိကဝယ်ယူနေတာဖြစ်ပြီး တရုတ်နိုင်ငံမှာတော့ စီပီပြောင်းထုတ်လုပ်မှုလျော့ကျတဲ့အတွက် မြန်မာနိုင်ငံကပြောင်းတွေကို အဓိကထားဝယ်ယူနေတာဖြစ်တယ်လို့ သိရပါတယ်။ လားရှိုးကုန်စည်ဒိုင်မှာ စီပီပြောင်းက တစ်ပိဿာကို ၅၂၀ကနေ၅၇၀အထိ တစ်ပိဿာကို ၄၀ကျော်လောက် မြင့်တက်လာပါတယ်။ ပြီးခဲ့နှစ်ကာလတူအခြေအနေမှာတော့ တစ်ပိဿာကို၂၈၀သာပေါက်စျေးရှိပါတယ်။

မဝတ်ရည်မွန်(AMIA)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...