ယခုတစ်ပါတ်အတွင်းစျေးနှုန်းအပြောင်းအလဲဖြစ်ပေါ်ခဲ့သည့်သီးနှံများ

ဆန်၊စပါး

ဒီတစ်ပတ်ရန်ကုန်ဈေးကွက်မှာတော့ ဆန်ကြမ်းဈေးရော ဆန်ချောဈေးပါ အနည်းငယ်ကျဆင်းသွားခဲ့ပါတယ်။ အရောင်းအဝယ်ကတော့ ထမင်းကောင်းဆန်ကောင်းရင် အရောင်းအဝယ်ကောင်းပြီး ဆန်မကောင်း ထမင်းမကောင်းရင်တော့ အရောင်းအဝယ်မကောင်းတာတွေ့ရပါတယ်။

ဆန်ချောဖြစ်တဲ့ ပေါ်ဆန်းဆန်ကတော့ တစ်ပတ်အတွင်း တစ်အိတ်ကို ၁၀၀၀ ကျပ်လောက်ဈေးကျဆင်းသွားပြီး တစ်အိတ်ကို ၃၂၀၀၀ ကနေ ၃၅၀၀၀ ပေါက်ဈေးရှိပါတယ်။ ကြားပျံကလည်း တစ်အိတ်ကို ၃၇၀၀၀ ကနေ ၄၀၀၀၀ ပေါက်ဈေးရှိပြီး တစ်အိတ်ကို ၂၀၀၀ ကျပ်လောက်ဈေးကျဆင်းသွားပါတယ်။

ပုသိမ်ဈေးကွက်မှာတော့ ပထမတန်းစား စပါးဈေးကငြိမ်နေပြီး ဆန်ဈေးတွေကတော့တက်လာပါတယ်။ အရောင်းအဝယ်ကလည်း ကောင်းနေတယ်လို့သိရပါတယ်။ ဒုတိယတန်းစားစပါးနဲ့ဆန်အချို့လည်း ဈေး တက်လာခဲ့ပါတယ်။

ပထမတန်းစားဖြစ်တဲ့ ဧရာဝတီပေါ်ဆန်းစပါးကတော့ တင်း ၁၀၀ ကို ၁၀၃၃၉၀၄ ပေါက်ဈေးရှိပါတယ်။ ဆန်ကတော့ တစ်တင်းခွဲကို ၃၉၀၀၀ ပေါက်ဈေးရှိပြီး တစ်အိတ်ကို ၅၀၀ ကျပ်ဈေးတက်လာပါတယ်။ ပေါ်ဆန်းရင်ကလည်း တင်း ၁၀၀ ကို ၉၄၆၂၀၀ ရှိပြီး ဆန်ကတော့ တစ်တင်းခွဲကို ၅၀၀ ကျပ် တက်လာကာ ၃၈၀၀၀ ပေါက်ဈေးရှိပါတယ်။ ဖျာပုံ ပေါ်ဆန်းမွှေးစပါးကတော့ တင်း ၁၀၀ ကို ၉၂၀၀၀၀ ရှိပြီး ဆန်ကတော့ တစ်တင်းခွဲကို ၃၇၅၀၀ နဲ့ ၅၀၀ ကျပ်ဈေးတက်လာပါတယ်။

ဒုတိယတန်းစားဖြစ်တဲ့ ရွှေသွယ်လေးနဲ့ ဧရာမင်းကတော့ တင်း ၁၀၀ ကို ၆၉၀၀၀၀ ပေါက်ဈေးရှိပြီး တစ်တင်းခွဲကို ၂၈၀၀၀ ကျပ် နဲ့ ဈေးငြိမ်နေပါတယ်။ မနောသုခစပါး ကတော့ တင်း ၁၀၀ ကို ၆၁၁၈၀၀ ရှိပြီး တင်း ၁၀၀ ကို ၂၇၀၀၀ ကျော်ဈေးတက်လာခဲ့ပါတယ်။ဆန်ကလည်း တစ်တင်းခွဲကို ၂၃၀၀၀ ရှိပြီး ၁၀၀၀ ကျပ်ဈေးတက်လာခဲ့ပါတယ်။ မီးကောက်စပါးကလည်း တင်း ၁၀၀ ကို ၅၀၀၀ ကျပ်ဈေးတက်လာပြီး ဆန်ကတော့ တစ်တင်းခွဲကို ၅၀၀ ကျပ်တက်လာလာ ၂၃၀၀၀ ပေါက်ဈေးရှိပါတယ်။

မတ်ပဲ (FAQ/RC)

မတ်ပဲကတော့ ဒီတစ်ပတ်မှာ ဈေးတက်လာပါတယ်။ ဈေးထိုးတက်တာမျိုးမဟုတ်ပဲ ဈေးက တစ်အိအိ တက်နေခဲ့တာဖြစ်ပြီးတော့ ကုန်သည်တွေအနေနဲ့ ဈေးကွက်ကို သေချာထိန်းထားပုံရပါတယ်။ ပုံမှန် အရောင်းအဝယ်ဖြစ်နေပြီးတော့ ဈေးကလည်း တစ်နေ့တစ်နေ့ သောင်းဂဏန်းနီးနီးလောက် အတက်နဲ့ ရှိနေခဲ့တာပါ။

မုံရွာဈေးကွက်မှာ တော့ မတ်ပဲက တစ်တင်း ကို ၂၀၇၅၀ ပေါက်ဈေးရှိပြီး တစ်တင်း ကို ၂၅၀ ကျပ် ဈေးကျဆင်းသွားပါတယ်။ ပြည်ကုန်စည်ဒိုင်မှာတော့ တစ်တင်းကို ၂၁၅၀၀ ပေါက်ဈေးရှိပြီး တစ်တင်းကို ၅၀၀ ကျပ်ဈေးတက်လာပါတယ်။ ရန်ကုန်ဈေးကွက်မှာတော့ ပြီးခဲ့တဲ့ အပတ်နဲ့နှိုင်းယှဉ်ရင် တစ်တန်ကို ၃၀၀၀၀ နီးပါးဈေးတက်လာပါတယ်။

ပဲစင်းငုံနီ

ပဲစင်းငုံနီကတော့ ပြီးခဲ့တဲ့အပတ်ကတည်းက ဈေးကကျဆင်းသွားခဲ့ပြီးတာ့ ဒီတစ်ပတ်မှာတော့ ဈေးကအတက်အကျအပြောင်းအလဲ ရှိနေပါတယ်။ ရန်ကုန်ဈေးကွက်မှာတော့ တစ်ပတ်လုံး ဈေးမဖွင့်ခဲ့ပါဘူး။ နယ်ဈေးကွက်မှာတော့ ဈေးတွေက ကျဆင်းနေခဲ့ပါတယ်။

မုံရွာဈေးကွက်မှာ ပဲစင်းငုံနီက တစ်တင်းကို ၂၅၈၀၀ ပေါက်ဈေးရှိပြီးတစ်တင်းကို ၅၀၀ ကျပ်ဈေးတက်လာပါတယ်။ မြင်းခြံကုန်စည်ဒိုင်မှာတော့ ၂၅၃၀၀ ပေါက်ဈေးရှိပြီး တစ်တင်းကို ၃၀၀ ကျပ်ဈေးကျဆင်းသွားပါတယ်။ ပခုက္ကူကုန်စည်ဒိုင်မှာတော့ တစ်တင်းကို ၂၆၀၀၀ ကျပ်ရှိပြီး တစ်တင်းကို ၄၀၀ ကျပ် ဈေးတက်လာခဲ့ပြီး ပြည်ကုန်စည်ဒိုင်မှာလည်း တစ်တင်းကို ၅၀၀ ကျပ်တက်လာပြီး ၂၅၅၀၀ ပေါက်ဈေးရှိပါတယ်။

ပဲတီစိမ်း

ပဲတီစိမ်းကတော့ ဒီတစ်ပတ်မှာ ဈေးတက်လာခဲ့ပါတယ်။ ဈေးတက်လာသလို အရောင်းအဝယ်ကလည်း ကောင်းနေတယ်လို့သိရပါတယ်။ ကုန်စည်ဒိုင်တွေကို တစ်နေ့ပဲတီစိမ်း အိတ် ၄၀၀ နီးပါးအဝင်ရှိပြီး ရှိသလောက် အရောင်းအဝယ်ဖြစ်နေတယ်လို့ သိရပါတယ်။ ဈေးတက်တယ်ဆိုပေမယ့် အရည်အသွေးအလိုက်ကတော့ ဈေးကွာခြားမှုတွေ ရှိနေပါတယ်။

မုံရွာကုန်စည်ဒိုင်မှာ ပဲတီစိမ်း(ကြီး၊သေး)က တစ်တင်းကို ၂၇၀၀၀ ကနေ ၃၀၂၅၀ ပေါက်ဈေးရှိပြီး တစ်တင်းကို ၅၀၀ ကျပ်ဈေးတက်လာခဲ့ပါတယ်။ နေပြည်တော်ကုန်စည်ဒိုင်မှာတော့ တစ်တင်းကို ၄၁၆၀၀ ပေါက်ဈေးရှိပြီ းတစ်တင်းကို ၁၆၀၀ ကျပ်ဈေးတက်လာပါတယ်။ ပခုက္ကူကုန်စည်ဒိုင်မှာတော့ တစ်တင်းကို ၂၇၅၀၀ ပေါက်ဈေးရှိပြီး တစ်တင်းကို ၁၆၈၀ ကျပ်ဈေးတက်လာပါတယ်။ပြည်ကုန်စည်ဒိုင်မှာတော့ ပဲတီစိမ်း အသေးက ၃၁၀၀၀ ပေါက်ဈေးရှိပြီး ၂၀၀၀ ကျပ်ဈေးကျဆင်းသွားပါတယ်။

ပဲပုတ်

ပဲပုတ်ကတော့ လက်ရှိမှာ ဈေးက ကျဆင်းနေခဲ့ပါတယ်။ ပဲအဝင်ကလည်း နည်းနေပြီး အရောင်းအဝယ်ကလည်း နည်းတဲ့အတွက် ဈေးကကျဆင်းသွားခဲ့တာလည်းဖြစ်ပါတယ။

မုံရွာဈေးကွက်မှာ တစ်တင်းကို ၁၈၃၀၀ ပေါက်ဈေးရှိပြီး ၁၂၀၀ ကျပ်ဈေးကျဆင်းသွားပါတယ်။ မြင်းခြံကုန်စည်ဒိုင်မှာတော့ တစ်တင်းကို ၂၀၈၀၀ ပေါက်ဈေးရှိပြီး ၄၀၀ ကျပ်ဈေးကျဆင်းသွားပါတယ်။ ပြည်ကုန်စည်ဒိုင်မှာ တော့ တစ်တင်းကို ၂၂၀၀၀ ပေါက်ဈေးရှိပြီး တစ်တင်းကို ၁၅၀၀ ကျပ် ဈေးတက်လာပါတယ်။

ဝတ်ရည်မွန်(AMIA)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...