ကမ္ဘာ့ငါးအဖွဲ့
WorldFish
အသေးစားငါးမွေးမြူရေးမိသားစုများ၏ သက်မွေးဝမ်းကြောင်းများတိုးတက်ကောင်းမွန်ခြင်းတွင် စျေးကွက်စနစ်သည်လည်း မည်သို့မည်ပုံအရေးကြီးသည့်ကဏ္ဍမှ ပါဝင်လုပ်ဆောင်နေခြင်းကို အသိပညာများ တိုးပွားစေရန်ရည်ရွယ်ပြီး၊ အနာဂတ်မြန်မာပြည့်ဝမ်းစာငါးမွေးမြူရေးစီမံကိန်းမှ ပုဂ္ဂလိကစီးပွားရေးအတိုင်ပင်ခံကုမ္ပဏီတစ်ခုနှင့် ပူးပေါင်းပြီး ၃ ရက် ကြာ လူတွေ့စျေးကွက်စနစ်ဖွံ့ဖြိုးခြင်းသင်တန်းအား ရန်ကုန်တွင်ပို့ချခဲ့သည်။
ဤသင်တန်းကို ငါးအသားတိုးမွေးမြူသူ၊ ငါးပြုပြင်စီမံရောင်းချသူ၊ ငါးရောင်းဝယ်သူ၊ သားဖေါက်စခန်းနှင့် သားပေါက်ပြုစုစခန်းများ၊ ငါးအစာထုတ်လုပ်သူ၊ မိတ်ဖက်အဖွဲ့များနှင့် WorldFish ဝန်ထမ်းများ စုစုပေါင်း ၆၅ ဦး ကျား/မ ကဏ္ဍ နှစ်ဖက်အညီအမျှဖြင့် တက်ရောက်ခဲ့သည်။ သင်ကြားမှုများအချိတ်အဆက်မိစေရန် စာတွေ့အဓိကထားသင်ကြားမှုများ၊ အုပ်စုဖွဲ့အပြန်အလှန် ဆွေးနွေးတင်ပြမှုများနှင့် ဆရာဖြစ်ဦးဆောင်သင်ကြားပြသမှုများစသည့် နည်းလမ်းများကို တွဲဖက်ပေါင်းစပ်ပြီး သင်တန်း ပို့ချခဲ့သည်။
ဤသင်တန်းမှ ငါးမွေမြူရေးလုပ်ငန်းအပိုင်းကဏ္ဍတွင် လုပ်ကိုင်ဆောင်ရွက်သူများအကြား အချင်းချင်းသိကျွမ်း ပူးပေါင်းဆောင်ရွက်ကျင့်သုံးခြင်းများ တိုးတက်စေရန် ရည်မှန်းသည်။ သင်တန်းသည် အောက်ပါ အဓိကရည်ရွယ်ချက် ၅ ခု ထားရှိပါသည်။
- အပြန်အလှန်အကျိုးဆောင်လှုပ်ရှားမှုများ စျေးကွက်လုပ်ဆောင်သူများနှင့် ဝန်ထမ်းများအကြား အချင်းချင်း နားလည်ပြီး ချိတ်ဆက်မှုများတိုးမြှင့်ရန်အတွက် အပြန်အလှန်ဆောင်ရွက်မှုပြုသည့်အခြေခံအုတ်မြစ်ဖန်တီးပေးခြင်း။
- စျေးကွက်စီးပွားစနစ်နားလည်သိကျွမ်းမှုများ စျေးကွက်အင်အားနှင့် ၎င်းတို့၏ ငါးမွေးမြူရေးအကျိုးသက်ရောက်မှုများကို ပါဝင်လုပ်ဆောင်သူများအကြားအသိပညာပေးခြင်းများ။
- ပူးပေါင်းဆောင်ရွက်ခြင်းတိုးမြှင့်မှုများ အသေးစားစွန့်ဦးစီးပွားတောင်သူများ သက်မွေးဝမ်းကြောင်းတိုးတက် ကောင်းမွန် စေရန် ပုဂ္ဂလိကကဏ္ဍနှင့် ဖွံ့ဖြိုးရေးလုပ်သားကဏ္ဍများအကြား ထိရောက်သည့်ပူးပေါင်းဆောင်ရွက်မှု နည်းလမ်းများ ရှာဖွေခြင်း။
- ခေတ်နှင့်အညီပြောင်းလဲသည့်စျေးကွက်စနစ်ကျင့်သုံးနိုင်ခြင်း နိုင်ငံစျေးကွက်စီးပွားဖွံ့ဖြိုးမှုများအပေါ်သက်ရောက်မှု များနှင့် ငါးမွေးမြူရေးလုပ်ငန်းအပိုင်းကဏ္ဍနည်းဗျူဟာများ ဆွေးနွေးမှုပြုခြင်း။
- စီးပွားရေးအချိတ်အဆက်ကွန်ယက်များတည်ဆောက်ခြင်း အနာဂတ်တွင်ပူးပေါင်းဆောင်ရွက်ခြင်းများတည်ဆောက်ရန် ငါးလုပ်ငန်းတွင်ပါဝင်ဆောင်ရွက်သူအမျိုးမျိုးတို့၏ အချိတ်အဆက်ကွန်ယက်အခွင့်အလမ်းများပြုလုပ်ပေးခြင်း။
သင်တန်း၏ရည်ရွယ်ချက်များနှင့်အညီ အောင်မြင်စွာပို့ချနိုင်ခဲ့ပြီး စျေးကွက်စနစ်များဖွံ့ဖြိုးရေးတွင် ပြည့်စုံ ကောင်းမွန်သည့်အမြင်များကိုလည်း ပေးနိုင်ခဲ့သည်။ ပူးပေါင်းဆောင်ရွက်ခြင်းနည်းလမ်းသည် အတွေ့အကြုံကွဲပြားသည့် တက်ရောက်လာသူများအကြား ချိတ်ဆက်ပေးပြီး အထူးသဖြင့် စီမံကိန်းဆောင်ရွက်နေသည့် တိုင်းနှင့်ဒေသကြီးများအကြား အနာဂတ်တွင်ပူးပေါင်းခြင်းများနှင့် ငါးမွေးမြူရေးလုပ်ငန်းလုပ်ဆောင်သစ်များအတွက် ခိုင်မာသည့် အခြေခံ အုတ်မြစ်များချနိုင်ခဲ့သည်။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}