“ဆေးဘက်ဝင်ဓနိဖူးလက်ဖက်ခြောက်”

ဓနိပင်ဆိုတာ မြန်မာနိုင်ငံအောက်ပိုင်းဒေသ၊ မြစ်ဝကျွန်းပေါ်ဒေသများနှင့် ကမ်းရိုးတန်းဒေသတွေမှာ သဘာဝအတိုင်း အလေ့ကျပေါက်ရောက်လျက်ရှိတဲ့ ဒီရေတောအပင်များ ဖြစ်ပါတယ်။

ဓနိပင်မှရရှိတဲ့ ဓနိအရွက်၊ အဖူး၊ အသီး၊ အမြစ်တွေကို နိုင်ငံတော်တော်များများမှာ ရှေးယခင်တည်းက ပန်းနာရင်ကြပ်ရောဂါ၊ အသည်းရောဂါ၊ တီဘီရောဂါ၊ အဆုတ်နာ၊ အကိုက်အခဲပျောက်ဆေး စတဲ့ရောဂါများအတွက် အသုံးပြုခဲ့ကြပါတယ်။ ဒါတင်မက စိတ်ငြိမ်ဆေးဖော်စပ်ရာမှာလည်း အသုံးပြုခဲ့ကြသေးတယ်လို့ သိရပါတယ်။

ဒီတော့ ဓနိပင်ဟာ တစ်ပင်လုံးကိုအကျိုးရှိရှိ အသုံးချနိုင်တဲ့ အကျိုးပြုအပင်တစ်ပင်ပါပဲ။

ဓနိဖူး

ဓနိဖူးဆိုတာ ဓနိပင်ရဲ့ပင်စည်မှ ရိုးတံတစ်ခုအဖြစ် ထိုးထွက်လာပြီး ၄င်းရိုးတံရဲ့ ထိပ်ဖျားမှာ သံလျက်ပုံစံ အချွန်အဖူးလေးများအဖြစ် အစုလိုက်အစုလိုက်ဖွဲ့စည်းတည်ရှိနေကြတဲ့ အဖူးလေးများ ဖြစ်ကြပါတယ်။

ဓနိဖူးခြောက်ဆိုတာကတော့ ဓနိဖူးတွေကို ခုတ်ယူပြီး သင့်တင့်သော အရွယ်အစားလေးများအဖြစ် လှီးဖြတ်ကာ သဘာဝနေရောင်ခြည်ဖြင့် သဘာဝအတိုင်း အခြောက်ခံပြီး ရရှိလာတာ ဖြစ်ပါတယ်။

ဓနိဖူးခြောက်ရေမှာ Antioxidants (သဘာဝဓာတ်တိုးဆန့်ကျင်ပစ္စည်းများ)မြင့်မားစွာ ပါဝင်ကြပြီး ကျန်းမာရေးအကျိုးကျေးဇူး အတော်များပါတယ်။

“ကာကွယ်ခြင်းသည် ကုသခြင်းထက်ပိုကောင်းသည်”ဟူသော စကားပုံအတိုင်း ဓနိဖူးလက်ဖက်ခြောက်က ရောဂါတော်တော်များများကို ကာကွယ်နိုင်တဲ့အပြင် ရောဂါဖြစ်နေတဲ့ဝေဒနာရှင်များလည်း သောက်သုံးနိုင်တယ်လို့ သိရပါတယ်။ သဘာဝအော်ဂဲနစ် စစ်စစ်ဖြစ်လို့ အန္တရာယ်ကင်းပြီး စိတ်ချယုံကြည်စွာ ဆေးဘက်ဝင်အာဟာရအဖြစ် သုံးစွဲနိုင်ပါတယ်။

ဓနိဖူးလက်ဖက်ခြောက်သောက်ရုံနဲ့ ..

ညဘက်အိပ်မပျော်သူများ နှစ်နှစ်ခြိုက်ခြိုက် အိပ်ပျော်စေခြင်း

ဆီး၊ဝမ်း၊လေ မှန်စေခြင်း။

နှာစေး၊ချောင်းဆိုး၊လည်ပင်းနာတာကို သက်သာစေခြင်း။

အစာခြေလွယ်ပြီး ရင်ပြည့်၊ ရင်ကယ် မဖြစ်စေခြင်း။

ဇက်ကြောတက်၊ ညောင်းညာကိုက်ခဲတာကို သက်သာစေခြင်း။

စတဲ့ လတ်တလောအကျိုးကျေးဇူးတွေ ရနိုင်တယ်လို့ ဆိုပါတယ်။

ဓနိဖူးလက်ဖက်ခြောက်ရေကို ရေရှည်သောက်မယ်ဆိုရင်တော့…..

သွေးတိုး၊ ဆီးချို၊ နှလုံးသွေးကြောကျဥ်းရောဂါများကို ကာကွယ်ပေးပြီး ကိုလက်စထရောကို ကျစေခြင်း။

အာရုံကြောနဲ့ မျက်စိကိုလည်း အထောက်အပံ့ဖြစ်စေခြင်း။

ကင်ဆာရောဂါ မဖြစ်အောင်လည်း ကာကွယ်ပေးခြင်း။

အစာအိမ်ဝေဒနာရှိသူများလည်း ရောဂါသက်သာပျောက်ကင်းစေခြင်း။

ခန္ဓာကိုယ်အထိုင်အထ လေးလံခြင်းများကိုလည်း သက်သာပျောက်ကင်းစေခြင်း။

အဆစ်ရောင်ရောဂါကိုလည်း သက်သာစေခြင်း။

ခန္ဓာကိုယ်မှ အလိုအလျောက်တုံ့ပြန်မှု ကစဥ့်ကလျား ဖြစ်ခြင်းကိုလည်း သက်သာစေခြင်း။

ဖျားနာကိုက်ခဲခြင်းကိုလည်း သက်သာပျောက်ကင်းစေနိုင်ခြင်း။

အသားအရေကို စိုပြည်လှပစေခြင်း။

စတဲ့ အကျိုးကျေးဇူးတွေရှိတယ်လို့ သိရပါတယ်။

ဒါတင်မက ဓနိဖူးခြောက်ရေမှာ Antioxidants ကြွယ်ဝစွာပါဝင်နေတာကြောင့် သာမန်ဆဲလ်များ၊ သာမန်တစ်ရှူးများ ဖြစ်ထွန်းမှုနှင့် ပြန့်ပွားမှုတို့ကို ထောက်ပံ့အားပေးလို့ နာတာရှည်ရောဂါသည်များနဲ့ သာမန်ဆေးများ မတိုးသော ဖျားနာမှုဖြစ်တတ်သော ရောဂါဝေဒနာရှင်များ သောက်သုံးရန် အထူးသင့်တော်ပါတယ်လို့လည်း သိရပါတယ်။

ဓနိဖူးလက်ဖက်ခြောက်ကိုတော့ ရိုးရိုးလက်ဖက်ခြောက်လိုပဲ ရေနွေးပူပူထဲထည့် ၅ မိနစ်လောက် ကြာပြီးရင် လက်ဖက်ရည်ကြမ်းလို သောက်သုံးပေးရုံပါပဲ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...