အပင်များအတွက် အနည်းလိုအာဟာရဓာတ် ဘိုရွန်

အပင်များ အောင်မြင်ဖြစ်ထွန်းကြီးထွားရှင်သန်ရန် ၎င်းတို့နှင့် သင့်တော်သော ပတ်ဝန်းကျင်ရာသီဥတုနှင့် ၎င်းတို့အတွက် လိုအပ်သော အာဟာရဓာတ်များ လုံလောက်စွာ ရရှိနေရန် လိုအပ်ပါသည်။ အပင်များအတွက် လိုအပ်သော အာဟာရဓာတ်များကို အဓိက (၂) ပိုင်းခွဲ၍ ဖော်ပြကြသည်။ နိုက်ထရိုဂျင် (Nitrogen)၊ ဖော့စ်ပရပ်/မီးစုန်း (Phosphorus)၊ ပိုတက်စီယမ် (Potassium) တို့ (၃) မျိုးကို အပင်များအတွက် အများလိုအာဟာဓာတ်များ (Major Elements) အဖြစ် သတ်မှတ်ကြသည်။ ဆာဖာ/ကန့် (Sulfur)၊ ကယ်လစီယမ် (Calcium)၊ မဂ္ဂနီစီယမ် (Magnesium)၊ အိုင်းရွန်း/သံ (Iron)၊ မင်းဂနိ (Manganese)၊ ကော့ပါး/ကြေးနီ (Copper)၊ ဇင့်/သွပ် (Zinc)၊ မော်လဒီနမ် (Molybdenum)၊ ဘိုရွန် (Boron) နှင့် ကိုဘော့ (Cobalt) တို့ကို အပင်များအတွက် အနည်းလိုအာဟာရဓာတ်များ (Minor/Trace Elements) အဖြစ် သတ်မှတ်ကြသည်။ သို့သော်လည်း ယခုအခါ ကယ်လစီယမ်၊ မဂ္ဂနီစီယမ်နှင့် ဆာဖာတို့ကို နိုက်ထရိုဂျင်၊ ဖော့စ်ပရပ်နှင့် ပိုတက်စီယမ် အများလိုအာဟာရဓာတ်များပြီးနောက် ဒုတိယအရေးကြီးသော အများလိုအာဟာရဓာတ်များ (Secondary Elements) အဖြစ် သတ်မှတ်လာကြသည်။

ဖော်ပြပါ အာဟာရဓာတ်များထဲမှ တစ်မျိုးမျိုး ချို့တဲ့လျှင်သော်လည်းကောင်း၊ လွန်ကဲလျှင်သော်လည်းကောင်း အပင်များ၏ ကြီးထွားဖွံ့ဖြိုးမှုနှင့် အထွက်နှုန်းကို ဆိုးဝါးစွာ ထိခိုက်ပျက်စီးနိုင်ပါသည်။ ၎င်းအာဟာရဓာတ်များသည် အပင်များအတွက် သူ့လိုအပ်ချက် ပမာဏအတိုင်းအတာနှင့်အတူ အရေးကြီးလိုအပ်ကြသည်သာ ဖြစ်သည်။ ၎င်းတို့ထဲမှ အနည်းလိုအာဟာရဓာတ်တစ်မျိုးဖြစ်သည့် ဘိုရွန်သည် ကမ္ဘာ့စိုက်ပျိုးမြေအများစုတွင် ချို့တဲ့မှုအများဆုံးနှင့် အတွေ့ရအများဆုံးပြဿနာတစ်ခုအဖြစ် ပညာရှင်များ အလေးထားဆောင်ရွက် ရေးသားဖော်ပြလာကြသည်။

ဘိုရွန်သည် မြေတွင်းသဘာဝဆွေးမြေ့ ပစ္စည်းများ (Soil Organic Matter) ဖြင့် နှီးနွယ် ပတ်သက်နေပေသည်။ မြေကြီးအား နှစ်ပေါင်းများစွာ ထွန်ယက်စိုက်ပျိုးလာမှုကြောင့် မြေတွင်းရှိ သဘာဝဆွေးမြေ့ပစ္စည်းများ (Organic Matter) လျော့ကြလာသည်ဟု ဆိုသည်။ ထို့ကြောင့် မြေတွင်းရှိ ဘိုရွန် အဓိကအရင်းအမြစ်များလည်း တဖြည်းဖြည်းလျော့နည်းလာသည်ဟု ပညာရှင်များ သုံးသပ်ကြသည်။ မြေတွင်းရှိ ဘိုရွန်ပမာဏသည် မြေတွင်းသဘာဝ ဆွေးမြေ့ပစ္စည်းပမာဏနှင့် တိုက်ရိုက်အချိုးကြနေသည်။ မြေတွင်းသဘာဝ ဆွေးမြေ့ပစ္စည်းပမာဏများလျှင် ဘိုရွန်ပမာဏလည်း များလာတတ်သည်။ မြေချဉ်ငံဓာတ် (Soil pH) ၆.၅ အထက်ရှိလာသောအခါ ဘိုရွန်ဓာတ်လျော့ကျသွားတတ်သည်။ မိုးများသောဒေသများတွင် ဘိုရွန်ဓာတ်များ မြေအတွင်းသို့ စိမ့်ဝင်ဆုံးရှုံးသွားတတ်သည်။ ခန့်မှန်းခြေအားဖြင့် မြေတစ်ဧကတွင် သီးနှံပင်အများစုအတွက် ဘိုရွန် ၂-၃ ပေါင်ခန့် လိုအပ်သည်ဟု တွေ့ရသည်။

အပင်များကြီးထွားမှုနှင့် အထွက်နှုန်းကောင်းရန် ဘိုရွန်ဓာတ်နှင့် ကယ်လစီယမ်ဓာတ်တို့ တစ်ခုနှင့်တစ်ခု ဟန်ချက်ညီနေဖို့ လိုပါသည်။ ၎င်းဓာတ် (၂) ခု ဟန်ချက်ညီ မနေလျှင် အပင်များသည် ကောင်းစွာ ကြီးထွားဖွံ့ဖြိုးလိမ့်မည် မဟုတ်ပေ။ ဘိုရွန်ဓာတ်နိမ့်ကျနေသော အပင်များ၏ အမြစ်များသည် ဖော့စ်ပရပ်ဓာတ်ကိုကောင်းစွာ မစုပ်ယူနိုင်သောကြောင့် ဖော့စ်ပရပ်ဓာတ်သည် အပင်၏ ဆဲလ်များအတွင်းသို့ မရွေ့လျားနိုင်တော့ပေ။ အကယ်၍ နိုက်ထရိုဂျင်ဓာတ်နှင့် ပိုတက်စီယမ်ဓာတ်တို့ အလွန်မင်းမြင့်မားနေလျှင်လည်း အပင်များတွင် ကယ်လစီယမ်/ဘိုရွန်အချိုး လျော့ကျသွားတတ်သည်။

အပင်များတွင် ဘိုရွန်ဓာတ်ချို့တဲ့ခြင်း၏ ယေဘူယျလက္ခဏာများမှာ

- အပင်၏ ကြီးထွားနေဆဲ အစိတ်အပိုင်းများ ပုံသဏ္ဍန်မမှန်ဖြစ်လာခြင်း

- အရွက်များ ရှုံ့တွပြီး အရွက်သားများထူလာကာ ကြီးထွားမှု တုန့်နှေးသွားခြင်း

- အရောင်များရင့်လာခြင်း

- ဆဲလ်နံရံများ ကောင်းစွာ မဖွံ့ဖြိုးသောကြောင့် အပင်များကြွတ်ဆတ်နေခြင်း

- စပါးကဲ့သို့ မြက်မျိုးရင်းဝင်အပင်များတွင် အရွက်များတွန့်လိမ်ရစ်နေခြင်း

- အရွက်ပြန့်အပင်များတွင် အရွက်ထိပ်များ/အညွန့်များ ပုံပျက်နေခြင်း တို့ဖြစ်သည်။

ဘိုရွန်ချို့တဲ့မှုအား ကာကွယ်ရန် ဘိုရွန်ဓာတ်ပါသော ရွက်ဖျန်းမြေသြဇာအရည်များ ပက်ဖျန်းပေးခြင်းနှင့် ဘိုရွန်ဓာတ်ပါသော မြေသြဇာများအား မစိုက်ခင်နှင့် စိုက်ပြီးနောက် အပင်ခြေပတ်လည်တွင် မြေတွင်းသို့ ထည့်သွင်း ကျွေးပေးခြင်းတို့ ဆောင်ရွက်နိုင်ပါသည်။ ဘိုရွန်ဓာတ်ရနိုင်သော အရင်းအမြစ်များမှာ

- Boric Acid (ဘိုရွန်ဓာတ် ၁၇% ပါဝင်သည်)

- Borax (လက်ချား) (ဘိုရွန်ဓာတ် ၁၁% ပါဝင်သည်)

- Sodium Pentaborate (ဘိုရွန်ဓာတ် ၁၈% ပါဝင်သည်)

- Sodium Tetraborate (ဘိုရွန်ဓာတ် ၂၁% ပါဝင်သည်) နှင့်

- Liquid Boron (ဘိုရွန်ဓာတ် ၂-၄% ပါဝင်သည်) တို့ဖြစ်သည်။

ဘိုရွန်ဓာတ်များများလိုအပ်သော သီးနှံပင်များမှာ

- မုန်လာဉဝါ (Turnip)

- ပန်းမုန်လာစိမ်း (Broccoli)

- ပန်းမုန်လာ/ပန်းဂေါ်ဖီ (Cauliflower)

- ဂေါ်ဖီထုပ် (Cabbage)

- ကွမ်းသီးလုံးမုန်လာထုပ် (Brussel Sprouts)

- ကညွတ် (Asparagus)

- သကြားမုန်လာ (Sugar beet)

- တရုတ်နံနံ (Celery)

- ပန်းသီး (Apple)

- သစ်တော့ (Pear) နှင့်

- စပျစ် (Grape) တို့ဖြစ်သည်။

အရွက်ပြန့်အပင်များသည် အရွက်သေးရှည်အပင်များထက် ဘိုရွန်ဓာတ်ပို၍ လိုအပ်သည်ဟု ပညာရှင်များ ဖော်ပြထားသည်ကို လေ့လာတွေ့ရှိရပါသည်။ ။

ဟန်ဖြိုးအောင် (ဥယျာဉ်ခြံ)

(၁၀-၄-၂၀၁၁ တနင်္ဂနွေနေ့ နေ့လယ် ၁၂းဝ၅ တုန်းက ဘိုရွန်အကြောင်းတွေ ဖတ်ဖြစ်ရင်း ရေးထားခဲ့တဲ့ မှတ်စုလေးပါ။ ဘယ်စာအုပ်က ဖတ်ပြီးရေးခဲ့တယ်ဆိုတာ မှတ်တမ်းထဲမှာ ရေးဖို့ မေ့သွားလို့ Reference မဖော်ပြနိုင်တာကို နားလည်ခွင့်လွတ်ပေးပါ။)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...