ကြက်သွန်နီကုန်တင်ကား ဝင်ရောက်မှုများနေ

Photo -

ယခုတစ်ပတ်အတွင်း ကြက်သွန်နီကုန်တင်ကား ဝင်ရောက်မှုများနေကြောင်း မြန်မာနိုင်ငံကြက်သွန်ဖြူ၊ ကြက်သွန်နီနှင့် စားဖိုဆောင်သီးနှံ စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။ နယ်စပ်တင်ပို့မှုမရှိတာကြောင့် ကြက်သွန်နီကုန်တင်ကားများ များပြားစွာ ဝင်ရောက်လာတာဖြစ်တယ်လို့ မြန်မာနိုင်ငံကြက်သွန်ဖြူ၊ ကြက်သွန်နီနှင့် စားဖိုဆောင်သီးနှံ စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

“ တရုတ်ဘက်ကိုသွားလို့မရတာရယ်နယ်စပ်ဘက်ကို မထွက်တာရယ်ကြောင့် ကြက်သွန်နီကုန်တင်ကားတွေက စုပြုံပြီးဝင်လာတာပါ။ ကြက်သွန်နီတွေအဝင်များတော့ ဈေးနှုန်းတွေကလည်း အေးနေတယ်” ။

ယခင်ရက်များက ကြက်သွန်နီကုန်တင်ကား အစီးရေ ၃၀ ဝန်းကျင်သာ ပုံမှန်အဝင်ရှိသော်လည်း ယခုရက်အတွင်း ကြက်သွန်နီကုန်တင်ကားအစီးရေ ၄၀ ဝန်းကျင် တက်လာကြောင်းအဆိုပါအသင်းမှသိရပါတယ်။ ကြက်သွန်နီအကြီးတစ်ပိဿာကို ၈၅၀ ကျပ်၊ ကြက်သွန်နီအလတ် တစ်ပိဿာကို ၆၅၀ ကျပ် နဲ့ ကြက်သွန်နီအသေးတစ်ပိဿာကို ၅၀၀ ကျပ်ရှိကြောင်း မြန်မာနိုင်ငံကြက်သွန်ဖြူ၊ ကြက်သွန်နီနှင့် စားဖိုဆောင်သီးနှံ စိုက်ပျိုးထုတ်လုပ် တင်ပို့ရောင်းချသူများအသင်းမှသိရပါတယ်။

တိုးတိုးခိုင်(ABM)



ယခုဆောင်းပါးက သင့်အတွက် အသုံးဝင်ပါသလား?

  စကားပုံ  

"သရက်ဓားထစ်၊ မရန်းတုတ်ပစ်၊ ပိန္နဲခဲပစ်"