မြန်မာ့သခွားမွေး ပြည်ပဝယ်လိုအား ရပ်တန့်နေ

09/10/2019 15:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

မြန်မာ့သခွားမွေး ပြည်ပဝယ်လိုအား ရပ်တန့်နေ

ယခုလပိုင်းအတွင်း မြန်မာ့သခွှားမွေးပြည်ပဝယ်လိုအားမှာ ရပ်တန့်နေကြောင်း မြန်မာနိုင်ငံဖရဲ ၊ သခွား စိုက်ပျိုးထုတ်လုပ် တင်ပို့ရောင်းချသူများအသင်းမှသိရပါတယ်။

တရုတ်ပြည်မှ ဝယ်လိုအားမရှိသေးတဲ့အတွက် မြန်မာ့သခွှားမွေးဝယ်လိုအား ရပ်တန့်နေတာဖြစ်တယ်လို့ မြန်မာနိုင်ငံဖရဲ ၊ သခွား စိုက်ပျိုးထုတ်လုပ်တင်ပို့ရောင်းချသူများအသင်းမှ ဥက္ကဌဦးနိုင်ဝင်းကပြော ပါတယ်။

“ မြန်မာ့သခွှားမွေးက အခုချိန်ထိ ဝယ်လိုအားမရှိသေးဘူး။ တင်ဒါမရသေးဘူးရပ်တန့်နေတယ်။ တရုတ် ပြည်ဘက်မှာကပေါ်နေတဲ့အချိန် ဖြစ်နေတော့ ဝယ်လိုအားမရှိသေးတာလည်းပါတယ်။ ဒါကြောင့် အခုချိန်ထိ အော်ဒါမရသေးတာပါ။ ပြည်တွင်းမှာပဲရောင်းနေသေးတာပါ”

မြန်မာ့သခွားမွေးကို စစ်ကိုင်းတိုင်းဒေသကြီး ၊မန္တလေးတိုင်းဒေသကြီး ၊ ပဲခူးတိုင်းဒေသကြီးတို့မှာအများဆုံးစိုက်ပျိုးကြောင်း အဆိုပါအသင်းမှ သိရပါတယ်။

မြန်မာ့သခွှားမွေးကို အောက်တိုဘာလလယ်ပိုင်းမှစတင်ကာ တရုတ်ကိုအဓိကထား တင်ပို့သွားမှာ ဖြစ်ကြောင်း မြန်မာနိုင်ငံဖရဲ ၊ သခွားစိုက်ပျိုးထုတ်လုပ်တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)