ယူနန်ပြည်နယ်အစိုးရက မြန်မာ့စပါးများကို တရားဝင် ဝယ်ယူရန် ကမ်းလှမ်းထား

ယူနန်ပြည်နယ်အစိုးရက မြန်မာ့စပါးများကို တရားဝင် ဝယ်ယူရန် ကမ်းလှမ်းထား

ရန်ကုန်၊ စက်တင်ဘာ ၁၅ ရက်။ တရုတ်နိုင်ငံ ယူနန်ပြည်နယ်အစိုးရက မြန်မာ့စပါးများကို တရားဝင် ဝယ်ယူရန် ကမ်းလှမ်းထားသည်ဟု မြန်မာနိုင်ငံ ဆန်စပါးအသင်းချုပ် ဥက္ကဋ္ဌ ဦးရဲမင်းအောင်က ပြောသည်။ စပါးများကို တရားဝင် ဝယ်ယူရန် နှစ်နိုင်ငံ အစိုးရချင်း ကမ်းလှမ်းထားခြင်းဖြစ်ပြီး တောင်သူလယ်သမား များအတွက် အကျိုးအမြတ်နှင့် စျေးကွက်ရှိမည်ဆိုပါက ရောင်းချနိုင်သည့် အခြေနေဖြစ်သည်ဟုဆိုသည်။

"အရေးကြီးဆုံးက စပါးတင်ပို့ရောင်းချတဲ့ ကိစ္စဖြစ်ပါတယ်။ တရုတ်နိုင်ငံ ယူနန်ပြည်နယ်က စပါးကို တရားဝင် ဝယ်ချင်ပါတယ်ဆိုပြီး ကမ်းလှမ်းလာတာ ရှိပါတယ် ။ ဒီအပေါ်မှာ ဆန်စပါးအသင်းချုပ်နဲ့ အသင်းအဖွဲ့တွေရဲ့ သဘောကတော့ အစိုးရအချင်းချင်း တရားဝင် ကမ်းလှမ်းလာတယ်။ ဒီလိုတကယ် စနစ်တကျ ဥပဒေနဲ့အညီ ဝယ်ယူတဲ့ကိစ္စကို ပိတ်ပင်ချင်တဲ့ ဆန္ဒမရှိပါဘူး ။စပါးဟာ တွင်းထွက်ပစ္စည်းလည်း မဟုတ်ပါဘူး ။၄ လ ၅လ ပြန်ပြီးတော့ စိုက်နိုင်တယ်။ အဲ့တော့ တောင်သူလယ်သမားတွေအတွက် အကျိုးအမြတ်ရှိမယ် စျေးကွက်ရှိမယ်ဆိုရင် ရောင်းချနိုင်တဲ့ အနေထားဖြစ်ပါတယ် "ဟု ၎င်းကပြောသည်။

သို့သော် တရုတ်နိုင်ငံက ဆန်တန်ချိန် ၁ သိန်းဝယ်လျှင် စပါးကိုလည်း တန်ချိန် ၁သိန်း ပြန်ရောင်းနိုင်အောင် စီစဉ်ရမည်ဟုဆိုသည်။ ထိုသို့ အရောင်းအဝယ်ပြုလုပ်ရာတွင် ပြည်တွင်းစားသုံးသူများကိုလည်း ကြည့်ရမည် ဖြစ်သောကြောင့် တရုတ်နိုင်ငံနှင့်ဖြစ်စေ ၊ အခြားနိုင်ငံများနှင့် ဖြစ်စေ အစိုးရအနေဖြင့် စပါးဝယ်ယူသည့်ကိစ္စကို စဉ်းစားမည်ဆိုပါက ယင်းနိုင်ငံက မြန်မာနိုင်ငံ၏ ဆန်ကို မည်သည့်ခန့် ဝယ်ယူသလဲဆိုသည့်အပေါ် အခြေခံ၍ ညှိနှိုင်း သင့်ကြောင်း အကြံပြုချက်ကို မြန်မာနိုင်ငံဆန်စပါး အသင်းချုပ်မှ ပေးပို့ထားသည်ဟုဆိုသည်။

"တစ်နည်းအားဖြင့်ဆိုရင် အပြန်အလှန် ပမာဏ သတ်မှတ်ပြီးတော့ အရောင်းအဝယ်လုပ်ဖို့ပါ။ ဘာလို့ဆို ဆန်စျေးကွက်က တရုတ်စျေးကွက်တခုထဲ ကျွန်တော်တို့မှီခိုတာ မဟုတ်ပါဘူး။ နိုင်ငံ ၆၀ ကို ရောင်းချနေတာပါ ။ ဒီ နိုင်ငံ ၆၀ ကို ဆန်ရောင်းပေးနိုင်ဖို့ဆိုတာ နိုင်ငံ ၆၀ မှာ တည်ဆောက်ထားတဲ့ ဝယ်သူနဲ့ ရောင်းသူကြားမှာ ဆက်ဆံရေးကို ကြည့်ရဖို့ ရှိပါတယ်"ဟု ဦးရဲမင်းအောင်ကပြောသည်။ ထို့ပြင် ကြိတ်ခွဲမည့် စပါးကို ယင်းနိုင်ငံဘက်က ဝယ်ယူသည့်ဆန်နှင့် ညှိနှိုင်းပြီးမှသာ ဆောင်ရွက်ရန်နှင့် ယင်းကဲ့သို့ လုပ်ဆောင်ရာတွင်လည်း တရားဝင် ဆောင်ရွက်ရန် တင်ပြပြောဆိုထားကြောင်းသိရသည်။

ပို့ကုန်ကဏ္ဍ ဖွံ့ဖြိုးရေး လုပ်ငန်းစဉ်ကို သွားမည်ဆိုပါက အရေးကြီးဆုံးအချက်မှာ စံချိန်စံနှုန်း၊ အရည်အသွေးနှင့် နိုင်ငံတကာ စျေးကွက် ထိုးဖောက် ရောင်းချသည့် လုပ်ငန်းစဉ်များ လုပ်ဆောင်ရမည်ဖြစ်သည်။ ယခုနှစ် အောက်တိုဘာလတွင် မြန်မာနိုင်ငံဆန်စပါးအသင်းချုပ်က ဦးဆောင်၍ အာဖရိကနိုင်ငံ ၄ နိုင်ငံ ခန့်ကို သွားရောက်ကာ ဝယ်လက်များ ၊ စားသုံးသူများနှင့် တွေ့ဆုံရန် ရှိသည်ဟုဆိုသည်။ ထို့ပြင် နိုဝင်ဘာလတွင် ဖိလစ်ပိုင်နိုင်ငံ၌ ကျင်းပပြုလုပ် မည့် ဆွေးနွေးပွဲကို သွားရောက်ရန်ရှိပြီး မြန်မာနိုင်ငံ တွင်လည်း ဝယ်သူများကို ဖိတ်ကြားသွားရန် အစီစဉ်ရှိကြောင်းသိရသည်။

ပို့ကုန်မြှင့်တင်သည့် လုပ်ငန်းစဉ်များကို ပိုမိုအားထည့်၍ ဆောင်ရွက်သွားမည်ဖြစ်ပြီး ပို့ကုန်လုပ်ငန်းမှတဆင့် စျေးကွက်တည်ငြိမ်မှုကို ဆောင်ရွက်ကာ တောင်သူလယ်သမားများအတွက် တွက်ချေကိုက်သည့် စျေးနှုန်းဖြစ်စေရန်နှင့် စျေးကွက်သေချာမှုရှိစေရန်တို့ကို ကြိုးစားဆောင်ရွက်သွားမည်ဟုဆိုသည်။

အေးအေးမြင့်(ABM)

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more