နာနိုနည်းပညာ

နာနိုမြေသြဇာသည် စိုက်ပျိုးရေးတွင် သီးနှံအထွက်နှုန်းတိုးတက်စေရန်နှင့် အာဟာရဓာတ်များအား ထိရောက်စွာ အသုံးပြုနိုင်ရန်အတွက် အရေးကြီးပါသည်။ ထို့ပြင် ဓာတုမြေသြဇာများ အလွန်အကျွံသုံးစွဲခြင်းကိုလည်း လျော့ချပေးနိုင်ပါသည်။ သို့သော် နာနိုမြေသြဇာကို သတ်မှတ်နှုန်းထားထက် ပိုမိုသုံးစွဲမှုမပြုသင့်ပါ။

နာနိုမြေသြဇာသည် မည်သည့်ထုတ်ကုန်နှင့်မဆို နာနိုနည်းပညာကိုသုံးပြီး အာဟာရဓာတ်ကို ထိရောက်စွာအသုံးချနိုင်စေရန် ပြုလုပ်ထားပါသည်။

နာနိုနည်ပညာသည် စိုက်ပျိုးရေးထွက်ကုန်များကို ပိုမိုထွက်ရှိစေပြီး ၎င်း၏အသုံးပြုမှုတွင် သီးနှံများ၏အရည်အသွေး ပိုမိုကောင်းစေသည်။

နာနိုမြေသြဇာများသည် ပမာဏသေးငယ်ပြီး အကျိုးသက်ရောက်မှုကောင်းမွန်သဖြင့် ထုတ်ပိုးခြင်း၊ သိုလှောင်ခြင်းနှင့် သယ်ယူပို့ဆောင်စရိတ်ကို သက်သာစေပါသည်။

ယနေ့ခတ်သည် ရေရှည်တည်တံ့သောစိုက်ပျိုးရေးစနစ်ကို လိုအပ်ပါသည်။ သဘာဝသဟဇာတဖြစ်မှုအတွက် မှန်ကန်ကောင်းမွန်သော ချဉ်းကပ်မှုဖြစ်စေရန် လိုအပ်သည်။ မြေယာထွန်ယက်မှုနည်းစနစ်သည် ရေရှည်တွင် မြေကြီးအားထိခိုက်စေသည်။ အလွန်အကျွံမြေကို ထွန်ယက်ခြင်းသည် မြေဆီလွှာအားတိုက်စားစေသည်။ မြေအငံပေါက်စေသည်။

ယခုသုံးစွဲနေသော ပမာဏကြီးမားသည့် မြေသြဇာများသည် ထုတ်လုပ်သူများအတွက် ဈေးကြီးရုံသာမက လူသားများနှင့် သဘာဝပတ်ဝန်းကျင်အားထိခိုက်စေပါသည်။

နာနိုမြေသြဇာ၏ သမားရိုးကျ ဓာတုမြေသြဇာများထက် အရေးပါသော အကျိုးကျေးဇူးများမှာ-

၁။ နာနိုနည်းပညာဖြင့်ထုတ်လုပ်ထားသော မြေသြဇာများကို သီးနှံပင်များမှ သီးနှံပင်၏ သက်တမ်းတစ်လျောက်တွင် အာဟာရမျှတအောင် လိုအပ်သလို ပုံမှန်စုပ်ယူစားသုံးနိုင်ခြင်း၊ ထိုသို့ သီးနှံပင်များမှ လိုအပ်သလို ပုံမှန်စုပ်ယူစားသုံးနိုင်ခြင်းသည် နာနိုပစ္စည်းများဖြင့် မြေသြဇာများအား ကာကွယ်ပေးထားခြင်းကြောင့်ဖြစ်ပေသည်။ ထို့ကြောင့် နာနိုနည်းပညာသုံး အာဟာရမြေသြဇာများကိုအသုံးပြုထားသော သီးနှံများ၏ ကြီးထွားမှုနှုန်းသည် အခြားမြေဆီများထက် သာလွန်ကောင်းမွန်သော ကောင်းကျိုးကို ပေးစွမ်းနိုင်ပါသည်။ ဥပမာအားဖြင့် သာမာန်မြေသြဇာများသည် ၄ ရက်မှ ၁၀ ရက်အတွင်း အကျိုးအာနိသင်ကုန်သွားသော်လည်း နာနိုနည်းပညာသုံးမြေသြဇာများသည် ရက်ပေါင်း ၄၀ မှ ၅၀ ကျော် သက်တမ်းအထိ သီးနှံပင်များမှ အာဟာရများကို စားသုံးနိုင်ပေသည်။

၂။ အခြားကောင်းကျိုးအနေဖြင့် နာနိုနည်းပညာသုံးမြေသြဇာများသည် သီးနှံပင်အတွက်လိုအပ်သောပမာဏသည် နည်းသောကြောင့် သယ်ယူပို့ဆောင်စရိတ်နှင့် ကွင်းတွင်းအသုံးချမှု ကုန်ကျစရိတ်အား များစွာလျော့ချနိုင်ပေသည်။

၃။ အဓိကအားသာချက်အနေဖြင့် ဆားပေါက်မြေဆီလွှာများကို နာနိုနည်းပညာသုံးမြေသြဇာ ပမာဏနည်းနည်းအသုံးပြုပြီး သမမျှတသော မြေဆီလွှာဖြစ်အောင် ပြုပြင်နိုင်ပေသည်။

၄။ အခြားအားသာချက်အနေဖြင့် နာနိုနည်းပညာသုံးမြေသြဇာများကို ဇီဝနည်းပညာများဖြင့် တွဲဖက်အသုံးပြု ဖန်တီးထားသောကြောင့် မည်သို့သော မြေဆီလွှာ၏အခြေအနေ၊ သီးနှံပင်၏ ကြီးထွားမှုအဆင့်နှင့် သဘာဝပတ်ဝန်းကျင် အခြေအနေများတွင်မဆို သီးနှံပင်များ၏ အာဟာရလိုအပ်သလို ပုံမှန်စုပ်ယူစားသုံးနိုင်အောင် ထောက်ပံ့ပေးနိုင်ပေသည်။

၅။ နာနိုနည်းပညာသုံးမြေသြဇာသည် အရွယ်အစားသေးငယ်ပြီး ဇီဝနည်းပညာများဖြင့် တွဲဖက်အသုံးပြု ဖန်တီးထားသောကြောင့် အာဟာရထောက်ပံ့ပေးနိုင်မှုစွမ်းရည်ကောင်းမွန်ပြီး ဇီဝအာဟာရရှိနိုင်မှုကို တိုးတက်စေပါသည်။

၆။ သီးနှံပင်သက်တမ်းတစ်လျောက် အာဟာရမျှတအောင် ပုံမှန်ထောက်ပံ့ပေးနိုင်သောကြောင့် သီးနှံပင်များအား သက်ရှိ၊ သက်မဲ့ကြောင့်ဖြစ်တတ်သော ရောဂါပိုးမွှားများကို ကောင်းစွာဟန့်တားကာကွယ်ပေးနိုင်ပေသည်။

ဒေါ်ထွေးထွေးအောင်

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...