မက်မန်းသီးပင် ပျိုးနည်း(၅)နည်း

မက်မန်းသီးမှ မက်မန်းဝိုင်၊ မက်မန်းယို၊ မက်မန်းသီးအချဉ်ပေါင်း အမျိုးမျိုးပြုလုပ်လို့ရပါသည်။ မက်မန်းသီးတစ်ပင်ရှိမယ်ဆိုရင်တောင် စားလို့မကုန် တန်ဖိုးမြှင့်ထုတ်ကုန်တွေထုတ်လို့ရနေပါပြီ။ အိမ်တွင်း နိုင်သလောက်စိုက်ပျိုးရင်ပဲဖြစ်ဖြစ်၊ စီးပွားဖြစ်စိုက်ပျိုးဖို့ပဲဖြစ်ဖြစ် အပင်ဖြစ်အားကောင်း အသီးတင်နှန်းကောင်းအောင်စိုက်ပျိုးနိုင်ဖို့ ပျိုးပင်ကောင်းကောင်းများလိုအပ်ပါသည်။ ဒါ့ကြောင့် မက်မန်းပင်ပျိုးထောင်နည်းစနစ်အမျိုးမျိုးကို လေ့လာထားသင့်ပါသည်။

ပျိုးထောင်ရာတွင် အစေ့ကိုပျိုးခြင်း၊ ကိုင်းဖြတ်များပျိုး၍စိုက်ခြင်း၊ ကိုင်းများတွင် မြေထုပ်လုပ်၍စိုက်ခြင်း၊ ဖက်တင်ကူစိုက်ခြင်း၊ အပင်အမြစ်မှ အတက်ပေါက်ဖဲ့၍ စိုက်ပျိုးနိုင်သည်။

၁။ အစေ့မှပျိုးခြင်း

အစေ့ကိုပျိုးရာတွင် ကြိုက်နှစ်သက်သော မက်မန်းမျိုးမှ မှည့်သောအလုံးကြီးများကို အပုပ်ခံရမည်။ အစေ့များကို ရေဆေးပြီး ပျိုးခင်းတွင်ဖြစ်စေ၊ ထင်းရှူးသေတ္တာများတွင်ဖြစ်စေ သဲမြေ၊ ရိုးရိုးမြေ၊ နွားချေး၊ မြေဆွေးရော၍ ပျိုးခင်းတွင် တစ်စေ့နှင့်တစ်စေ့ (၃) လက်မခြားပြီး မြေတွင် (၂) လက်မခန့်မြှုပ်ထားရမည်။ နေ့စဉ်ရေပုံမှန်လောင်း၍ သင့်တော်သော အရိပ်ရရှိပါက ပျိုးပြီး ရက်ပေါင်း (၁) လ၊ (၁) လခွဲအတွင်း အပင်များပေါက်လာမည်။ အပင်ပေါက်များ ၈ လက်မကျော်ပြီး အရွက် ၄၊ ၅ ရွက်ခန့်ထွက်လာချိန်တွင် ရွေ့စိုက်နိုင်သည်။

၂။ ကိုင်းဖြတ်၍ပျိုးခြင်း

ကိုင်းမှပျိုးရာတွင် ကြိုက်နှစ်သက်သော မက်မန်းမျိုးမှ မနု မရင့် လက်တစ်လုံးထက်တုတ်သော ကိုင်းများကို ၁၀ လက်မကျော်ဖြတ်ပါ။ ထို့နောက်ပျိုးခင်းတွင် ထိုး၍ အရိပ်ကျကျနေရာတွင်ထားပြီး ရေလောင်းစိုက်ပျိုးရမည်။

၃။ မြေထုပ်စည်းခြင်း

မြေထုပ်ပြုလုပ်၍စိုက်ပျိုးရာတွင် ကျပ်လုံးထက်မငယ်သော အကိုင်းများတွင် အပေါ်ခွံ (၁) လက်မ ကျယ်ကျယ်ခွာပြီး ထိုနေရာတွင် မြေဆွေးမြေများအုံ၍ အပေါ်မှအုန်းဆံခွံများ (သို့မဟုတ်) တိတ်များဖြင့် အုပ်၍ စည်းနှောင်ထားရမည်။ ရက်ပေါင်း (၄၀-၆၀) ကျော်လာပါက အမြစ်များတွယ်လာသောအခါ အထုပ်အောက်ခြေ (၃) လက်မမှဖြတ်၍ စိုက်ပျိုးခြင်းဖြစ်သည်။ ဤနည်းသည် အသီး သီးမြန်သည်။

၄။ ဖက်တင်ကူနည်းဖြင့်ပျိုးခြင်း

ဖက်တင်ကူပြုလုပ်ပျိုးရာတွင် မိုးအကုန်ဆောင်းအကူးကာလသည် အကောင်းဆုံးဖြစ်သည်။ ကြိုက်နှစ်သက်သော မက်မန်းပင်မှ အကိုင်းတွင် အတက်ထွက်ရန်ပြူနေသော မျက်စိကလေးများကို အခွံပါအောင်ခွာပါ။ ထိုမျက်စေ့ကလေးကို မြေ၌ပျိုးထားသော အောက်ခံပင်၏ပင်စည်တွင် အခွံခွဲပြီး မျက်စိထည့်၍ ကူးခြင်းဖြစ်သည်။

၅။ အမြစ်မှအတက်ပေါက်ဖဲ့ယူခြင်း

အမြစ်မှအတက်ပေါက်ဖဲ့ယူနည်းသည် အလွန်လွယ်ကူသက်သာသည်။ မက်မန်းပင်ကြီးများ၏ ပင်စည်နှင့်အမြစ်တစ်ဝိုက်တွင် မိုးရာသီအချိန်အမြစ်မှနေ၍ အပင်အတက်များ ပေါက်လာကြသည်။ ထိုအပင်ပေါက်များကို အမြစ်တက်များမှ ဖဲ့ယူစိုက်ပျိုးရမည်။

မက်မန်းပင်ပျိုးပင်ယူရာ အောင်မြင်ဖြစ်ထွန်းကြပါစေလို့ ဆုမွန်ကောင်းပြုလျက်..

နည်းပညာများကို “အောင်ဝင်းထွဋ်၏ သီးပင်စိုက်ပျိုး ဝင်ငွေတိုး” စာအုပ်မှ ကောက်နုတ်ဖော်ပြပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။