ဝက်စာဈေးတွေကြီးနေချိန် ကိုယ်တိုင်ပြုလုပ်နိုင်မယ့် စရိတ်သက်သာ ဝက်အစာ စပ်နည်းများ

 မြန်မာနိုင်ငံမှာ ဝက်ကိုစီးပွားဖြစ်ရော၊ တစ်နိုင်တစ်ပိုင်ပါ မွေးမြူသူတွေ များလှပါတယ်။ ယခုကာလမှာ ကုန်စျေးနှုန်းမြင့်မားတာကြောင့် မွေးမြူရေးသမားတွေ အစာစရိတ်ကုန်ကျမှုများစွာ ကြုံနေရပါတယ်။ ဒါကြောင့် ဝက်စာကို အိမ်မှာပဲပြုလုပ်ပြီး စရိတ်ချွေတာနိုင်မယ့်နည်းလေးတွေကို ပြောပြပေးပါမယ်ခင်ဗျ။

မျိုးဝက်နဲ့ နို့တိုက်ဝက်များအတွက် အာဟာရပြည့် ဝက်စာစပ်နည်း

ဆန်ကွဲ - ၄၀ ပိဿာ ၅၀ ကျပ်သား

ဖွဲနု - ၄ ပိဿာ

ဂျုံဖွဲ - ၂ ပိဿာ

ငါးခြောက်မှုန့် - ၉ ပိဿာ

မြေပဲဖတ် - ၇၄ ကျပ်သား

နှမ်းဖတ် - ၁ ပိဿာ

စပါးခွံ - ၁ ပိဿာ

ပြောင်း - ၁၂ ပိဿာ ၉၅ ကျက်သား

ငါးပေါင်း 55% glaxy - ၄ ပိဿာ ၅၀ ကျပ်သား

ပွိုင့်မှုန့် - ၅ ပိဿာ

ကုလားပဲခွံ - ၁ ပိဿာ

ပီလောပီနံမှုန့် - ၈ ပိဿာ

ပဲပုတ်စေ့လှော်မှုန့်- ၈ ပိဿာ

ဖောက်ထုံး - ၁ကျပ်သား

ဆား - ၂၀ ကျပ်သား

အားဆေးမှုန့် - ၅၀ ကျပ်သား

မီသီအိုနင်း - ၅၀ ကျပ်သား

ဒိုင်ကယ်လ်စီယမ်ဖော့စဖိတ်- ၁ ပိဿာ ၁၀ ကျပ်သားတို့ကို

အထက်ပါအချိုးအစားတိုင်းရောစပ်ပြီး ကျွေးနိုင်ပါတယ်။

စရိတ်သက်သာတဲ့ ဝက်စာပြုလုပ်နည်း

ပီလောပီနံ -၁၀ ကီလိုဂရမ်

ဖွဲနု - ၁၅ ကီလိုဂရမ်

ထမင်းဖြူ -၁ ကီလိုဂရမ်

ငါး(သို့မဟုတ်) ခရုနှပ်ရည် - ၁လီတာ

ပြုလုပ်နည်း

၁။ ကုန်ကြမ်းအားလုံးကို ရောစပ်ပြီး သမအောင် မွှေပေးပါ။

၂။ မွှေပြီးရင် လက်ဖြင့်အတုံးလေးများဖြစ်အောင် ဆုပ်ပေးပါ။

၃။ ထိုအလုံးလေးများကို လေသလပ်ခံပြီး အခြောက်လှမ်းပါ။

၄။ ခြောက်ပါက ဝက်စာအဖြစ်ကျွေးမွေးနိုင်ပါပြီ။

ဒီလို ပြုလုပ်ထားတဲ့ဝက်စာကိုတော့ ဘယ်လိုဝက်အမျိုးအစားကိုမဆို ကျွေးမွေးနိုင်ပါတယ်။ 

အထက်ပါနည်းအပြင် နေဗီယာမြက်ကိုလည်း ကုန်ကျစရိတ်သက်သာစေမယ့် ဝက်စာအဖြစ် အစားထိုးကျွေးနိုင်ပါတယ်။ နေဗီယာမြက်ကို ကျွေးမယ်ဆိုရင် အစာကြမ်းအနေဖြင့်ရော၊ ချဥ်ဖတ်သိပ်ပြီးရော၊ တခြားအစာနဲ့ ရောစပ်၍ရော  အဆင်ပြေသလို ကျွေးနိုင်ပါတယ်။

ဒီတော့ အခုလို ဝက်စာဈေးတွေကြီးနေချိန်မှာ အထက်ပါနည်းလေးတွေနဲ့ ကိုယ်တိုင်လုပ်ဝက်စာတွေကို ပြုလုပ်ကျွေးမွေးခြင်းဖြင့် ဝက်မွေးမြူသူများ အစာစရိတ်သက်သာပြီး စီးပွားရေး တွက်ချေကိုက်ကြပါစေဗျ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်