ကြိုတင်အအေးခံခြင်းနည်းပညာ (သို့မဟုတ်) ရိတ်သိမ်းပြီးသီးနှံများ၏ ကွင်းထဲမှပါလာသောအပူများကို ဖယ်ရှားခြင်း

ကြိုတင်အအေးခံခြင်းဆိုသည်မှာ သီးနှံများ ရိတ်သိမ်းပြီးနောက်တွင် ကွင်းထဲမှပါလာသော အပူဓာတ်များကို အလျင်အမြန်ဖယ်ရှားခြင်းကို ဆိုလိုသည်။ ကွင်းထဲမှပါလာသော အပူဆိုသည်မှာ ပုံမှန် သီးနှံများသိုလှောင်သိမ်းဆည်းသော အပူချိန်နှင့် သီးနှံများ ကွင်းထဲမှ ရိတ်သိမ်းလျှင်ရိတ်သိမ်းပြီးချင်း ပါလာသော အပူချိန်ကြား ကွာဟချက်ကို ဆိုလိုပါသည်။ ရိတ်သိမ်းပြီးနောက် သီးနှံများတွင် ကွင်းပါလာသော အပူဓာတ်များကို အမြန်ဆုံးဖယ်ရှားရန်လိုအပ်ပါသည်။ အဘယ့်ကြောင့်ဆိုသော် အပူဓာတ်များ မဖယ်ရှားခဲ့ပါက သီးနှံသက်တမ်း အနည်းဆုံး (၁) ရက်နည်းသွားနိုင်သောကြောင့်ဖြစ်သည်။ ကြိုတင်အအေးခံခြင်းကို ဟင်းသီးဟင်းရွက်များ၊ သစ်သီးများနှင့် ပန်းမန်များတွင် အများဆုံးနှင့် အမြန်ဆုံး ပြုလုပ်ပေးရန်လိုအပ်ပါသည်။

ကြိုတင်အအေးခံခြင်းကို ပြုလုပ်ပါက ရရှိနိုင်မည့် အကျိုးကျေးဇူးများ

• သိုလှောင်သိမ်းဆည်းသောအခါတွင် သိုလှောင်သိမ်းဆည်းရန် သင့်တော်သော အပူချိန်ကို အလျင်အမြန်ရရှိစေသောကြောင့် သိုလှောင်အအေးခန်း၏ လုပ်အား ဝန်အားကို လျော့နည်းစေခြင်း။

• သီးနှံ၏ အသက်ရှူမှုဖြစ်စဉ်များ၊ သီးနှံ၏ အလေးချိန်များနှင့် အင်ဇိုင်းလှုပ်ရှားမှုများကို ကန့်သတ်လျော့ချပေးသောကြောင့် သီးနှံများ ပျော့သွားခြင်း၊ ညှိုးသွားခြင်းနှင့် ရေဓာတ်ဆုံးရှုံးခြင်းများ မဖြစ်စေတော့ပါ။

ဘက်တီးရီးယားများနှင့် မှိုများကဲ့သို့ အဏုဇီဝပိုးမွှားများ၏ ကြီးထွားမှုကို ဟန့်တားပေးသောကြောင့် ပုပ်သိုးဆွေးမြေ့မှုကို လျော့နည်းစေခြင်း။

• အီသိုင်လင်းထုတ်လွှတ်မှုနှုန်းကိုလည်း လျော့ချစေခြင်း။

• သီးနှံများ ထိခိုက်ဒဏ်ရာရရှိမှုကို နှောင့်နှေးစေခြင်း။

ကြိုတင်အအေးခံခြင်း နည်းလမ်းများ

ကြိုတင်အအေးခံခြင်းနည်းလမ်း အမျိုးမျိုးရှိသည့်အထဲမှ ကြိုက်နှစ်သက်ရာ နည်းလမ်းတစ်မျိုးမျိုးကို အသုံးပြုနိုင်ပါသည်။

• အရိပ်ထဲတွင် အအေးခံခြင်း

• လေဖြင့် အအေးခံခြင်း

• ရေဖြင့် အအေးခံခြင်း

• ရေခဲဖြင့် အအေးခံခြင်း

• လေဟာနယ်ဖြင့် အအေးခံခြင်း

အရိပ်ထဲတွင် အအေးခံခြင်း

ကွင်းထဲမှ ရိတ်သိမ်းပြီးလာသော သီးနှံများကို အရိပ်ရသောနေရာတွင် တိုက်ရိုက်ပြောင်းရွှေ့ပြီး ကွင်းထဲမှ အပူဓာတ်များကို ဖယ်ရှားရန် နည်းပညာလိုအပ်မှု အနည်းဆုံးနှင့် ကုန်ကျစရိတ်အနည်းဆုံး အရိုးရှင်းဆုံးနည်းလမ်းဖြစ်သည်။ ထုပ်ပိုးသိမ်းဆည်းမည့် နေရာအဆောက်အဦး အတွင်းရှိသော အပူချိန်ကို ၂၀ ဒီဂရီစင်တီဂရိတ်ထိ လျော့ချနိုင်သည်။

လေဖြင့် အအေးခံခြင်း

လေဖြင့်အအေးခံခြင်းဆိုသည်မှာ အထူးပြုပြင်ထားသော အခန်းထဲတွင် လေအေးပေးစနစ်တပ်ဆင်ပြီး အအေးခံခြင်းဖြစ်သည်။ လေဖြင့်အအေးခံခြင်း နှစ်မျိုးရှိသည်။ အခန်းထဲတွင် အအေးဓာတ်လွှတ်ပြီး အအေးခံခြင်းနှင့် အခန်းထဲတွင် လေအားကို အသုံးပြုပြီး အအေးခံခြင်းဖြစ်သည်။

ရေဖြင့် အအေးခံခြင်း

ကွင်းထဲမှ ရိတ်သိမ်းလာသော သီးနှံများကို ရေအေး (သို့မဟုတ်) ရိုးရိုးရေကို အသုံးပြုပြီး ပက်ဖြန်းကာ ကွင်းထဲမှပါလာသော အပူဓာတ်ကို ဖယ်ရှားအအေးခံခြင်းဖြစ်သည်။

ရေခဲဖြင့် အအေးခံခြင်း

သီးနှံလတ်လတ်ဆတ်ဆတ်များမှ အပူဓာတ်ကို ရေခဲကိုအသုံးပြီး ဖယ်ရှားခြင်းနည်းလမ်းဖြစ်သည်။ ရေခဲဖြင့် အအေးခံခြင်း နည်းလမ်း (၄) မျိုးရှိသည်။

• လုပ်အားဖြင့်သော်လည်းကောင်း စက်ကို အသုံးပြုပြီးသော်လည်းကောင်း ရေခဲဖြင့် အအေးခံခြင်း

• ရေခဲနှင့် ရေ ရောထားသော ရေခဲရည်ဖြင့် သီးနှံများကို အအေးခံခြင်း

• ထုပ်ပိုးထားသော သီးနှံများအပေါ်တွင် ရေခဲထုပ်များကို တင်ထားခြင်းဖြင့် အအေးခံခြင်း

• ထုပ်ပိုးထားသော သီးနှံများအကြားတွင် ရေခဲဗူးများကိုထားခြင်းဖြင့် အအေးခံခြင်း

လေဟာနယ်ဖြင့် အအေးခံခြင်း

သတ္ထုထုလုံးရှည် (ဆလင်ဒါ) ထဲတွင် သီးနှံများကိုထည့်ပြီး ဆလင်ဒါအတွင်းရှိ လေထုဖိအားကို လျော့ချပြီး ရေငွေ့ပြန်ခြင်းနှင့် အေးခြင်းဖြစ်စဉ်ကို ဖြစ်ပေါ်စေကာ အပူချိန်ကို လျော့ချပြီး အအေးခံခြင်းဖြစ်သည်။

ကြိုတင်အအေးခံခြင်း နည်းလမ်းအမျိုးမျိုးရှိသည့်အနက်မှ နေရောင်ခြည်စွမ်းအင်သုံး အအေးခန်းအကြောင်းကို ဆက်လက်ဖော်ပြသွားပေးပါမည်။

Tin Htut Khaung (B.Agr.Sc)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...