"စွန့်ပစ်မှိုပွားစာများကို ပြန်လည်အသုံးချခြင်းဆိုင်ရာ နည်းလမ်းများ" အသိပညာပေးဆွေးနွေးပွဲကျင်းပမည်

မြန်မာနိုင်ငံသစ်သီးဝလံ၊ ပန်းမန်နှင့် ဟင်းသီးဟင်းရွက်စိုက်ပျိုးထုတ်လုပ် တင်ပို့ရောင်းချသူများအသင်းမှ ထုတ်ဝေလျက်ရှိသည့် "ဖူးပွင့်ဝေမဂ္ဂဇင်း" မှ ဦးဆောင်၍ “သဘာဝပတ်ဝန်းကျင်နှင့် စိုက်ပျိုးရေးကဏ္ဍရေရှည်တည်တံ့ဖွံ့ဖြိုးရေးအတွက် စွန့်ပစ်မှိုပွားစာများကို ပြန်လည်အသုံးချခြင်းဆိုင်ရာ နည်းလမ်းများ” အသိပညာပေးဆွေးနွေးပွဲကျင်းပမည်ဖြစ်ကြောင်း သိရသည်။

အဆိုပါဆွေးနွေးပွဲကို ၂၀၂၁ ခုနှစ် ဇန်နဝါရီလ (၂၃) ရက် (စနေနေ့) နေ့လည် ၁း၀၀ နာရီတွင် စတင်မည်ဖြစ်ပြီး၊ ဆွေးနွေးပွဲအစီအစဉ် အပိုင်း (၁) အနေဖြင့် ပညာရေးဝန်ကြီးဌာန၊ ဇီဝနည်းပညာသုတေသနဌာန (ကျောက်ဆည်) မှ ဒုတိယညွှန်ကြားရေးမှူး ဒေါက်တာသိမ့်သိမ့်ဝင်းမှ “သဘာဝပတ်ဝန်းကျင်နှင့် စိုက်ပျိုးရေးကဏ္ဍရေရှည်တည်တံ့၊ ဖွံ့ဖြိုးရေးအတွက်စွန့်ပစ်မှိုပွားစာများကို ပြန်လည်အသုံးချခြင်းဆိုင်ရာ နည်းလမ်းများ” ခေါင်းစဉ်ဖြင့် ဆွေးနွေးမည်ဖြစ်သည်။

ကျွန်တော်တို့ မြန်မာနိုင်ငံသစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်းကထုတ်ဝေတဲ့ "ဖူးပွင့်ဝေမဂ္ဂဇင်း" ရဲ့ ပင်တိုင်ဆောင်းပါးရှင် ဝါရင့်ဆရာကြီးတွေ၊ သုတေသီပညာရှင်တွေနဲ့ အတွေ့အကြုံရင့် ကျွမ်းကျင်ပုဂ္ဂိုလ်တွေရဲ့ စိုက်ပျိုးထုတ်လုပ်မှုဆိုင်ရာ နည်းပညာ၊ ဗဟုသတတွေအပြင် စိုက်ပျိုးသူ၊ စားသုံးသူတွေကို အသိပညာပေးနိုင်တဲ့ အကြောင်းအရာတွေကို အပတ်စဉ် စနေနေ့၊ နေ့လည် ၁း၀၀ နာရီမှာ အွန်လိုင်းဆွေးနွေးပွဲတွေ ကျင်းပသွားဖို့ စီစဉ်ထားပါတယ်။ ဒီတစ်ပတ် ဆွေးနွေးပွဲလေးမှာတော့ Spent Mushroom Substrate-SMS လို့ခေါ်ကြတဲ့ စားသုံးမှိုစိုက်ပျိုးထုတ်လုပ်ခြင်းမှ အဓိကဘေးထွက်ပစ္စည်းမှာ စွန့်ပစ်မှိုပျိုးစာတွေကို ဘယ်လိုပြန်လည်အသုံးချနိုင်မလဲဆိုတဲ့ နည်းလမ်းအမျိုးမျိုးကို ဆွေးနွေးပြောကြားပေးသွားမှာ ဖြစ်ပါတယ်။ စိတ်ပါဝင်စားသူမည်သူမဆို Zoom Meeting ဆွေးနွေးပွဲကို ပါဝင်တက်ရောက်ဖို့ ဖိတ်ခေါ်ပါတယ်။

ဟု မြန်မာနိုင်ငံသစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်း၏ ဗဟိုအလုပ်အမှုဆောင်၊ ဖူးပွင့်ဝေမဂ္ဂဇင်း၏ အုပ်ချုပ်မှုအယ်ဒီတာ ဦးတင်အောင်က ပြောသည်။

ဆွေးနွေးပွဲတွင် အဓိကဆွေးနွေးသွားမည့် အကြောင်းအရာများမှာ Spent Mushroom Substrate (SMS) ၏ ဂုဏ်သတ္တိများကို စိုက်ပျိုးရေးတွင် ပြန်လည်အသုံးချခြင်း၊ တိရိစ္ဆာန်စာအဖြစ် ပြန်လည်အသုံးချခြင်း၊ ဇီဝလောင်စာအနေဖြင့် အသုံးပြုခြင်း၊ စက်မှုလုပ်ငန်းသုံးအင်ဇိုင်းများ ပြန်လည်ထုတ်လုပ်ခြင်း အစရှိသည်တို့ ပါဝင်မည်ဖြစ်သည်။

ဆွေးနွေးပွဲကို MFVP Facebook page နှင့် "ဖူးပွင့်ဝေမဂ္ဂဇင်း" Facebook page တို့မှလည်း တိုက်ရိုက်ထုတ်လွှင့် ပးသွားမည်ဖြစ်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်” ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...