ဥယျာဉ်စိုက်ခင်းတွေမှာ အသုံးဝင်စေမယ့် မီးဖိုချောင်ထွက်ပစ္စည်း (၇) မျိုး

‘အိမ်နောက်ဖေး ဈေးဆိုင်တည်’ ဆိုတဲ့ မြန်မာစကားပုံအတိုင်း မိမိတို့ရဲ့နေအိမ်မှာ တစ်နိုင်တစ်ပိုင်စိုက်ခင်းလေးများထားရှိခြင်းက ဟင်းသီးဟင်းရွက်များကို လတ်လတ်ဆတ်ဆတ် စားရသလို ကုန်ကျစရိတ်လည်း သက်သာစေတဲ့အတွက် ဝင်ငွေကိုချွေတာရာရောက်ပါတယ်။

ဒါပေမယ့် အပင်လေးတွေကို ပြုစုစောင့်ရှောက်ဖို့ ကုန်ကျစရိတ်ကို သင်တွေးနေသလား? မပူပါနဲ့။ သင့်အိမ်မှာရှိတဲ့ မီးဖိုချောင်ထွက်ပစ္စည်းလေးတွေနဲ့ အပင်ပြုစုပြီး တစ်နိုင်တစ်ပိုင် ဥယျာဉ်ခြံလေး ဖန်တီးလို့ရပါတယ်။ ဒါကြောင့် ဥယျာဉ်ခြံစိုက်ခင်းမှာ အသုံးဝင်နိုင်မယ့် ပစ္စည်းလေးတွေအကြောင်းကို ဖော်ပြပေးလိုက်ပါတယ်နော်။

၁။ သတင်းစာစက္ကူ

သတင်းစာစက္ကူများကို အပင်ခြေတွေမှာ ဖုံးပေးခြင်းဖြင့် ပေါင်းပြဿနာကို အတော်အတန်ဖြေရှင်းပေးနိုင်ရုံသာမက မြေဆီလွှာကိုအကျိုးပြုတဲ့ တီကောင်လေးများအတွက် သင့်တော်တဲ့ပတ်ဝန်းကျင်ကို ဖန်တီးပေးနိုင်ပါတယ်။ သတင်းစာစက္ကူများပေါ်မှာ မြေဆွေးတစ်ထပ်အုပ်ပေးခြင်းဖြင့် ဆွေးမြေ့မှုနှုန်း ပိုမြန်စေပါတယ်။ သတင်းစာစက္ကူတစ်လွှာတည်းဖြင့် မထိရောက်လျှင် နှစ်လွှာသုံးလွှာထပ်ပြီး အသုံးပြုနိုင်ပါတယ်။

၂။ အာလူးပြုတ်ရည်

အာလူးပြုတ်ပြီး ရလာသောအရည်များမှာလည်း အာလူးမှာပါဝင်တဲ့ အာဟာရဓာတ်တွေ ကျန်ရှိနေတတ်ပါတယ်။ အာလူးပြုတ်ရည်ဟာ အပင်အတွက်လိုအပ်တဲ့ အာဟာရရည်အဖြစ် အသုံးပြုနိုင်ပါတယ်။ အာလူးပြုတ်ရည်သာမက ဂျုံခေါက်ဆွဲပြုတ်ရည်၊ ကြက်ဥပြုတ်ရည်နှင့် ပန်းဂေါ်ဖီ၊ ဟင်းနုနွယ်၊ သခွားမွှေး၊ ပြောင်းဖူး စတဲ့ ဟင်းသီးဟင်းရွက် ပြုတ်ရည်များကိုလည်း အပင်အတွက် ဖြည့်စွက်အာဟာရအဖြစ် သုံးနိုင်ပါသေးတယ်။

၃။ ငှက်ပျောခွံ

ငှက်ပျောခွံတွေမှာလည်း ပိုတက်ဆီယမ်၊ ကယ်လ်ဆီယမ်၊ ဖော့စဖောရပ်စ် စတဲ့ အပင်အတွက် မရှိမဖြစ်လိုအပ်တဲ့ အာဟာရဓာတ်တွေပါဝင်နေပါတယ်။ ငှက်ပျောခွံတွေကို အစိတ်စိတ်အမွှာမွှာပိုင်းဖြတ်ကာ အပေါ်ယံမြေဆီလွှာ ၃ လက်မ - ၄ လက်မအနက် တူးထည့်ထားပြီး အပင်အတွက် မြေသြဇာအဖြစ် အသုံးပြုနိုင်တယ်။ နောက်တစ်နည်းမှာတော့ ငှက်ပျောခွံများကိုအခြောက်လှန်းပြီး ရလာသောငှက်ပျောခွံခြောက်များကို ကြိတ်ခြေကာ အပင်ခြေတွင် ဖြန့်ကျဲထားခြင်းဖြင့်လည်း မြေသြဇာအဖြစ်သုံးနိုင်ပါတယ်။

၄။ လက်ဖက်ခြောက်ထုပ်လေးများ(tea bags)

သုံးပြီးသား အသင့်သောက် လက်ဖက်ခြောက်ထုပ်လေးများကို လွှင့်ပစ်စရာမလိုဘဲ မိမိတို့ရဲ့စိုက်ခင်းမှာ ပြန်အသုံးပြုနိုင်ပါတယ်နော်။ လက်ဖက်ခြောက်ထုပ်ဟောင်းများအထဲမှ အမှုန့်များကို အပင်ပတ်ပတ်လည်မှာ ကြဲပက်ထားခြင်းဖြင့် မြေဆီသြဇာကို ပိုကောင်းစေပြီး အကျိုးပြု မြေတွင်းပိုးလေးတွေရဲ့ လုပ်ဆောင်မှုကို အားပေးရာရောက်ပါတယ်။ ဒါ့အပြင် ငရုတ်ကောင်းအနံ့၊ ပူရှိန်းအနံ့ပါသော လက်ဖက်ခြောက်ထုပ်များကို သုံးခြင်းဖြင့်လည်း အပင်များကို ပုရွက်ဆိတ်များဖျက်ဆီးမှုအန္တရာယ်မှ ကာကွယ်ပေးပါတယ်။

၅။ အက်စ်ပရင်(Aspirin)

မိမိတို့အိမ်မှာရှိတတ်တဲ့ ရက်လွန်သွားတဲ့ အက်စ်ပရင်(အကိုက်အခဲပျောက်ဆေး) ဆေးပြားများကလည်း အပင်တွေမှာကျရောက်တတ်တဲ့ မှိုရောဂါတွေ ကာကွယ်ရာမှာ အလွန်အသုံးဝင်ပြီး ပိုမိုကျန်းမာသန်စွမ်းတဲ့ အပင်တွေကို ရရှိစေပါတယ်။ အက်စ်ပရင်ကို ရေ(၄)လီတာ (၁ဂါလံ) လျှင် (၂) ပြား နှုန်း ဖျော်စပ်ပြီး အပင်ပတ်လည်ကို ဖျန်းပေးနိုင်ပါတယ်။ အပင်ပတ်လည်သာမက အပင်အစိတ်အပိုင်းများပေါ်လည်း အနည်းငယ် ဖျန်းပေးနိုင်ပါတယ်။ သို့သော် လိုအပ်တဲ့ပမာဏထက် ပိုဖျန်းမိပါက အပင်တွေကို လောင်ကျွမ်းစေနိုင်ပါတယ်။

၆။ ကော်ဖီမှုန့်

ကော်ဖီမှုန့်မှာဆိုရင်လည်း နိုက်ထရိုဂျင်၊ ပိုတက်ဆီယမ်၊ ဖော့စဖောရပ်စ် စတဲ့ အပင်အတွက် မရှိမဖြစ်လိုအပ်တဲ့ အာဟာရဓာတ်များပါဝင်ပါတယ်။ ကော်ဖီမှုန့်ကို မြေကြီးမျက်နှာပြင်ပေါ်မှာ ကြဲပက်၍သော်လည်းကောင်း၊ သစ်ရွက်ဆွေး၊ မြေဆွေးများနဲ့ရော၍သော်လည်းကောင်း အသုံးပြုနိုင်ပါတယ်။ ဒါ့အပြင် မကုန်ဘဲကျန်တဲ့ ကော်ဖီရည်များကိုလည်း အရင်လိုမသွန်ပစ်တော့ဘဲ အအေးခံပြီး အပင်တွေကို အာဟာရရည်အဖြစ် လောင်းပေးနိုင်ပါတယ်တဲ့နော်။

၇။ မုန့်ဖုတ်ဆော်ဒါ

မုန့်ဖုတ်ဆော်ဒါဟာလည်း အပင်တွေမှာကျရောက်တတ်တဲ့ ဖားဥမှိုနဲ့ အခြားမှိုရောဂါများကို ကာကွယ်နှိမ်နင်းရာမှာ အလွန်ထိရောက်ပါတယ်။ ရေ(၄)လီတာ (၁ဂါလံ) မှာ မုန့်ဖုတ်ဆော်ဒါ လက်ဖက်ရည်ဇွန်း(၁)ဇွန်း၊ ဆေးရည်ကို အပင်ပေါ်မှာတွယ်ကပ်နေဖို့အတွက် ပန်းကန်ဆေးဆပ်ပြာရည် လက်ဖက်ရည်ဇွန်းဝက် စတဲ့နှုန်းအတိုင်း ရောစပ်ဖျော်ပြီး အပင်ကိုပက်ဖျန်းပေးနိုင်ပါတယ်။ ၎င်းပျော်ရည်ကို စိုက်ပျိုးရာသီတလျှောက်လုံး ရောဂါကျနှိမ်နှင်းရန်အတွက်လည်းကောင်း ကာကွယ်ရန်အတွက်လည်းကောင်း အသုံးပြုနိုင်ပါတယ်။

အထက်မှာဖော်ပြခဲ့တဲ့အတိုင်း မိမိတို့ရဲ့ တစ်နိုင်တစ်ပိုင်စိုက်ခင်းလေးမှာ မီးဖိုချောင်ထွက်ပစ္စည်းများကို အသုံးပြုပြီး ကုန်ကျစရိတ်ကို သိသိသာသာလျှော့ချလိုက်ပါနော်။ ဟင်းသီးဟင်းရွက်များကိုလည်း ဓာတုကင်းလွတ်ပြီး လတ်လတ်ဆတ်ဆတ် စားသုံးနိုင်တဲ့ အခွင့်အရေးမို့ အိမ်ရှင်မတိုင်းအတွက် အဆင်ပြေစေမယ့် နည်းလမ်းကောင်းတစ်ခုပါ။

နန္ဒာအိလှိုင်

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...