တန်ဖိုးကြီး……ငါးကြီးအန်ဖတ်

26/09/2021 19:00 PM တွင် နှင်းဖြူဖြူ နှင်းဖြူဖြူ မှ ရေးသား

    ငါးကြီးအန်ဖတ် (Ambergris) ဆိုတာကတော့ စပန်းဝေလငါးကြီးများ (Sperm Whale)ရဲ့ အစာခြေလမ်းကြောင်းကနေ ထုတ်လုပ်တဲ့ အညိုပုပ်ပုပ်အရောင်ရှိတဲ့ ကျိချွဲချွဲ အရာတစ်မျိုးကို ခေါ်တာပါ။ 

    လတ်ဆတ်တဲ့ငါးကြီးအန်ဖတ်မှာ ရေညှိနံ့လိုလို မစင်နံ့လိုလို အနံ့တစ်မျိုးရှိပါတယ်။ ငါးကြီးအန်ဖတ်က ရေမွှေးနံ့သာတွေ ထုတ်လုပ်တဲ့နေရာမှာ အသုံးဝင်တဲ့အတွက် ဈေးကွက်ထဲမှာ တန်ဖိုးကြီးကြီးနဲ့ ရောင်းချနိုင်ပါတယ်။ ငါးကြီးအန်ဖတ်ကို စပန်းဝေလငါးကြီးတွေရဲ့ သည်းခြေအိတ်ကနေ ထုတ်လုပ်ပါတယ်။ ဝေလငါးကြီးများက giant squid လို့ခေါ်တဲ့ ဧရာမကင်းမွန်ကြီးတွေကို စားတဲ့အခါ ထိုကင်းမွန်ကြီးတွေရဲ့ နှုတ်သီးချွန်တွေက ၎င်းတို့ရဲ့ အူနံရံကို အနာတရမဖြစ်စေရအောင် ကျိချွဲနေတဲ့ အရည်တစ်မျိုးကို ထုတ်ပေးတယ်လို့ ယူဆထားကြပါတယ်။

    ငါးကြီးအန်ဖတ်လို့ခေါ်ပေမဲ့ တကယ်ကတော့ အန်ဖတ်မဟုတ်ပါဘူး။ အဆိုပါ အကျိအချွဲတွေကို မစင်နဲ့အတူ စအိုပေါက်ကနေ စွန့်ထုတ်လိုက်တာပါ။

    တစ်ခါတလေမှာတော့ အန်ရင်းနဲ့လည်း ထွက်လာနိုင်တယ်လို့ဆိုပါတယ်။ ဝေလငါးကိုယ်ထဲက ထွက်လာပြီးတဲ့နောက် သမုဒ္ဒရာရေမျက်နှာပြင်မှာ နှစ်ပေါင်းများစွာ မျောနေပါသေးတယ်။ ထိုသို့ မျောနေစဉ်အတွင်း နေရောင်ခြည်နဲ့ ကြာမြင့်စွာထိတွေ့တဲ့အခါ အောက်ဆီဂျင်နဲ့ပေါင်းပြီး အရောင်မဲလာကာ မာကျောလာပါတယ်။ ထိုအခါမှာတော့ ငါးကြီးအန်ဖတ်က အရက်ပြန်လက်သန့်ဆေးထဲမှာပါတဲ့ isopropyl alcohol လိုအနံ့မျိူး ရှိလာပါတယ်။ ဒါပေမယ့် အရက်ပြန်လိုလည်း အနံ့စူးရှခြင်းမရှိပါဘူး။

    ငါးကြီးအန်ဖတ်က ပင်လယ်ထဲမျောနေပြီးနောက် ကမ်းရိုးတန်းဒေသတစ်ခုခုမှာ သောင်တင်လေ့ရှိပါတယ်။ အတ္တလန္တိတ်ကမ်းရိုးတန်းတလျှောက်၊ တောင်အာဖရိက၊ မာဒါဂါစကာ၊ အရှေ့တောင်အာရှ၊ မော်ဒိုက်၊ တရုတ်၊ ဂျပန်၊ ဩစတေးလျနဲ့ နယူးဇီလန်တို့မှာ အများဆုံးတွေ့ရပါတယ်။

    ငါးကြီးအန်ဖတ်က အရွယ်အစား အမျိုးမျိုးရှိနိုင်ပါတယ်။ ၁၅ ဂရမ်လောက်ကနေ ကီလို ၅၀ လောက်ထိ တွေ့ရတတ်ပါတယ်။

    ငါးကြီးအန်ဖတ်ထဲမှာ အဓိကပါဝင်တဲ့ ဒြပ်ပေါင်းတွေကတော့ ambrein၊ ambroxan နဲ့ ambrinol တို့ပဲဖြစ်ပါတယ်။

    ငါးကြီးအန်ဖတ်ကို အဓိကအားဖြင့် ရေမွှေးနံ့သာတွေထုတ်တဲ့နေရာမှာ fixator (အနံ့ပေါင်းဆေး) အနေနဲ့ အသုံးပြုပါတယ်။ သို့သော်လည်း ဝေလငါးများရှားပါးလာမှု့နဲ့အတူ ငါးကြီးအန်ဖတ်ရဲ့ဈေးကလည်း အဆမတန်ကြီးမြင့်လာတာကြောင့် ရေမွှေးထုတ်လုပ်သူတွေက အစားထိုးဒြပ်ပေါင်းများကို အသုံးပြုလာနေကြပါပြီ။

ပင်လယ်ပြာ(ငါးဦးစီး)

Ref; http://www.bk burmese knowledge. com မှကောက်နှုတ်ဖော်ပြပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်