ရေရှည်စိုက်ပျိုးရေးဖွံ့ဖြိုးတိုးတက်မှုအတွက် ဇီဝမြေဩဇာ၏ အခန်းကဏ္ဍ

နှစ်စဉ်နှစ်တိုင်း လူဦးရေတိုးတက်လာသည်နှင့်အမျှ ကောက်ပဲသီးနှံ၊ ဟင်းသီးဟင်းရွက်၊ သစ်သီးဝလံစသည်ဖြင့် အာဟာရပြည့်မီသောအစားအစာလိုအပ်မှုသည် မြင့်တက်လာလျက်ရှိသည်။ မြို့ပြချဲ့ထွင်မှုနှင့် စက်ရုံအလုပ်ရုံတိုးမြင့်မှုတို့ကြောင့် စိုက်ပျိုးမြေဧရိယာသည် အကန့်အသတ်ဖြင့် လျော့နည်းလာလျက်ရှိသည်။ ထို့ကြောင့် အစားအစာတိုးမြင့်ထုတ်လုပ်မှုနှင့် အရည်အသွေးပြည့်မီသော အစားအစာလိုအပ်ချက်တွေကြောင့် အရည်အသွေးကောင်းမွန်သော စိုက်ပျိုးထုတ်လုပ်မှုကို တိုးမြင့်လုပ်ဆောင်ပေးရန်လိုအပ်သည်။ အထွက်နှုန်းတိုးမြင့်ရန်အတွက် ပိုးသတ်ဆေး၊ ပေါင်းသတ်ဆေးနှင့် ဓာတုမြေဩဇာကဲ့သို့သော ဓာတုဆေးဝါးများအပေါ်မှီခိုမှုသည် လူသားနှင့် ၎င်းတို့ရှင်သန်နေသော ဂေဟစနစ်ကြီးကို များစွာပျက်စီး ယုတ်ညံ့စေပါသည်။ ထို့အထဲတွင်မှ ဇီဝမြေဩဇာသည် စိုက်ပျိုးထုတ်လုပ်မှုရေရှည်တည်တံ့ခိုင်မြဲစေရန်အတွက် သဘာဝတရားကြီးက ပေးသော ထူးကဲသောလက်ဆောင်တစ်ခုဖြစ်သည်။

ဇီဝမြေဩဇာတွင် အပင်၏ ကြီးထွားမှု၊ ဖွံ့ဖြိုးမှုနှင့် ဇီဝကမ္မလုပ်ဆောင်မှုများအတွက် အာဟာရဓာတ်နှင့် အပင်ကြီးထွားစေသောဟော်မုန်းတို့ကို အားပေးသော သက်ရှိအဏုဇီဝများပါဝင်သည်။ အဏုဇီဝသက်ရှိများတွင် နိုက်ထရိုဂျင်ကို ဖမ်းယူနိုင်သော အဏုဇီဝသက်ရှိများ (Azotobacter, Azospirillum, Rhizobium, Cyanobacteria, Azolla, Gluconacetobacter Diazotrophicus)၊ ဖော့စဖောရပ်ကို ပျော်ဝင်စေနိုင်သော အဏုဇီဝသက်ရှိများ (bacteria, fungi)၊ ဖော့စဖောရပ်ကို ရွှေ့ပြောင်းပေးနိုင်သော အဏုဇီဝသက်ရှိများ (Arbuscular mycorrhizal fungi)၊ ပိုတက်စီယမ်ကို ပျော်ဝင်စေနိုင်သော အဏုဇီဝသက်ရှိများ (bacteria)၊ အပင်ကြီးထွားမှုကို အားပေးသော အဏုဇီဝသက်ရှိများ၊ ဇင့်ကို ပျော်ဝင်စေနိုင်သော အဏုဇီဝသက်ရှိများပါဝင်သည်။

ဇီဝမြေဩဇာကို အစိုင်အခဲ၊အမှုန့်၊အရည်ပုံစံဖြင့်တွေ့ရှိနိုင်သည်။ ၎င်းထဲတွင် ခိုအောင်းနေသော အဏုဇီဝဆဲလ်များပါဝင်သည်။ ၎င်းဆဲလ်များသည် ဖော့စဖောရပ်ကို ပျော်ဝင်စေသော၊ နိုက်ထရိုဂျင်ကို ဖမ်းယူနိုင်သော၊ ဆာလဖာကို ဓာတ်တိုးစေသော၊ သဘာဝမြေဆွေးကို ဆွေးမြည့်စေသော ဂုဏ်သတ္တိများကို လုပ်ဆောင်သည်။ အပင်ထဲသို့ထည့်သွင်းလိုက်သော အာဟာရဓာတ်၏ ၆၀ - ၉၀ ရာခိုင်နှုန်းသည် မြေကြီးမှဖမ်းယူထိန်းချုပ်ခြင်း၊ အောက်သို့ စိမ့်ဆင်းသွားခြင်း၊ အငွေ့ပျံခြင်းစသည်ဖြင့် ဆုံးရှုံးလျက်ရှိပြီး ၁၀ - ၄၀ ရာခိုင်နှုန်းသာလျှင် အပင်က ရယူစားသုံးသည်။ ဇီဝမြေဩဇာသည် အာဟာရဓာတ်ထုတ်လွှတ်မှုနှေးကွေးပြီး အဏုဇီဝများ၏လုပ်ဆောင်မှုဖြင့် အပင်အတွက်မရှိမဖြစ်လိုအပ်သော အာဟာရကို ဆက်တိုက်ထုတ်လွှတ်ပေးနိုင်သည်။ ထို့ကြောင့် ဘက်စုံအာဟာရစီမံခန့်ခွဲမှုအတွက် အရေးကြီးသော အစိတ်အပိုင်းတစ်ခုဖြစ်လာပြီး ရေရှည်စိုက်ပျိုးထုတ်လုပ်မှုအတွက် မရှိမဖြစ်လိုအပ်သော အခန်းကဏ္ဍတစ်ခုဖြစ်လာခဲ့သည်။

ထိုကဲ့သို့ အရေးကြီးသော ဇီဝမြေဩဇာဖွံဖြိုးတိုးတက်မှုအတွက် အောက်ပါနည်းလမ်းတို့ကို လုပ်ကိုင်ဆောင်ရွက်ရန်လိုအပ်ပါသည်။

၁) ဇီဝမျိုးကွဲများ ဖွံဖြိုးတိုးတက်ရန်အတွက် ဇီဝနည်းပညာများအသုံးချရမည်။

၂) စိုက်ပျိုးရေးမိုးလေဝသ တူညီသော တိုင်းပြည်များအကြား အဏုဇီဝပိုးမွေးမြူဖလှယ်ခြင်းနှင့် သီးနှံအတွက် သင့်တော်သော ဇီဝမျိုးကွဲများ၏လုပ်ဆောင်မှုကို အကဲဖြတ်ခြင်း သိုလှောင်စဉ်ကာလအတွင်း မျိုးထွန်းခြင်းဖြစ်ပေါ်မလာအောင် သူတို့၏ လုပ်ဆောင်မှုကို စစ်ဆေးရမည်။

၃) ဇီဝမြေဩဇာအားလုံးအတွက် အဏုဇီဝမွေးမြူသော ကြားခံမီဒီယာ၊ အဏုဇီဝထိုးသွင်းသည့် နည်းလမ်းများကို စံသတ်မှတ်ပြီး အစိုင်အခဲ သို့မဟုတ် အရည်ကဲ့သို့သော အဏုဇီဝချည့်သက်သက် ထုတ်လုပ်သည့်ပုံစံမှ အခြားအရောအနှောအသုံးပြု၍ သင့်တော်သည့် ပုံစံ (အရည်၊အခဲ) ထုတ်လုပ်ပေးရမည်။

၄) ဇီဝမြေဩဇာထုတ်လုပ်သည့် အရာအားလုံးသည် အဏုဇီဝပညာရှင်၏ ထိန်းချုပ်မှု၊ စစ်ဆေး ကြီးကြပ်မှုအောက်တွင် ရှိရမည်။

၅) ထုတ်လုပ်သည့် နည်းအားလုံးတွင် အအေးပေးသိုလှောင်မှုစနစ်ပါရှိရမည်။

၆) ဇီဝမြေဩဇာထုတ်လုပ်သူကို ထုတ်လုပ်သည့် နည်းပညာဆိုင်ရာ သင်တန်း၊ အရည်အသွေး ထိန်းချုပ်သည့်စနစ်၊ နည်းပညာအကြံပေးခြင်းနှင့် ထုတ်လုပ်သည့် စီမံကိန်းတို့အပ်နှင်း၍ လုပ်ကိုင်ဆောင်ရွက်စေရမည်။

၇) လူမှုကွန်ယက် (social media)၊ သတင်းစာ (newspaper)၊ စာစောင်ထုတ်ဝေခြင်း (publication)၊ တရားဝင်ထုတ်ပြန်ကြေညာချက် သို့မဟုတ် သတင်းလွှာ (bulletin) တို့မှတဆင့် ဇီဝမြေဩဇာ၏ အသုံးဝင်ပုံနှင့် အကျိုးကျေးဇူးများကို ဖြန့်ဝေပေးရမည်။

အချုပ်အားဖြင့်ဆိုသော ဓာတုမြေဩဇာများ၏ ရေရှည်အသုံးပြုမှုကြောင့် ပတ်ဝန်းကျင်ထိခိုက်မှု ဖြစ်ပေါ်ပြီး ထုတ်လုပ်မှုကုန်ကျစရိတ်ကိုလည်း တိုးမြင့်စေပါသည်။ ထို့ကြောင့် ဒေသဆိုင်ရာဖွံ့ဖြိုး တိုးတက်မှုနှင့် နိုင်ငံခြားဝင်ငွေရရှိမှုတို့ လုပ်ကိုင်ဆောင်ရွက်ရာတွင် ဓါတ်မြေဩဇာပေါ်မှီတင်း ဆောင်ရွက်မှုတို့သည် စစ်မှန်သော နည်းလမ်းမဟုတ်ပေ။

ဇီဝမြေဩဇာများသည် စီးပွားရေး တွက်ချေကိုက်ပြီး ရေရှည်စိုက်ပျိုးထုတ်လုပ်နိုင်သော စိုက်ပျိုးရေးဂေဟဗေဒစနစ်ကောင်းမွန်ပြီး တိုင်းပြည်၏ဖွံ့ဖြိုးတိုးတက်မှုအတွက် ပေးစွမ်းနိုင်သည့် သဘာဝတရားကြီးကပေးသော ကြီးမြတ် သော လက်ဆောင်တစ်ခုဖြစ်ကြောင်း ရေးသားတင်ပြအပ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ