ချိုချိုဆိမ့်ဆိမ့်အရသာရှိတဲ့ ကန်စွန်းဥထောပတ်ယို

    ချိုချိုဆိမ့်ဆိမ့်အရသာရှိသော ကန်စွန်းဥကို ခလေး၊ လူကြီးမရွေး နှစ်သက်ကြပါတယ်။ ကန်စွန်းဥကို ပြုတ်စား၊ ဖုတ်စား၊ ကြော်စား၊ သုပ်စား၊ မုန့်လုပ်စားကြသလို ယိုထိုး၍လည်း စားသုံးလေ့ရှိကြပါတယ်။

    ကန်စွန်းဥထောပတ်ယိုမှာ အရမ်းမွှေးပြီး အရသာကောင်းမွန်တာကြောင့် ပြုလုပ်နည်းလေးကို ပြောပြပေးပါမယ်။ 

ပါ၀င်သောပစ္စည်းများ

၁။ ကန်စွန်းဥ - ၁ ပိသာ

၂။ သကြား - ၂၅ ကျပ်သား (အချိုကြိုက်လျှင် ပိုထည့်ပါ။)

၃။ ဆား - လက်ဖက်ရည် ဇွန်း လေးပုံတစ်ပုံ

၄။ ထောပတ် - ၁၀ သား

၅။ ဆီ - ၁၀ သား

၆။ ခြစ်ပြီးသား အုံးသီးဖတ် - ၃ ခွက် (ရိုးရိုးကော်ဖီခွက်)

၇။ စပျစ်သီးခြောက် - အနည်းငယ်

၈။ သီဟိုဠ်စေ့- အနည်းငယ် တို့လိုအပ်ပါတယ်။

ပြုလုပ်နည်း

၁။ ကန်စွန်းဥ ကို ပျော့သည်အထိပြုတ်ထားပါ။

၂။ ပြုတ်ပြီးသား ကန်စွန်းဥများကို အအေးခံပြီး အနှစ်များရအောင် ဇကာဖြင့်တိုက်ပါ။

၃။ ယိုထိုးမည့် ဒယ်အိုးထဲတွင် ဆီနှင့် ထောပတ်ကိုထည့်၍ အပူပေးပါ။ ပူလာလျှင် ကန်စွန်းဥထည့်ပါ။

၄။ ထို့နောက် သကြား၊ ဆား၊ အုံးသီးဖတ်များထည့်၍ အဆက်မပြတ် မွှေပါ။

၅။ မိနစ် ၃၀ ခန့်မွှေပြီးနောက် အညိုရောင် သန်းလာပြီး အနံ့မွှေး၍ ဆီပြန်လာပါလိမ့်မည်။

၆။ ဆီပြန်လာလျှင် စပျစ်သီးခြောက်နှင့် သီဟိုဠ်စေ့ကိုထည့်၍ ခနမွှေပါ။ ပြီးနောက် မီးဖိုပေါ်မှချ၍ အအေးခံပြီး သုံးဆောင်နိုင်ပါပြီ။

(ကန်စွန်းဥ ထောပတ်ယိုကို လေလုံသော ဗူးထဲမှာထည့်ပြီး ရေခဲသေတ္တာထဲတွင် ၂ လ (သို့)  ၃ လထိ သိမ်းထားနိုင်ပါသည်။)

(၁ ခွက် = 240 ml = ရိုးရိုးကော်ဖီခွက် ၁ ခွက်) 

(လက်ဖက်ရည်ဇွန်း = 1 teaspoon = 5 ml)

ပင်လယ်ပြာ(ငါးဦးစီး)

Ref: “ အိစံ“ ၏ “ကန်စွန်းဥယို ပြုလုပ်နည်း “

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်