ငါးသားပေါက်များ သေဆုံးမှုနည်းရန် စနစ်တကျ သယ်ယူ၊ လွှတ်ပေးခြင်း

ငါးသားပေါက်များသယ်ယူပို့ဆောင်ရာတွင်အောက်ပါနည်းလမ်းများအတိုင်း သယ်ယူပို့ဆောင်ရပါသည်။

၁။ ပလက်စတစ်အိတ်အတွင်း ရေနှင့် အောက်စီဂျင်ထည့်သွင်း၍သယ်ဆောင်ခြင်း။

၂။ စက်လှေ၏၀မ်းဗိုက်အတွင်း တာပေါ်လင်များခင်းကာရေထည့်၍ ရေများဖျန်း၍ သယ်ဆောင်ခြင်း။

*ငါးသားပေါက်များသယ်ဆောင်ရာတွင်သေဆုံးမှုးနည်းစေရန်အတွက် အောက်ပါအချက်များကိုဂရုပြုလိုက်နာရမည်။

- ငါးသား‌ပေါက်အိတ်များအတွင်းသို့ အောက်စီဂျင်နှင့်‌ ရေကို လုံလောက်စွာထည့်ပေးရမည်။

- ငါးသားပေါက်များချိန်တွယ်ရာ၌ သူတို့၏ခန္ဓာကိုယ်များ ထိခိုက်မှုမရှိအောင် အထူးဂရုပြုရမည်။

- ငါးသားပေါက်များမှစွန့်ထုတ်သောအညစ်‌အကြေးများကြောင့် အမိုးနီးယားမြင့်တက် နိုင်သဖြင့် မထုတ်ပိုးမှီ တစ်ရက်ကြိုတင်၍ အစာဖြတ်ထားရမည်။

- ခရီးအကွာအဝေးအတိုင်းအတာပေါ်မူတည်၍ အောက်စီဂျင်ကိုတိုင်းတာ၍ ထည့်ပေးရမည်။ ခရီးဝေးလျှင် အောက်ဆီဂျင် တက်ပလက် အပိုများလည်း ထည့်ပေးသင့်သည်။

- ငါးသားပေါက်များသယ်ယူခြင်းမပြုမီ ပိုက်ဆွဲကျင့်ခြင်း၊ အုတ်ကန်များ၌ ကျင့်သားရစေရန် ထားရှိဆောင်ရွက်ခြင်းများပြုလုပ်ထားရမည်။

*ငါးသားပေါက်များသယ်ယူပို့ဆောင်ရာ၌ သတိပြုရမည့်အချက်များ

- ငါးများ၏အမျိုးအစားကိုလိုက်၍ ငါးသားပေါက်ထည့်သွင်းနှုန်းကွာခြားသည်။

- အပူချိန်မြင့်တက်လာပါက ရေခဲသုံး၍အပူချိန်လျှော့ချနိုင်သည်။

- ငါးသားပေါက်ဆိုဒ်ကြီးပါက အောက်စီဂျင်ပိုမိုရရှိအောင်ဆောင်ရွက်ပေးရမည်။

- ငါးသား‌ပေါက်အိတ်အတွင်း၌ ရေ သုံးချိုးတစ်ချိုး (1/3) နှင့် အောက်ဆီဂျင် သုံးချိုးနှစ်ချိုး (2/3) ထည့်သွင်းရမည်။

- ငါးသား‌ပေါက်အိတ်များကိုသယ်‌ဆောင်ရာတွင် နေရောင်ခြည်နှင့် တိုက်ရိုက်မထိတွေ့စေရန်ကာကွယ်ရမည်။

*သယ်ယူလာသောငါးသားပေါက်များအားကန်ထဲသို့လွှတ်ပေးရာ၌ သတိပြုရမည့်အချက်များ

- သားပေါက်အိတ်အတွင်းမှရေနှင့်ငါးကန်အတွင်းမှရေအပူချိန် တူညီစေရန်

ငါးသားပေါက်များအားချက်ခြင်းမလွှတ်ဘဲ သားပေါက်အိတ်များကို ကန်ရေထဲတွင် ၁၅ မိနစ်ခန့်စိမ်ထားရမည်။

- သားပေါက်အိတ်ထဲမှရေနှင့် ကန်ရေသည်အပူချိန်တူညီမှုရှိမှသာ ကန်ထဲသို့ ငါးသားပေါက်များကို ဖြည်းညင်းစွာ လွှတ်ပေးရမည်။

-ငါးသားပေါက်လွှတ်သည့်အချိန်သည် အပူချိန်နည်းသော မနက်ပိုင်းနှင့် ညနေပိုင်းမှာ အသင့်တော်ဆုံးဖြစ်သည်။

- အပူချိန်ပြင်းသော နေလယ်ပိုင်းအချိန်တွင်ငါးသားပေါက်များလွှတ်လျှင် သေဆုံးမှုများနိုင်သည်။

- ရာသီဥတုအေးနေလျှင် အချိန်မရွေးငါးသားပေါက်များ လွှတ်နိုင်သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...