မြေသြဇာကျွေးနည်းများ

08/12/2017 22:29 PM တွင် အစိမ်းရောင်လမ်း အစိမ်းရောင်လမ်း မှ ရေးသား

ကြဲပက်ခြင်း (Broadcasting)

မြေခံမြေသြဇာ အဖြစ် သီးနှံပင် မစိုက်ပျိုးမီ မြေပြင်ချိန်တွင် ကြဲပက်ခြင်းနည်းကို အသုံးပြုကြသည်။ မြေသြဇာများကို စိုက်ခင်းအနှံ ညီညီညာညာ ဖြန်းပက်ကျွေးခြင်းဖြစ်သည်။ အချို့မှာ မျိုးစေ့နဲ့ ရောပက်ပြီး ကျွေးလေ့ရှိသည်။ စပါးခင်းများတွင် မြေခံအဖြစ် ပုလဲဓာတ်မြေသြဇာကို အသုံးမပြုသင့်ပါ။ မြေပြင်ချိန်၊ အပင်ပေါက်ချိန်နှင့် စပါးအစေ့တွင်းစာ (စပါးအပင်ပေါက်လာနိုင်ရန်နှင့် အပင်ပေါက်ပြီး အလွယ်တကူ စားသုံးနိုင်ရန် သဘာဝမှ ထည့်ပေးလိုက်သောအစာ သို့မဟုတ် ထမင်းချက်စားသော ဆန်သား)ကို ၁၄ ရက်ကြာ အသုံးပြုသောကာလ၊ ထိုကာလများမပြီးဆုံးခင် ကတည်းက ပုလဲဓာတ်မြေသြဇာ၏ အဟာရများ ကုန်လွန်သွားကြောင့် ပုလဲကို မြေခံအဖြစ် အသုံးမပြုသင့်ပါ။ မြေသြဇာ ကြဲပက်ပြီးပါက ထယ်ထိုး၊ ထွန်မွှေခြင့်ဖြင့် မြေနှင့် မြေသြဇာများ ရောနှောသွားအောင် ပြုလုပ်ပေးရမည်။ သို့သော် မြေသြဇာများ (အထူးသဖြင့် နွားချေး၊ ကြက်ချေး စသော သဘာဝမြေသြဇာများ) ကို ထယ်ထိုး၊ ထွန်မွှေခါနီးမှ ကြဲပက်ပေးပါက နေ၊ လေ၊ အပူကြောင့် အဟာရ ဆုံးရှုံးမှုကို လျော့ချနိုင်မည် ဖြစ်ပါသည်။

အတန်းလိုက် ဖြူးချခြင်း(Band Placement)

အပင်ငယ် (သို့) မျိုးစေ့၏ ဘေးဘက်မှ (၁-၃) လက္မခန့် ခွာ၍ မျိုးစေ့အောက် (၁-၂) လက်မအနက်တွင် ထည့်ပေးသော နည်းဖြစ်သည်။ တစ်ပင်နှင့် တစ်ပင် တန်းကြား ကြဲကြဲဖြင့် အတန်းလိုက်စိုက်သော အပင်များတွင် ဖော့စဖိတ်နှင့် ပိုတက်ရှ် ထိန်းချုပ်မှု အန္တရာယ် လျော့ပါးရန်နှင့် မြေဆီလွှာညံ့ဖျင်းသော မြေမှာ မြေသြဇာကို အကျိုးရှိရှိ ထိရောက်စွာ အသုံးပြုသော နည်းဖြစ်သည်။

အပင်ပေါ် ပက်ဖျန်းခြင်း (Top-dressing)

အကြောင်းအမျိုးမျိုးကြောင့် မြေခံတွင် မြေသြဇာထည့်သွင်းမှု နည်းသွားသည့်အချိန် သို့မဟုတ် အပင်ဖြစ်ထွန်းလာပြီး အဟာရလိုအပ်ချက် လက္ခဏာပြလာသည့်အချိန်မျိုးတွင် မြေသြဇာ ထည့်ပေးရန် လိုအပ်လာပါသည်။ အထူးသဖြင့် ဟင်းသီးဟင်းရွက်စိုက်ခင်းများတွင် အပင်မြန်မြန်ကြီးထွားစေရန် နွားချေးဆွေး၊ ကြက်ချေးဆွေး၊ နှမ်းဖတ်ပုပ်ရည်များ ထည့်ပေးရန်လိုအပ်ပါသည်။ အချို့စပါးခင်းများတွင် အရွက်များဝါလာသည့် လက္ခဏာပြလာပါက ပုလဲမြေသြဇာ ထည့်ပေးရန် လိုအပ်လာပါသည်။ သဲဆန်သော မြေများတွင်လည်း ပိုတက်စီယမ် (ပိုတက်ရှ် ဓာတ်မြေသြဇာ) မြေခံအဖြစ် ထည့်ထားရုံနှင့် မလုံလောက်ပါ။ ထို့ကြောင့် ပိုတက် ဓာတ်မြေသြဇာများကိုလည်း အပင်ပေါ် ပက်ဖြန်းကျွေးလေ့ရှိပါသည်။

ဝိုင်းပက်ကျွေးခြင်း (Ring Application)

အပင် တစ်ပင်ခြင်းဆီ၏ ပတ်လည်ကို မြေဆွပြီး မြေသြဇာကျွေးသော နည်းဖြစ်သည်။ မြေသြဇာနှင့် မြေကြီးတို့ ကောင်းစွာ ရောနှောသွားစေရန် တူရွင်း၊ ပေါက်ပြားတို့ဖြင့် သေသေချချာ မြေဆွးပေးပြီး စနစ်တကျ မြေပြန်ဖုံးပေးရန် လိုအပ်ပါသည်။

မြေကျင်းတူး၍ ကျွေးခြင်း(Pocket Application)

လိမ္မော်၊ သရက်၊ အုံး စသော အပင်ကြီးတွင် ယခုနည်းကို အသုံးပြုလေ့ရှိသည်။ အပင်အရွယ်အစား အကြီးအသေးလိုက်၍ မြေကျင်းများကို (၃) ကျင်းမှ (၁၀) ကျင်းအထိ အမြစ်ဇုံ ရောက်အောင် (၆) လက်မမှ (၂) ပေအနက်ထိ မြေကျင်းတူးပေးရသည်။ မြေကျင်းတွင် မြေသြဇာထည့်ပြီး အပေါ်မှ မြေကို ပြန်ဖို့ကာ ရေအဝလောင်းပေးရသည်။ အပင်အများစုမှာ အပင်၏ ကိုင်အခတ်များ ဖြန့်ကားနိုင်သည့်အထိ (Plant canopy) အပင်အမြစ်များ ရောက်ရှိနိုင်သည်။

အရွက်များပေါ် ပက်ဖျန်းကျွေးခြင်း (Foliar Application)

လူများတွင် အားပြတ်သွားပါက အကြောဆေးသွင်းလျှင် အားအမြန်ပြည့်သကဲ့သို့ အပင်များကို အမြန်အဟာရပြည့်စေသော နည်းမှာ အရွက်ပေါ် မြေသြဇာ ပက်ဖျန်းပေးခြင်း ဖြစ်သည်။ အနည်းလိုအဟာရများ (အပင်အဟာရများ သိလိုပါက နှိပ်ပါ) သည် ပမာဏနည်းသည့်အတွက် မြေကြီးထဲတွင် ထည့်ကျွေးပါက ဆုံးရှုံးမှုကို ကာမိစေရန် လိုအပ်သည့် ပမာဏထက် အဆပေါင်းများစွာ ထည့်ကျွေးရန်လိုအပ်သည်။ ထိုကြောင့် ရွက်ဖြန်းအဖြစ် အသုံးပြုလေ့ရှိသည်။

သွင်းရေနှင့် အတူကျွေးခြင်း (Application with irrigation water)

သွင်းရေထဲတွင် မြေသြဇာကို ရောထည့်ပေးလိုက်ခြင်းဖြစ်သည်။ စိုက်ခင်းသို့ သွင်းသည့် ရေမြောင်းဝ သို့မဟုတ် ရေပိုက်ဝတွင် မြေသြဇာကို အရည်ဖျော်၍ အစက်ချပြီး ထားလိုက်ခြင်းခြင့် စိုက်ကွင်းတစ်ခုလုံးသို့ ကောင်းစွာ ပျံ့နှံစေနိုင်သည်။ မြေသြဇာသာမက အကျိုးပြု အဏုဇီဝရည်ကို ပါ ထိုသို့ ပြုလုပ်နိုင်ပါသည်။

အပင်အတွင်းသို့ ထိုးသွင်းခြင်း (Application by injection)

အပင်တွင်းသို့ ထိုးသွင်း၍ မြေသြဇာ ကျွေးသော နည်းကို အပင်ကြီး (သရက်၊ ဒူးရင်း၊ ပိန္နဲ) များအတွက် အပင်အဟာရ ရရှိစေရန် သုံးပါသည်။ မြေသြဇာကို အရည်ဖျော်ပြီး သို့မဟုတ် မြေသြဇာရည်ကို ပင်စည်ထဲသို့ ထိုးသွင်းသည်။ စီးပွားရေအရ တွက်ချေကိုက်မှု နည်းပါးသည်။

REF: Green Way သင်ရိုးစာအုပ်


S&Z International Co., Ltd ကြော်ငြာ
မြေကောင်း အမြစ်သန် ပင်သီးပွင့်ဝေ "ဟူးမစ်ကေ" See More စိုက်ပျိုးမြေတွေက တစ်နှစ်ထက်တစ်နှစ် အဆီအနှစ်တွေခမ်း‌ ခြောက်လာနေလို့ စိတ်ညစ်နေကြပြီလား.. ? မြေဩဇာတွေ ပေါပေါမသုံးနိုင်တော့ အထွက်တွေ မတက်လို့ ခက်နေပြီလား.. ? အဲ့ဒါတွေအားလုံးကို "ဟူးမစ် ကေ" ကို သုံးပေးလိုက်ရုံနဲ့ ဖြေရှင်းနိုင်ပါတယ် ခင်ဗျာ .. "ဟူးမစ်-ကေ"မှာ "ဟူးမစ်အက်စစ်- ၇၀ % ၊ ဖူးဗစ်အက်စစ် -၆-၁၅ % နဲ့ ပိုတက်ဆီယမ် -၁၀-၁၅%" ပါဝင်ပါတယ်..။ အဲ့ဒါတွေက ဘာတွေကောင်းစေတာလဲဆိုတော့… အဲ့ဒီဓာတ်တွေက နှစ်စဉ်ဆုံးရှုံးသွားတဲ့ မြေဆီမြေနှစ်တွေကို ပြန်လည်အားဖြည့်ပေးပြီး မြေဩဇာကို ရေရှည် အကျိုးပြု ထက်သန်စေတာပါပဲ.. မြေကိုဘယ်လိုအားဖြည့်ပေးတာလဲဆိုတော့ "ဟူးမစ်-ကေ" ကို ထည့်ပေးလိုက်တာနဲ့.. မြေသားဖွဲ့စည်းမှုကို ထိန်းညှိကောင်းမွန်စေတာ၊ မြေစေးတာ ဖွယ်တာတွေကို ထိန်းညှိပေးတာ၊ မြေဆီလွှာ အတွင်းက အကျိုးပြုအဏုဇီဝပိုးတွေကို ပွားများရှင်သန်စေတာ၊ မြေဆီလွှာအတွင်း အာဟာရဓာတ်တွေရဲ့ ဖလှယ်နိုင်မှုကို တိုးတက်ကောင်းမွန်စေတာ မြေချဉ်ငံဓါတ်ကိုလဲထိန်းညှိမျှတစေတာ နဲ့မြေဆီလွှာအတွင်း လေဝင်လေထွက် မျှတစေပြီး အစိုဓာတ်ထိန်းသိမ်းမှုကို မျှတစေတာ စတဲ့အကျိုးကျေးဇူးတွေ အများကြီး ရစေတာမို့ပါပဲ... သူ့ချည်းသာလော.. ဆိုရင်တော့ ပိုသေးသဗျ .. သီးနှံပင်တွေကို အမြစ်အားကောင်းစေပြီး အပင်သန်မာကြီးထွားစေ အထွက်နှုန်းတိုးစေတာလေးပါ အဆစ်ပါသေးဆိုတော့.. ကဲ..တောင်သူဦးကြီးတို့ရဲ့ ပျက်စီးနေတဲ့မြေဆီလွှာတွေကို "ဟူးမစ်-ကေ" နဲ့ အထူးဖြစ်နေအောင် ပြုပြင်လိုက်ကြ ပါစို့ဗျာ.. "ဟူးမစ်-ကေ" ကို သူ့ချည်းသက်သက်မသုံးဘဲ ပုလဲ၊ တီစူပါ၊ ပိုတက်အပြင် တခြား ကွန်ပေါင်းဓာတ်မြေဩဇာတွေနဲ့ လူးနယ်ကြဲပက်အသုံးပြုမယ်ဆိုရင်လည်း ဓါမြေဩဇာများအားလေလွင့်ဆုံးရှုံးမှုမှ ကာကွယ်ပေးပြီး ပိုမိုထူးခြားကောင်းမွန်တဲ့ အကျိုးအာနိသင်ကို ရရှိစေနိုင်မှာဖြစ်ပါတယ်ဗျာ..။ ဪ တစ်ခုကျန်သေးသဗျ ရေပျော်စွမ်းအား ၉၉.၉ % ရှိပြီး ရွက်ဖျန်းအားဆေး များဖြင့်လည်းရာစပ်ပက်ဖျန်း ပင်သီးပွင့် ဝေ စေဖို့ အသုံးပြုနိုင် ပါတယ် ခင်ဗျာ။ အသေးစိတ်သိရှိလိုပါက ဆက်သွယ်ရန်- S & Z International Co.,ltd အမှတ်(၁၆)၊ပျဥ်းကတိုးလမ်း၊(၃၄) ရပ်ကွက်၊ဒဂုံမြို့သစ်မြောက်ပိုင်း၊ရန်ကုန် Ph No-09797944994
Read more S&Z facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်