Vitamin C ကြွယ်တယ် စွန်တန်ဟင်းချိုချက်သောက်မယ်

    အခုလိုကိုဗစ်ကာလမှာ Vitamin C အလုံအလောက်ရရှိဖို့ လိုပါတယ်။ ဒါကြောင့် Vitamin C လည်းကြွယ်ဝ၊ သောက်ရလည်းအရမ်းကောင်းတဲ့ စွန်တန်ဟင်းချိုချက်နည်းလေးကို ဖော်ပြပေးလိုက်ပါတယ်။

ပါဝင်ပစ္စည်းများ

- မုန်ညင်း‌ခြောက်၊ မျှစ်ချဉ်ခြောက်၊ ချဉ်စော်ခါးသီးခြောက် (အဆင်ပြေရာတစ်မျိုး)

- စပါးလင်

- ချင်း

- ငရုတ်သီး

- ကြက်သွန်နီ

- ခရမ်းချဉ်သီး

- နံနံပင်

- ကြက်သွန်မြိတ်

- ကြက်သား၊ ကြက်ရိုး

ပြုလုပ်နည်း

    ပထမဆုံး ခရမ်းချဉ်သီးလေးတွေကို ပါးပါးလှီးရပါမယ်။ ပြီးရင်ကြက်သွန်နီတွေကိုလည်း ပါးပါးလှီးရပါမယ်။ တတ်နိုင်သမျှ ပါးပါးလှီးပေးရပါမယ်နော်။ ဘာလို့ဆို တခြားဟင်းရည်တွေလိုမျိုး ရောချက်မှာမဟုတ်ပဲ ဟင်းရည်ပူပူကို ကြက်သွန်နီ၊ ခရမ်းချဉ်သီးတွေအပေါ် လောင်းချရမှာမို့လို့ပါ။ 

    ပြီးရင် နံနံပင်ကို အပေါ်ပိုင်းအရွက်လေးတွေပဲယူပြီး လှီးထားရပါမယ်။ ကြက်သွန်မြိတ်လက်တစ်‌ဆစ်ခန့်စီ ဖြတ်ရပါမယ်။ ဂျင်းကိုလည်း ပါးပါးလှီးထားရပါမယ်။ ငရုတ်သီးစိမ်းကိုလည်း ကြိုက်နှစ်သက်ရာပုံစံအတိုင်း လှီးထားပေးရပါမယ်။ 

    ဒါတွေအားလုံးပြီးရင်တော့ စွန်တန်ခြောက်ကို ရေဆေးပြီး ရေစိမ်ထားရပါမယ်။ 

    ကြက်သားနှင့် ကြက်ရိုးကို အညှီများကင်း‌‌စေရန် ပထမတစ်ရေပြုတ်ထုတ်ပါမယ်။ ပြီးရင်တော့ ရေတစ်လီတာခန့်ထည့်ပြီး ကြက်သား၊ ကြက်ရိုး၊ ချင်း၊ ကြက်သွန်မြိတ်၊ စွန်တန်ခြောက်တို့ကို ထည့်ပြုတ်ရပါမယ်။ ဆားအနည်းငယ်၊ ဟင်းခတ်မှုန့်အနည်းငယ်ကို မိမိလိုအပ်သလို ထည့်ပေးနိုင်ပါတယ်။ 

    ဟင်းရည်အိုးကို၂၅ မိနစ်ခန့်အထိ ပြုတ်ပါမယ်နော်။ ဟင်းရည်အိုးပြုတ်နေစဉ်မှာ ဟင်းရည်ထည့်မယ့် ဇလုံ(သို့)ပန်းကန်ထဲမှာ စောနကလှီးထားတဲ့ ကြက်သွန်နီ၊ ငရုတ်သီး၊ ကြက်သွန်မြိတ်၊ နံနံပင်တွေကို ထည့်ထားရပါမယ်။ ၂၅ မိနစ်နေလို့ ဟင်းရည်အိုးအနေတော်ဖြစ်ပါက ပန်းကန်ထဲကို ဟင်းရည်တွေလောင်းထည့်ပြီး အဖုံးဖုံး ငါးမိနစ်ခန့်ထားပေးရပါမယ်။ ငါးမိနစ်ပြည့်ပြီဆိုပူပူစပ်စပ်ဟင်းရည်ကလေးကို သောက်သုံးလို့ရပါပြီနော်။

    Vitamin Cရော ကြက်သားရောပါဝင်လို့ အားအင်ကို အမြန်ဆုံးပြန်လည်ပြည့်စေမယ့် စွန်တန်ဟင်းရည်လေးကို ချက်သောက်ကြည့်စေချင်ပါတယ်ဗျ။

Source.....https://youtu.be/g-hStkQU5_M

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်