မေ ၂၄ နောက်ပိုင်း မိုးရွာပြီး အပူချိန်များကျမည်..

အပူချိန်တွေက မေ ၂၄ ရက်နဲ့ နောက်ပိုင်းမှာ ကျပါ့မလားဆိုတော့ကျမှာပါ။ ကံကောင်းတာ မုန်တိုင်းတိုက်ရိုက်ဝင်တာမခံရတော့ပဲ မိုးဦးကျမိုး၊ မုတ်သုံမိုးမှန်သွားစေနိုင်တဲ့ အခြေအနေဖြစ်လာနိုင်မယ်ဆိုတာ သေချာသလောက်ဖြစ်သွားလို့ပါ။

အထက်အညာဒေသတွေရော မိုးရွာပြီး အပူချိန်တွေ ကျမှာလား?

မိုးက မေလ ၂၄ ရက်နဲ့နောက်ပိုင်းတနိုင်ငံလုံးမှာရွာမှာပါပဲ။ မကွေး၊ ရေနံချောင်းနဲ့ ချောက်မြို့တွေမှာတောင် မိုးများနိုင်ပါတယ်။ ရန်ကုန်ပဲခူးအပါအဝင် တောင်ပိုင်းဒေသတွေမှာတော့ အများလွန်နေမှာစိုးရိမ်ရပါတယ်။

မိုးဦးလေဦး၊ မုတ်သုံဦးမှာ - ရွာမဲ့မိုး၊ တိုက်မဲ့လေ၊ ပစ်မဲ့မိုးကြိုး၊ ကြီးမဲ့ရေ၊ ဟောင်းလောင်းပေါက်ဖြစ်နေနိုင်တဲ့ ရေမြောင်းပေါက် .. အဲ့ဒါတွေသာ သတိထားကြပါဗျာ။

မုန်တိုင်းအခြေအနေနဲ့ ပတ်သက်ပြီးလည်း အိန္ဒိယမိုးလေဝသဌာန IMD မှ အစပျိုးလေပွေလှိုင်းအခြေအနေထုတ်ပြန်ချက်အရ

🔸 ဘင်္ဂလားပင်လယ်အော်အနောက်တောင်ပိုင်း၊ တမီလ်နာဒူးပြည်နယ်ကမ်းရိုးတန်းနှင့် သီရိလင်္ကာနိုင်ငံတောင်ပိုင်း၊ အမြင့် ၄.၅ ကီလိုမီတာ(ပေ ၁၄,၈၀၀ ခန့်)တွင် လေဖိအားနည်းရပ်ဝန်းအစပျိုးသည့် လေပွေလှိုင်းတခု CC ဖြစ်ပေါ်ကြောင်း အိန္ဒိယမိုးလေဝသဌာနမှ ထုတ်ပြန်ချက်သည် ဆက်လက်တည်ရှိနေဆဲဖြစ်ကြောင်း တွေ့ရပါသည်။ ထုတ်ပြန်ချက်အရ နောက်လာမည့် ၁၆၈ နာရီ၊ ၇ ရက်အတွင်း ဆိုင်ကလုန်းမုန်တိုင်းအဆင့်ဖြစ်နိုင်ချေ မရှိသေးကြောင်းလည်းတွေ့ရပါသည်။

သင်္ချာပုံစံပြု model များ၏ခန့်မှန်းချက်

🔸 ECMWF AIFS model နှင့် GFS model ပေါင်းချုပ်ခန့်မှန်းချက်များအရ ဘင်္ဂလားပင်လယ်အော်တောင်ပိုင်းတွင် မေလ ၂၂ ရက်နေ့မှ စတင်ကာ လေဖိအားနည်းရပ်ဝန်းဖြစ်ပေါ်လာနိုင်ပြီး မြောက်-အနောက်မြောက်ဘက်သို့ဆက်လက်ရွေ့လျားနိုင်ကြောင်း၊ မေလ ၂၄ ရက်နှင့် မေလ ၂၅ ရက်တို့တွင် အားအကောင်းဆုံးအခြေအနေ(ဆိုင်ကလုန်းမုန်တိုင်းဖြစ်နိုင်/မဖြစ်နိုင်စိစစ်ဆဲ)သို့ရောက်ရှိပြီး အိန္ဒိယနိုင်ငံ အန်ဒရာပရာဒက်ရှ်ပြည်နယ်ကမ်းခြေသို့ ဦးတည်ရွေ့လျားနိုင်ကြောင်း ခန့်မှန်းထားပါသည်။

မြန်မာနိုင်ငံတွင် ဖြစ်ပေါ်နိုင်သည့် မိုးလေဝသအခြေအနေ

🔸 ဘင်္ဂလားပင်လယ်အော်အတွင်း လေဖိအားနည်းရပ်ဝန်းမှ မုန်တိုင်းဖြစ်ပေါ်မည့်အချိန်(မေလ ၂၂ ရက် မှ မေလ ၂၅-၂၆ ရက်ကာလအတွင်း) မြန်မာနိုင်ငံတောင်ပိုင်းဒေသများသို့ အနောက်တောင်မုတ်သုံလေ စတင်ဝင်ရောက်နိုင်ပြီး မေလ လကုန်ပိုင်းနှင့် ဇွန်လ လဆန်းပိုင်းတွင် တနိုင်ငံလုံးသို့ အနောက်တောင်မုတ်သုံလေဝင်ရောက်ပြီး နေရာအနှံ့အပြား မုတ်သုံမိုးများ စတင်ရွာသွန်းနိုင်ကြောင်း ကြိုတင်ခန့်မှန်းချက်များ၌ တွေ့ရပါသည်။

လတ်တလောရင်ဆိုင်နေရသည့် အပူချိန်မြင့်တက်မှုအခြေအနေအနေနဲ့

🔸 လက်ရှိမိုးလေဝသအခြေအနေများအရ ကမ္ဘာ့အပူဆုံး ၁၅ မြို့စာရင်း

ချောက်မြို့က အဆင့် ၂၊ မကွေးမြို့က အဆင့် ၉ အဖြစ် ဆက်လက်ပါဝင်နေဆဲဖြစ်ပြီး ဘင်္ဂလားပင်လယ်အော်မှ လေဖိအားနည်းရပ်ဝန်း/မုန်တိုင်း ပိုမိုအားကောင်းလာပြီးနောက် အနောက်တောင်မုတ်သုံလေစတင်ဝင်ရောက်ကာ မုတ်သုံမိုးများ စတင်ရွာသွန်းချိန်(ခန့်မှန်း မေလ ၂၂-၂၃-၂၄ )ရက်တို့တွင် အပူချိန်များစတင်လျော့ကျနိုင်ကြောင်း ခန့်မှန်းရပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...