အစိမ်းရောင်လမ်း - တိုင်းဒေသကြီးအားလုံး မေလအထိ နှစ်စဉ်ဖြစ်မြဲအပူချိန်ထက် ၁.၅ - ၂°C ပိုပူနိုင် (၂၀၂၄ မိုးရာသီကာလအား ကြိုတင်ခန့်မှန်းခြင်း)

၂၀၂၄ ခုနှစ် ဖေဖေါ်ဝါရီ ၁၂ ရက်နေ့မှာရရှိတဲ့ NOAA-National Oceanic and Atmospheric Administration is a scientific and regulatory agency က ထုတ်ပြန်တဲ့ The El Niño-Southern Oscillation (ENSO) အစီရင်ခံစာမှာ -

၂၀၂၄ ခုနှစ် ဧပြီလအထိ အယ်လ်နီညိုအစွန်းရောက်ရာသီဥတုဖြစ်စဉ် ဆက်လက်ဖြစ်ပေါ်နေမဲ့အခြေအနေက ၁၀၀% ရှိနေဆဲဖြစ်ပြီး၊ မေလနဲ့ ဇွန်လတွေမှာ အယ်လ်နီညိုမဟုတ်-လာနီညာမဟုတ် ကြားနေရာသီဥတုဖြစ်စဉ်(Neutral) ဖြစ်နိုင်ချေ ၇၉% နဲ့ ဩဂုတ်လမှ နိုဝင်ဘာလအတွင်း လာနီညာအစွန်းရောက်ရာသီဥတုဖြစ်စဉ် ဖြစ်နိုင်ချေက ရာခိုင်နှုန်း ၇၀ အထက်ကို ရောက်လာကြောင်း တွေ့ရပါတယ်။

ဒီအစီရင်ခံစာအရ -

မြန်မာနိုင်ငံရဲ့ ဒေသအားလုံးနီးပါးမှာ ၂၀၂၄ ခုနှစ်-မေလအထိ နှစ်စဉ်ဖြစ်မြဲအပူချိန်အထက် ၁.၅°C မှ ၂°C အထိ ပိုမိုနေမှာဖြစ်ကြောင်း
ဇူလိုင်အထိ မြန်မာနိုင်ငံတောင်ပိုင်း၊ ရခိုင်ပြည်နယ်၊ မကွေးတိုင်း၊ နေပြည်တော်၊ ပဲခူးတိုင်း၊ ရန်ကုန်တိုင်း၊ ဧရာဝတီတိုင်း၊ မွန်ပြည်နယ်၊ ကရင်ပြည်နယ်နဲ့ တနင်္သာရီတိုင်းတွေမှာ နှစ်စဉ်ရွာသွန်းမြဲအောက် ၃၀ မီလီမီတာမှ ၄၀ မီလီမီတာအထိသာ မိုးရေချိန်ရရှိနိုင်မှာဖြစ်ကြောင်း Meteoblue ရဲ့ Seasonal Forecast အခြေအနေကနေ တွေ့ရပါတယ်။

အခုလိုတွေ့ရတဲ့ ကြိုတင်ခန့်မှန်းချက်တွေအရ

နွေရာသီအကုန်-မိုးဦးကာလအတွင်းမှာ နေ့အပူချိန်တွေ ဆက်လက်မြင့်တက်နေပြီး ဘင်္ဂလားပင်လယ်အော်ဘက်မှာ လေဖိအားနည်းရပ်ဝန်း/မုန်တိုင်းများဖြစ်ပေါ်ခြင်းမရှိရင်တော့ မိုးဦးမိုးရွာသွန်းမဲ့အခြေအနေက အတော်ကို နည်းနေနိုင်ကြောင်း
မိုးလယ်ကာလနဲ့ မိုးနှောင်းကာလအတွင်းမှာတော့ အစွန်းရောက်ရာသီဥတုဖြစ်စဉ်များမရှိဘဲNeutral(ပုံမှန်ရာသီဥတုဖြစ်စဉ်)နဲ့ လာနီညာဖြစ်နိုင်ချေမြင့်တက်လာတာကြောင့် မိုးလယ်ကာလမှာ ပုံမှန်မိုးရွာသွန်းနိုင်ပြီး မိုးနှောင်း/မိုးလွန်ကာလတွေမှာ မိုးပြန်များလာနိုင်ကြောင်း သုံးသပ်ရပါတယ်။

ရာသီဥတုဖြစ်နိုင်ချေကြိုတင်ခန့်မှန်းချက်များဟာ ပင်လယ်ပြင်မှဖြစ်ပေါ်လာတဲ့ ထူးခြားမိုးလေဝသအခြေအနေများရဲ့ အမြဲပြောင်းလဲတတ်တဲ့ သဘာဝရှိတာကြောင့် မိုးဦး/မိုးလယ်/မိုးနှောင်းကာလ ၃ ခုစလုံးမှာ ဖြစ်ပေါ်တတ်တဲ့ ထူးခြားမိုးလေဝသဖြစ်စဉ်များကို သတိထားစောင့်ကြည့်ကြဖို့လိုအပ်ပြီး ထူးခြားမိုးလေဝသဖြစ်စဉ်ဖြစ်ပေါ်နိုင်မဲ့အခြေအနေကြိုတင်တွေ့ရတာနဲ့ ကျနော့်အနေနဲ့ အသိပေးတင်ပြပေးသွားမှာပါ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...