တစ်ပတ်အတွင်း ဈေးကွက်သုံးသပ်ချက်

(၁၀.၅.၂၀၂၁ မှ ၁၄.၅.၂၀၂၁) ထိ တစ်ပတ်အတွင်း အပြောင်းအလဲ ဖြစ်ပေါ်ခဲ့တဲ့ လယ်ယာထွက်ကုန် သီးနှံဈေးနှုန်းများ

ဆန်၊စပါး

ဒီတစ်ပတ်မှာတော့ ဆန်ကြမ်းဈေး အချို့ ဈေးတက်လာပြီး ဆန်ချောဈေးတွေ ငြိမ်ပါတယ်။ ဆန်ကောင်းမှ အရောင်းအဝယ်ကောင်းနေတဲ့အနေအထားဖြစ်ပါတယ်။ နယ်ဈေးကွက်မှာတော့ မိုးစပါးတွေကငြိမ်နေပြီး နွေစပါးတွေကတော့ ဈေးအနည်းငယ်တက်နေပါတယ်။

ဆန်ကြမ်းတွေဖြစ်တဲ့ မြီးဒုံဆန်က တစ်အိတ်ကို ၃၁၅၀၀ ကနေ ၃၃၀၀၀ ပေါက်ဈေးရှိပြီး ၂၀၀၀ ကျပ်၊ဧည့်မထ ၂၅ % က တစ်အိတ်ကို ၂၂၅၀၀ ကနေ ၂၃၀၀၀ ပေါက်ဈေးရှိပြီး ၃၀၀ ကျပ်၊ သီးထပ်ဆန်ကတော့ တစ်အိတ်ကို ၂၂၅၀၀ ကနေ ၂၃၀၀၀ ပေါက်ဈေးရှိပြီး ၅၀၀ ကျပ် အသီးသီးဈေးတက်လာပါတယ်။

ပုသိမ်ဈေးကွက်မှာတော့ ပုသိမ်ဧည့်မထ(နွေ)စပါးက တင်း ၁၀၀ ကို ၅၃၄၀၀၀ ပေါက်ဈေးရှိပြီး ၂၈၀၀၀ ကျပ်ဈေးတက်လာပြီး ဆန်ကတော့တ စ်အိတ်ကို ၂၂၀၀၀ နဲ့ ဈေးငြိမ်ပါတယ်။

ဒေးဒရဲဧည့်မထ(နွေ)စပါးကတော့ တင်း ၁၀၀ ကို ၅၄၂၀၀၀ေ ပါက်ဈေးရှိပြီး ၁၈၀၀၀ ကျပ်ဈေးတက်လာ ပါတယ်။ဆန်ကတော့ တစ်အိတ်ကို ၂၂၀၀၀ ပေါက်ဈေးနဲ့ ဈေးငြိမ် နေပါတယ်။။ဖျာပုံ ဧည့်မထ(နွေ)စပါးကလည်း တင်း ၁၀၀ ကို ၅၄၂၀၀၀ ပေါက်ဈေးရှိပြီး ၁၈၀၀၀ ကျပ်ဈေးတက်လာပြီး ဆန်ကတော့ ၂၂၀၀၀ ကျပ်ရှိပါတယ်။

ပဲခူးပေါင်းတည်ဈေးကွက်မှာတော့ အင်းလယ်စပါးက တင်း ၁၀၀ ကို ၆၇၀၀၀၀ ပေါက်ဈေးရှိပြီး ၁၀၀၀၀ ကျပ်ဈေး တက်လာပါတယ်။

မတ်ပဲ

ပြီးခဲ့တဲ့အပတ်က ဈေးတက်လာခဲ့တဲ့ မတ်ပဲက ဒီတစ်ပတ်မှာလည်း ဈေးတက်လာပါတယ်။ ပြည်တွင်း ပြောင်းလဲနေတဲ့ နိုင်ငံခြားငွေ ပြောင်းလဲမှုကြောင့် ပြည်ပတင်ပို့နေတဲ့ ပဲ တွေ ဈေးတက်နေခဲ့တာဖြစ်ပါတယ်။ ပြည်ပ တင်ပို့မှုကတော့ ရှိနေပါတယ်။

ဒီတစ်ပတ် ရန်ကုန်ဈေးကွက်မှာ မတ်ပဲ (FAQ/RC) က တစ်တန်ကို ၉၅၀၀၀၀ အထိ ဈေးတက်လာပြီး တစ်ပတ်အတွင်း တစ်တန်ကို ၆၀၀၀၀ နီးပါး တက်ပါတယ်။

မန္တလေးဈေးကွက်မှာတော့ သုံးတင်းဝင် တစ်အိတ်ကို ၈၈၀၀၀ ကနေ ၉၀၀၀၀ ပေါက်ဈေးရှိပြီး တစ်အိတ်ကို ၈၀၀၀ ကျပ်ဈေးတက်လာပါတယ်။

မုံရွာမှာတော့ တစ်တင်းကို ၂၉၂၀၀ ပေါက်ဈေးရှိပြီး ၁၇၀၀  ကျပ်၊ ဈေးတက်လာပြီး ပြည်ဈေးကွက်မှာတော့ တစ်တင်းကို ၃၀၀၀၀ပေါက်ဈေးရှိပြီး ၁၄၀၀ ကျပ်ဈေးတက်လာပါတယ်။

အောင်လံဈေးကွက်မှာလည်း တစ်တင်းကို ၂၈၅၀၀ ပေါက်ဈေးရှိပြီး တစ်တင်းကို ၁၅၀၀ ကျပ် အသီးသီးဈေးတက်လာပါတယ်။

ပဲစင်းငုံနီ

ပဲစင်းငုံနီကလည်း ပြည်တွင်းလက်ကျန်သိပ်မရှိပေမယ့်လည်း ဈေးက တက်လာပါတယ်။ အရောင်းအဝယ်ကလည်း သိပ်မရှိသလို ငွေဈေးကြောင့်သာ ဈေးတက်လာပြီး အတက်ဈေးနဲ့ ငြိမ်နေခဲ့ပါတယ်။

ရန်ကုန်ဘုရင့်နောင်ဈေးကွက်မှာ ပဲတီစိမ်းက တစ်တန်ကို ၉၄၀၀၀၀ ပေါက်ဈေးရှိပြီး ၂၅၀၀၀ ကျပ်ဈေးတက်လာ ပါတယ်။

မန္တလေးဈေးကွက်မှာတော့ သုံးတင်းဝင် တစ်အိတ်ကို ၈၅၅၀၀ ကနေ ၈၆၀၀၀ ပေါကဈေးရှိပြီး တစ်အိတ်ကို ၁၀၀၀ ကျပ်ဈေးတက်လာပါတယ်။

မုံရွာဈေးကွက်မှာတော့ တစ်တင်းကို ၂၈၅၀၀ ပေါက်ဈေးရှိပြီး  တစ်တင်းကို ၇၀၀ ကျပ်ဈေးတက်လာပါတယ်။ 

ကုလားပဲ

ကုလားပဲကလည်း ပြည်ပ တင်ပို့မှု အနည်းငယ်ရှိပြီး ပြည်တွင်းအရောင်းအဝယ်ရှိနေတဲ့အတွက် ဈေးက တက်လာပါတယ်။ပြီးခဲ့တဲ့ လက ကုန်သည်များက ဈေးတွေ ကျဆင်းနိုင်မယ်လို့ခန့်မှန်းထားခဲ့ပေမယ့် ရုတ်တရက်တက်လာတဲ့ ငွေကြေးနိုင်ငံခြားငွေကြေးတက်လာတဲ့အတွက်ကြောင့် ဈေးက အနည်းငယ် ပြန် တက်လာ တာဖြစ်ပါတယ်။

ရန်ကုန်ဈေးကွက်မှာတော့ ကုလားပဲဖြူလုံးက တစ်ပိဿာကို ၁၄၆၅ ကနေ ၁၅၀၀ ပေါက်ဈေးရှိပြီး တစ်ပိဿာကို ၃၀ ကျပ် ၊ကုလားပဲလုံးဖြူကြီးက တစ်ပိဿာကို ၁၅၀၀  ကနေ ၁၅၅၀ ပေါက်ဈေးရှိပြီး ၅၀ ကျပ်ဈေးတက်လာ ပါတယ်။

မန္တလေးကုန်စည်ဒိုင်ဈေးကွက်မှာတော့ ကုလားပဲ (ထိုင်ဝမ်)က တစ်အိတ်ကို ၈၁၀၀၀ ကနေ ၈၂၀၀၀  ပေါက်ဈေးရှိပြီး တစ်အိတ်ကို ၄၀၀၀ ကျပ်၊ကုလားပဲ (၉၂၉) က တစ်အိတ်ကို ၈၄၀၀၀ ကနေ ၈၅၀၀၀  ပေါက်ဈေးရှိပြီး တစ်အိတ်ကို ၆၀၀၀ ကျပ်၊ကုလားပဲ (v2)က တစ်အိတ်ကို ၈၈၀၀၀ကနေ ၈၉၀၀၀ ပေါက်ဈေးရှိပြီး  ၃၀၀၀ ကျပ်၊ ဈေးပြန်တက်လာပါတယ်။

ပဲခူး ပေါင်းတည်ကုန်စည်ဒိုင်ဈေးကွက်မှာတော့ ကုလားပဲv2 က တစ်တင်းကို ၂၈၀၀၀ ပေါက်ဈေးရှိပြီး တစ်တင်းကို ၁၀၀၀ ကျပ်၊ ကုလားပဲ 929 က တစ်တင်းကို ၂၈၅၀၀ ကျပ် ရှိပြီး ၅၀၀ ကျပ် ဈေးကျဆင်းသွားပြီး ကုလားပဲ ဟော်လန်က တစ်တင်းကို ၂၈၀၀၀ ကျပ် နဲ့ဈေးငြိမ်ပါတယ်။

မုံရွာဈေးကွက်မှာတော့ ကုလားပဲ(ထိုင်ဝမ်) က ၂၇၅၀၀ ပေါက်ဈေးရှိပြီး ၁၇၀၀ ကျပ် ၊၉၂၉ က တစ်အိတ်ကို ၂၈၀၀၀ ရှိပြီး ၁၅၀၀ ကျပ် ၊ကုလားပဲ (V2) ကတော့ တစ်တင်းကို ၂၉၀၀၀ ကျပ် ရှိပြီး ၁၀၀၀ ကျပ် အသီးသီးဈေး တက်လာပါတယ်။

အောင်လံဈေးကွက်မှာတော့ ကုလားပဲ(ဟော်လန်)က တစ်တင်းကို ၂၉၀၀၀ပေါက်ဈေးရှိပြီး ၇၀၀ ကျပ်၊ကုလားပဲ(မြကြေးမုံ) ကတော့ တစ်တင်းကို ၃၀၅၀၀ပေါက်ဈေးရှိတစ်တင်းကို ၅၀၀ ကျပ်ဈေးတက်လာပါတယ်။

ကွမ်း

မန္တလေးတိုင်းဈေးကွက်မှာတော့ ကွမ်းဈေးတွေက တောက်လျှောက်ကျဆင်းနေပါတယ်။နယ်ပေါင်းစုံက ထွက်ရှိနေတဲ့အတွက် ဈေးကျဆင်းနေတာဖြစ်ပါတယ်။

ကွမ်း(ကျောက်ဆည်)က တစ်ပိဿာကို ၁၅၀၀ ကျပ်  ရှိပြီး ၁၅၀၀ ကျပ်၊ ရွှေဘို က တစ်ပိဿာကို ၁၅၀၀ ကနေ ၂၀၀၀ ကျပ်ရှိပြီး ၁၀၀၀ ကျပ်၊ မတ္တရာ က တစ်ပိဿာကို ၄၅၀၀ ကျပ်ရှိပြီး ၁၀၀၀ ကျပ်၊ ခင်သာက တစ်ပိဿာကို ၃၀၀၀ ကျပ်ရှိပြီး ၂၀၀၀ ကျပ်၊ မန္တလေးကတော့ တစ်ပိဿာကို ၃၀၀ ကနေ ၁၀၀၀ ကျပ်ရှိပြီး ၁၅၀၀ ကျပ်  အသီးသီးဈေးကျဆင်းသွားပါတယ်။

ဝတ်ရည်မွန်(AMIA)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်