ခေါင်းဆောင်မှုနှင့် စီမံခန့်ခွဲမှု ဖွံ့ဖြိုးတိုးတက်ရေး စွမ်းဆောင်ရည်မြှင့်တင်မှု အစီအစဉ်

28/10/2022 17:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား

“Women Entrepreneurship Program”

စိုက်ပျိုးရေးနှင့် စိုက်ပျိုးစီးပွားကဏ္ဍများတွင် ဦးဆောင်လုပ်ကိုင်နေသော အမျိုးသမီးများအတွက် “Women Entrepreneurship Program” တွင် လျှောက်ထားရန် ဖိတ်ခေါ်ခြင်း

မြန်မာအမျိုးသမီးလုပ်ငန်းရှင်များအတွက် “ခေါင်းဆောင်မှုနှင့် စီမံခန့်ခွဲမှု ဖွံ့ဖြိုးတိုးတက်ရေး စွမ်းဆောင်ရည်မြှင့်တင်မှုအစီအစဉ်” ကို 𝐀𝐂𝐃𝐈/𝐕𝐎𝐂𝐀 နှင့် FHI 360 တို့မှ ပူးပေါင်းလုပ်ဆောင်နေသည့် Feed the Future Burma Agriculture and Food Systems Development Activity စိုက်ပျိုးရေးနှင့်အစားအစာထုတ်ကုန်စနစ်ဖွံ့ဖြိုးမှုစီမံကိန်း (𝐀𝐅𝐃𝐀), USAID Burma တို့၏ပံ့ပိုးမှုဖြင့်  Myanmar Innovative Life Sciences နှင့်  Myanmar Women Entrepreneurs Network (MYANWEN) တို့ မှ အကောင်အထည်ဖော် ဆောင်ရွက်သွားမှာ ဖြစ်ပါတယ်။ 

အဆိုပါ “ခေါင်းဆောင်မှုနှင့် စီမံခန့်ခွဲမှု ဖွံ့ဖြိုးတိုးတက်ရေး စွမ်းဆောင်ရည်မြှင့်တင်မှုအစီအစဉ်” ဟာ အချိန် (၈)လတာ ကြာမြင့်မည်ဖြစ်ပြီး 𝐂𝐎𝐕𝐈𝐃-𝟏𝟗 ကပ်ရောဂါ ဖြစ်ပွားလျက်ရှိသည့်ကာလနှင့် လက်ရှိဖြစ်ပွားနေလျက်ရှိသော အခြေအနေ များကြောင့် အမျိုးသမီးလုပ်ငန်းရှင်များ ရင်ဆိုင်နေရသော အခက်အခဲများနှင့် လိုအပ်ချက်များကို ဝိုင်းဝန်းဖြေရှင်းပြီး အကူအညီပေးနိုင်ရန်နှင့် အခက်အခဲများကြားတွင် ကြံ့ကြံ့ခံရပ်တည်နိုင်ရန် ဟူသော ရည်ရွယ်ချက်ဖြင့် ဆောင်ရွက်ရခြင်းဖြစ်ပါတယ်။

ဤအစီအစဉ်မှာ ပါဝင်ခြင်းအားဖြင့် အမျိုးသမီး လုပ်ငန်းရှင်များ အနေဖြင့် မိမိတို့၏စီးပွားရေးကို ပိုမို အဆင့်မြှင့်တင်နိုင်ခြင်း၊ နည်းပညာနှင့်ပတ်သက်သည့် စိုက်ပျိုးစီးပွားကဏ္ဍနှင့် စိုက်ပျိုးရေးအခြေခံ စားသောက်ကုန်လုပ်ငန်း ဆိုင်ရာကဏ္ဍများအတွက် အသိပညာများ ရရှိနိုင်ခြင်း၊ စီမံခန့်ခွဲနိုင်စွမ်းကို မြှင့်တင် နိုင်ခြင်း၊ ရင်းနှီးမြှုပ်နှံမှုနှင့် ပတ်သက်၍ တိုးတက်အောင် ချဲ့ထွင်စီမံခန့်ခွဲနိုင်ခြင်း စသည်တို့ကို  မိမိ၏ စီးပွားရေးလုပ်ငန်းများတွင် လက်တွေ့အသုံးချမှုများ ပြုလုပ်နိုင်မည်ဖြစ်ပါတယ်။

ဒါကြောင့် အမျိုးသမီးများလုပ်ငန်းရှင်များအနေဖြင့် မိမိတို့ရဲ့ စွမ်းရည်များကို မြှင့်တင်နိုင်ပြီးပြောင်းလဲမှုရဲ့ တစ်စိတ်တစ်ပိုင်း အဖြစ်ပါဝင်ရန်  https://tinyurl.com/WEPApplication မှ တစ်ဆင့် (၁၀.၁၁.၂၀၂၂) ရက်နေ့မတိုင်ခင်လျှောက်ထားနိုင်ပြီ ဖြစ်ပါတယ်။ ထို့အပြင် အစီအစဉ် အသေးစိတ်ကို သိရှိလိုပါက အောက်ဖော်ပြပါ 𝐋𝐢𝐧𝐤 မှ တစ်ဆင့် ဝင်ရောက်လေ့လာနိုင်ပါတယ်။

https://tinyurl.com/WEP-Info-Burmese

https://tinyurl.com/WEP-Info-English

ဤအစီအစဉ်နှင့် ပတ်သက်၍ အသေးစိတ်သိရှိလိုပါက http://www.milsciences.com/wep တွင်ဖြစ်စေ၊ ဖုန်း - 09 750054341 (သို့မဟုတ်) အီးမေးလ် [email protected]  သို့ ဆက်သွယ်မေးမြန်းစုံစမ်းနိုင်ပြီး ဤအစီအစဉ်နှင့် စပ်လျဥ်းသော စားသောက်ကုန်များကိုဘေးအန္တရာယ်ကင်းရှင်း၍ အရည်အသွေးပြည့်မီစွာ ထုတ်လုပ်နိုင်ရေးနှင့်ပတ်သက်သော အသိပညာ၊ နည်းပညာ အကူအညီများ၊ ဈေးကွက်ချိတ်ဆက်နိုင်မှုနှင့် 𝐠𝐫𝐚𝐧𝐭 အစရှိသည့် ငွေကြေးအထောက်အပံ့များ ရယူနိုင်ရန် ချိတ်ဆက်ဆောင်ရွက်ပေးမည့် အကြောင်းအရာများကို အသေးစိတ်သိရှိလိုပါက ဖုန်း -  09 965 405 501/ 09 447 043 463 (သို့မဟုတ်) အီးမေးလ် [email protected]  သို့ ဆက်သွယ်မေးမြန်းစုံစမ်းနိုင်ပါတယ်။

Credit to - Myanmar Innovative Life Science

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်