ဂျပန်နိုင်ငံက ကမ္ဘာ့ဈေးအကြီးဆုံး ဖရဲနက် (သို့) ဒန်ဆူခဲ

ဖရဲသီးကို အရောင်ဘယ်နှစ်မျိုးရှိတယ်ထင်ပါလဲ။ အတွင်းသားနီနီနဲ့ ပန်းရောင်မကျတကျ ရှိပြီး အစေ့မဲမဲတွေက ကျွန်မတို့နဲ့ အကျွမ်းဝင်ရှိပြီးသားဖြစ်မှာပါနော်။ တစ်ခါတစ်လေမှာ အဝါသီးတွေကိုလည်း တွေ့ဖူးမှာပါ။ 

ဒီအရောင်တွေပဲရှိတယ်လို ထင်ပါသလား။ မဟုတ်ပါဘူး။ ဖရဲသီးက အဖြူရောင်၊ ပန်းရောင်၊ အစိမ်းရောင်၊ ခရမ်းရောင် လိမ္မော်ရောင်နဲ့ အစေ့ပါတာ၊ မပါတာဆိုပြီး အရောင်သွေးစုံစုံလင်လင်နဲ့ကို ရှိပါတယ်။ 

ဒါတင်ပဲလားဆိုတော့ မဟုတ်သေးပြန်ဘူး။ အနက်ရောင်ဆိုတာလည်း ရှိပါသေးတယ်။ ဂျပန်နိုင်ငံမှာရှိတဲ့ အနက်ရောင်ဖရဲသီးကိုတော့ ဒန်ဆူခဲလို့ခေါ်ပါတယ်။ ဒန်ဆူခဲဟာဆိုရင် အလေးချိန် ၈ ပေါင်လောက်ထိရှိပါတယ်။ ဒါဟာ ဥရောပနဲ့ အမေရိကမှာ ရောင်းချနေတဲ့ ဖရဲသီးအလေးချိန်နဲ့ယှဉ်ရင် သေးတယ်ဆိုနိုင်ပေမယ့် ဈေးကတော့ အလေးချိန်နဲ့ မတန်အောင်ပါပဲ။

ဒါဟာအလွန်ရှားပါးတဲ့ အသီးဖြစ်သလို  တစ်နှစ်ကို အလုံး၁၀၀ လောက်သာ ထွက်ပါတယ်။ ဒန်ဆူခဲ (အမဲရောင်ဖရဲသီး) ကို မတ်လမှာ စိုက်ပျိုးကြပြီး မေလမှာ ခူးဆွတ်ကြပါတယ်။

ဒန်ဆူခဲကို  ဟော့ကိုင်းဒိုးပြည်နယ် မြောက်ဖက်မှာပဲစိုက်ပျိုးကြပါတယ်။ အနံ့ကတော့ ထူးထူးခြားခြား ပြောင်းလဲသွားတာမျိုး မရှိပေမယ့် အရသာကတော့ လုံးဝကိုခြားနားပြီး အလွန်ချိုပါတယ်တဲ့။ 

ဒါဟာ တစ်ကမ္ဘာလုံးမှာဈေးအကြီးဆုံး ဖရဲသီးလည်း ဖြစ်နိုင်ပါတယ်။

ဈေးကတော့ အမေရိကန်ဒေါ်လာ ၂၅၀ ကနေ ၆၀၀၀ လောက်ထိရှိပါတယ်။ မြန်မာငွေကျပ်နဲ့ဆိုရင်တော့ အခုလောလောဆယ် ၁ ဒေါ်လာကို ၂၀၀၀ ကျပ် ဝန်းကျင်ရှိတာမို မြှောက်သာကြည့်ကြပါတော့........

ဂျပန်နိုင်ငံမှာ ဒန်ဆူခဲ (အမဲရောင်ဖရဲသီး) စိုက်ပျိုးပုံလေးကတော့ ..

၁။ အရင်ဆုံးပုံမှန်အတိုင်း ပျိုးဘောင်ပေါ်မှာ ဖရဲမျိုးစေ့မျိုးတွေကို စိုက်ပျိုးလိုက်ပါတယ်။

၂။ ပြီးရင်တော့ ပျိုးပင်လေးတွေကို အိုးအသေးထဲပြောင်းထည့်လိုက်ပြီး အရေးကြီးဆုံး အဆင့်ကို စလုပ်ပါတယ်။ အဲ့ဒါကတော့ အစုံလိုက်ကွဲထွက်နေတဲ့ ရွက်မွှာ နှစ်ရွက်ကြားထဲကို တခြားရွက်မွှာသေးလေးကို ထိုးထည့်လိုက်ပြီး မျိုးစပ်လိုက်တာပါပဲ။

၃။ ဒီကိုင်းကူးကိုင်းဆက် လုပ်ခဲ့တဲ့ နေရာကနေ အညွှန့်လေးတွေစထွက်လာပါတယ်။

၄။ ဖန်လုံအိမ်အာနိသင်ရှိတဲ့ Farm တစ်ခုကို ပြင်ဆင်ထားရပါမယ်။ ပျိုးပင်လေးတွေကို လဝက်ကြာ ဂရုစိုက်ပြီး လုံလောက်တဲ့ ကြီးထွားမှုမျိုးရပြီဆိုရင်တော့ အမြစ်တွေ အစိုဓာတ်လုံလောက်စေရန် ရေထဲမှာ ပျိုးဗန်းနဲ့အတူနှစ်ပြီး စိုက်ကျင်းထဲကို အာဟာရပါတစ်ခါတည်းပေးပြီး စိုက်ပျိုးကြပါတယ်။ 

၅။ ကောင်းစွာကြီးထွားဖို့ စက္ကူပျော့ဖတ်တွေနဲ့  ပြန်ဖုံးပေးရပါသေးတယ်။ 

၆။ ဒန်ဆူခဲသီးကြီးထွားမှု အဆင့်တိုင်းကို ဂရုစိုက်ဖို့ အတော်လိုအပ်ပါတယ်။

၇။ မလိုအပ်တဲ့ ကိုင်းတွေကို ချိုင်ပေးဖို့ လိုအပ်ပြီးတော့ အသီးသီးချိန်မှာတော့ အကောင်းဆုံး အသီးကိုရွေးပြီး ပလတ်စတစ်ဗန်းကို အောက်က ခံပေးရပါတယ်။

၈။ တခြားအသီးတွေကတော့ အာဟာရယှဉ်ပြိုင်ရတာမျိုးမဖြစ်စေရန် ခူးပေးရပါတယ်။ ပထမဦးဆုံး စသီးချိန်မှာတော့ အသီးတွေက ပုံမှန်အစိမ်းရောင်ပါ။ 

၉။ ခူးချိန်တန်ကာ ရင့်မှည့်သွားရင်တော့ သူတိုရဲ့ မျိုးရိုးဗီဇအရ အမဲရောင်အဖြစ်ကို ပြောင်းသွားပါတယ်။ 

၁၀။ ဒါဆိုရင်တော့ခူးဆွတ်ပြီး ခေတ်မီစက်ကြီးတွေနဲ့ သန့်စင်ပြီးတဲ့အခါ ပြောင်ချောလုံးဝိုင်းနေတဲ့ အမဲရောင်ဖရဲသီး (ဒန်ဆူခဲ) ကို ရပါပြီ။

ဒန်ဆူခဲသီးကို ဂျပန်နိုင်ငံအပြင်ဘက်မှာ ကျယ်ကျယ်ပြန့်ပြန့်မစိုက်ပျိုးကြသေးပေမယ့် အမေရိကနဲ့ ဥရောပမှာတော့ မျိုးစေ့တွေကို တရားဝင်စီးပွားဖြစ်ရရှိနေပြီလို့ ဆိုပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်