ဧရာပဒေသာစပါးမျိုးအတွက် လိုအပ်တဲ့ ဓာတ်မြေဩဇာ N.P.Kကို ပျိုးသက်အလိုက် ကျွေးသင့်တဲ့အချိုးအစား(ကျွေးရမယ့်ဓာမြေဩဇာအမျိုးအစား)ကို ပညာရှင်များနဲ့ အတွေ့အကြုံရင့်တောင်သူကြီးများ အလင်းပြပေးစေချင်ပါတယ်ဗျ။ N.P.K သုံးမျိုးဟာ အပင်ရဲ့ ဘယ်အစိတ်အပိုင်းတွေကို ပိုပြီးသက်ရောက်စေပါသလဲဗျ။ လက်ရှိမှာ တောင်သူတွေဟာ စနစ်တကျမဟုတ်ပဲ သူများသုံးတာကောင်းတယ်ဆိုတဲ့အသိနဲ့ပဲ သုံးနေကြတာတွေ့ရလို့ပါဗျ။

ဧရာပဒေသာက သက်တမ်း ၁၄၀- ၁၄၅ ရက်မျိုးမို့ ဆရာဦးဘဟိန်းစာအုပ်ထဲက မြေဩဇာကျွေးနည်းကို ဖော်ပြပေးလိုက်ပါတယ်။ စာအုပ်ကိုဖတ်ချင်တယ်ဆိုရင်တော့ စာအုပ်စင်မှာ Free Down လို့ရပါတယ်။ N >> အရွက်တွေစိမ်းပြီး ကြီးထွားနေဖို့ကို ကူညီပေးပါတယ်။ P>> အပင်စွမ်းအင်ပြောင်းလဲမှုမှာ အရေးကြီးတဲ့ဓာတ်ပဲဖြစ်ပါတယ်။ မီးစုန်းဓာတ်လို့လည်း ခေါ်ကြပါသေးတယ်။ ဖော့စပရပ်ဓာတ် မလုံလောက်ဘူးဆိုရင် အရွက်ထဲမှာ ထုတ်လုပ်လိုက်တဲ့ ကာဗိုဟိုက်ဒြိတ်ကို ပန်းပွင့်၊ သီးနေဆဲအသီးတွေဆီ ပို့ဆောင်ပေးနိုင်မှာ မဟုတ်တော့သလို အမြစ်တွေ၊ ဥတွေထဲမှာလည်း သိုလှောင်နိုင်တော့မှာ မဟုတ်တော့ပါဘူး။ K>> ဖိုတိုဆင်းသစ်ဖြစ်စဉ်အတွက် အပင်ဆဲလ်တွေ ကျုံနိုင်စွမ်းအားနဲ့ ရေတွေရွေ့လျားဖို့အတွက် မရှိမဖြစ်လိုအပ်တဲ့ ဓာတ်ဖြစ်ပါတယ်။ စတိုမာအပေါက်လေးတွေ အဖွင့်အပိတ်လုပ်ဖို့အတွက် ထိန်းချုပ်ပေးတဲ့ ဓာတ်လည်းဖြစ်ပါတယ်။ ပိုတက်ဆီယမ်ကို အပင်လေးတွေ လုံလုံလောက်ကျွေးမယ်ဆို ရေငတ်ဒဏ်၊ ရောဂါပိုးမွှားဒဏ်ခံ၊ နှင်းခဲရိုက်ဒဏ်ကို ခံနိုင်ရည်ရှိစေပြီး သီးနှံတွေရဲ့ အရသာကို တိုးစေပါတယ်။ တောင်သူတွေ ဗဟုသုတ ကြွယ်ဝစေဖို့ကတော့ အစိမ်းရောင်လမ်းထဲမှာ ရှိတဲ့ ဆောင်းပါးကဏ္ဍမှာ ဆောင်းပါးပေါင်း တစ်သောင်းနီးပါးရှိပါတယ်။ ကောင်းကောင်းအသုံးချလို့ရတာမို့ နီးစပ်ရာကိုပါမျှဝေပေးပါဦးရှင့်