စိုက်ပျိုးရေးနဲ့မသက်ဆိုင်ပေမဲ့ ဗဟုသုတအနေနဲ့မေးချင်ပါတယ် ဒီနှစ်ဟာဝါထပ်တာလူတိုင်းသိပြီးဖြစ်ပါတယ် ဒီနေ့ စက်တင်ဘာ1...

မြန်မာ့ပြက္ခဒိန်တွင် ဝါထပ်နှစ်များကြောင့် လအမည်များ နောက်ကျကျန်ရစ်လေ့ရှိသော်လည်း နေသွားစနစ်နှင့် ရာသီဥတု ဖြစ်စဉ် (မိုးရွာသွန်းမှု၊ အပူချိန်၊ နေ့တာအလျား) တို့သည် ပြက္ခဒိန်အတိုင်း နောက်မကျဘဲ ပုံမှန်အတိုင်းသာ ရွေ့လျားပါတယ်။ထို့ကြောင့် ပြက္ခဒိန်လက ဝါခေါင်လဖြစ်နေသော်လည်း သဘာဝပတ်ဝန်းကျင်၏ ရာသီဥတုမှာ တော်သလင်းလသို့ ရောက်ရှိနေပြီဖြစ်ပါတယ်။ အထူးသဖြင့် ပေါ်ဆန်းမွှေးကဲ့သို့သော အလင်းတုံ့ပြန်လွယ် စပါးမျိုးများသည် ပြက္ခဒိန်စာသားကို ကြည့်၍ အပွင့်ပွင့်သည်မဟုတ်ဘဲ နေ့တာတိုလာမှု (အလင်းရောင်ရရှိချိန် လျော့နည်းလာမှု) ဟူသည့် သဘာဝတရားပေါ်တွင်သာ မူတည်၍ မှို့ကပ်၊အနှံထွက်ရင့်မှည့်ကြတာပါ။ ထို့ကြောင့် စိုက်ပျိုးရေးလုပ်ငန်းများ လုပ်ကိုင်ရာတွင် ပြက္ခဒိန်လအမည်ထက် လက်တွေ့သဘာဝ ရာသီဥတုနှင့် မိမိစိုက်ပျိုးထားသော စပါးပင်၏ သက်တမ်းရက်စွဲ ကိုသာ အခြေခံ၍ အမှန်ယူ ဆုံးဖြတ်ရပါမယ်။ ကျွန်တော့်ထက်ပိုသိသောစိုက်ပျိုးရေးပညာရှင်ကြီးများ၊တောင်သူဦးကြီးများလည်းဝင်ရောက်ဆွေးနွေးပေးကြပါဦး