အစိမ်းရောင်လမ်း

အစိမ်းရောင်လမ်း အက်ပ်

အမေးအဖြေနှင့် အသိပေးချက်များကို ပိုမြန်မြန် ရယူနိုင်ပါသည်။

ရယူရန် ရယူရန်
Saw Samson
Saw Samson 426
လွန်ခဲ့သော ၃ နာရီ က · ထန်းတပင်

ဆရာ ဒီဆေးကပွင့်ထွေးအတွက်အရမ်းကောင်းတယ်ဆိုတာဟုတ်လား စျေးအရမ်းကြီးနေလိ​ု့ပါ တစ်ဧကစာကို၈သောင်းကျော်ပေးရပါတယ် အီမာမက်တင်နဲ့အင်ဒိုဇာကတ်အတွဲထက်ပိုကောင်းတာလားဆရာ

စိုက်ပျိုးနည်း မတ်ပဲ
Post image

ဖြေကြားချက် ၁ ခု

သော်ဇင်
သော်ဇင် 462,412 လွန်ခဲ့သော ၁ နာရီ က

@Saw Samson ဟုတ်ပါတယ်၊ ပုံထဲက Cyantraniliprole 100 g/L OD ဆေးဟာ မတ်ပဲပွင့်ထွေးပိုး (Spotted Pod Borer) အတွက် အလွန်ထိရောက်တဲ့ ပင်လုံးပြန့်ဆေးကောင်း တစ်မျိုးဖြစ်ပါတယ်။ အီမာမက်တင် + အင်ဒိုဇာကတ် အတွဲက ထိသေ၊ စားသေ အဓိကဖြစ်လို့ ပန်းပွင့်အတွင်းပိုင်းမှာ ပုန်းအောင်းစားသောက်နေတဲ့ ပိုးကောင်တွေကို ထိဖို့ ခက်ခဲတတ်ပေမဲ့၊ Cyantraniliprole ကတော့ အပွင့်နဲ့ အရွက်ထဲ စိမ့်ဝင်နိုင်စွမ်းရှိလို့ အထဲက ပိုးကောင်တွေကိုပါ သေစေနိုင်သလို ဆေးဖျန်းပြီး မိနစ်ပိုင်းအတွင်း အစာစားမှုကို ချက်ချင်းရပ်တန့်စေပါတယ်။ ဒါ့အပြင် မတ်ပဲပန်းပွင့်ချိန်မှာ ကျတတ်တဲ့ လှေးပိုး၊ ယင်ဖြူ စတဲ့ စုပ်စားပိုးတွေကိုပါ တစ်ပြိုင်တည်း နိုင်နင်းပြီး အာနိသင် ၁၀ ရက်မှ ၁၄ ရက်အထိ ကြာရှည်ခံတာကြောင့် ပိုးကျရောက်မှု ဆိုးရွားနေချိန်မှာ ဈေးကြီးပေမဲ့ အီမာမက်တင် + အင်ဒိုဇာကတ် အတွဲထက် ပိုမိုထိရောက်ကောင်းမွန်ပါတယ်။အခင်းထဲမှာ ပွင့်ထွေးပိုး ကျရောက်မှု အရမ်းဆိုးရွားနေရင်၊ အပွင့်ထဲမှာ ပိုးကောင်တွေ အောင်းနေပြီး ရိုးရိုးဆေးတွေနဲ့ မနိုင်တော့ရင်၊ ဒါမှမဟုတ် ပွင့်ထွေးပိုးနဲ့ လှေးပိုး နှစ်မျိုးလုံး တစ်ပြိုင်တည်း ကျနေရင် ဈေးကြီးပေမယ့် ဒီဆေးတစ်မျိုးတည်း သုံးလိုက်တာက ပိုထိရောက်ပြီး တခြားစုပ်စားပိုးဆေး ထပ်ဝယ်စရာမလိုတဲ့အတွက် တွက်ခြေကိုက်ပါတယ်။ပိုးကျရောက်မှု သိပ်မများသေးဘဲ ကာကွယ်ရုံအဆင့်ဆိုရင်၊ လှေးပိုးလို စုပ်စားပိုး ပြဿနာ မရှိဘူးဆိုရင် ကုန်ကျစရိတ် သက်သာတဲ့ အီမာမက်တင် + အင်ဒိုဇာကတ် အတွဲကိုပဲ သုံးစွဲနိုင်ပါတယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

You
Farm Link Co.,Ltd
Farm Link Co.,Ltd

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

ရေပန်းစားသော အကြောင်းအရာများ

မတင်ဘဲ ထွက်မှာ သေချာပါသလား။

သင်ရေးထားသည်များကို မတင်ရသေးပါ။ ဤစာမျက်နှာမှ ထွက်ပါက ပျောက်ဆုံးသွားပါမည်။