စီးပွားဖြစ်ငှက်ပျောစိုက်ခင်းများ အထွက်နှုန်းပန်းတိုင်ပြည့်မီစေရန်အတွက် စနစ်တကျ မြေဩဇာကျွေးမွေးခြင်း
မြန်မာနိုင်ငံတွင် ဖီးကြမ်းငှက်ပျော၊ တောင်ပေါ်သီးမွှေး၊ ရွှေနီငှက်ပျော၊ ခွံစိမ်း၊ ရခိုင်ငှက်ပျော၊ ဝက်မလွတ်၊ နံ့သာဖူး စသည့် ငှက်ပျောအမျိုးအစားများစွာကို စိုက်ပျိုးထွက်ရှိနေပြီး ငှက်ပျောသီးနှံသည် ပြည်တွင်းစားသုံးမှုမြင့်မားသည့် သီးနှံအမျိုးအစားတစ်ခုလည်း ဖြစ်သည်။ စီးပွားဖြစ်ငှက်ပျောစိုက်ခင်းများ အထွက်နှုန်းပန်းတိုင်ပြည့်မီစေရန်အတွက် စနစ်တကျ မြေဩဇာကျွေးမွေးမည်ဆိုပါက - ကနဦးအနေဖြင့် ငှက်ပျောသားတက်အကြောင်းနှင့် မြေပြုပြင်ခြင်းတို့မှ စတင်ပြောပြရမည်ဖြစ်သည်။
ငှက်ပျောမျိုးပွားရာတွင် သားတက်ဖြင့် မျိုးပွားခြင်း၊ အပင်တစ်သျှူးမျိုးပွားခြင်း စသည့် နည်းလမ်းများဖြင့် မျိုးပွားကြပြီး သားတက်တွင် လှံစို့သားတက်နှင့် ရေစို့သားတက်ဟူ၍ ရှိသည်။ လှံစို့သားတက်သည် ပင်ခြေပိုင်းတွင် ကောင်းစွာကြီးထွားဖွံ့ဖြိုးပြီး အစောပိုင်းကာလတွင် အရွက်မှာ လှံသွားပုံသေးရှည်သော ရွက်ပြားပါရှိသည်။ စိုက်ပျိုးရန် ရွေးချယ်ထားသော သားတက်၏ အမြစ်များနှင့် အသားပိုများအား ကတုံးတုံးပြီး သားတက်ခေါင်းကို ရွှံ့ရည်တွင် နှစ်စိမ်ပါ။ ထို့နောက် သားတက်တစ်ခုကို ဖျူရာဒန်ဆေးအစေ့ခဲ အနည်းဆုံးပမာဏ ၂၀ ဂရမ်၊ အများဆုံး ၄၀ ဂရမ်နှုန်း ပက်ဖြူးပေးခြင်းဖြင့် မြေတွင်းအောင်းပိုးနှင့် နီမတုတ်ကို ကာကွယ်နိုင်မည် ဖြစ်ပါသည်။
ထို့နောက် မစိုက်ပျိုးမီ သားတက်ကို (၃) ရက် (၄) ရက်အထိ အရိပ်အောက်မှာ ခေတ္တအခြောက်ခံထားပြီး စိုက်ပျိုးချိန်တွင် အပင်ခြေမှ (၂) ပေချန်ပြီး အပင်ကို ပိုတက်ဆီယမ် ပါမင်းဂနိတ် ရောနှောထားသောရေတွင်စိမ်ပြီးမှ စိုက်ပျိုးသင့်သည်။ မိုးဦးမကျခင် မေလဆန်းတွင် စိုက်ပျိုးပါက မိုးရွာချိန် အမြစ်သစ်ထွက်ပြီးဖြစ်သဖြင့် သားတက်မပုပ်တော့ပါ။
ငှက်ပျောစိုက်ပျိုးရန် မြေပြုပြင်သည့်အခါ မစိုက်မီ (၂) လ ကြိုတင်ပြီး စိုက်ကျင်းပြုလုပ်မည့်နေရာပေါ် မြေဆွေးထည့်ထားရပါမည်။ စိုက်ပျိုးချိန်ရောက်ပါက မြေကို ထယ်ရေးညက်ညက်ထွန်ယက်ပြီး စိုက်ကျင်းအတွင်း စပါးခွံမြေဆွေး၊ သစ်ရွက်ဆွေး၊ နွားချေး၊ မြေဆွေး ၁၂ - ၁၈ ပိဿာ၊ တမာကြိတ်ဖတ် ၁၅ ကျပ်သားနှင့် မြေအောင်းပိုး၊ နီမတုတ် နှိမ်နင်းနိုင်ရန်အတွက် carbofuran ၂၀ ဂရမ် (ဟင်းစားဇွန်း ၂ ဇွန်း) တို့ကို အပေါ်ယံမြေသားနှင့်ရော၍ ထည့်သင့်ကြောင်း သိရသည်။
မြေဩဇာနှုန်းထားများကို အတိအကျပြောပြရမည်ဆိုပါက
စိုက်ကျင်းတစ်ကျင်းလျှင် -
နွားချေးဆွေး (၁၂) ပိဿာ
ဒိုလိုမိုဒ် ထုံးကျောက်မှုန့် (ဝ.၅) ကီလိုဂရမ်
တီစူပါ (၇၅) ဂရမ်တို့ကို အပေါ်ယံမြေနှင့်ရောပြီး အပင်မစိုက်ပျိုးမီ ကျင်းတွင်ထည့်ပါ။
ငှက်ပျောပင်များ အမြစ်စွဲလျှင် တစ်ပင်လျှင်
ယူရီးယား (၄၃၅) ဂရမ် (၂၆) ကျပ်သား
တီစူပါ (၂၁၀) ဂရမ် (၁၂) ကျပ်သား
ပိုတက် (၃၂၀) ဂရမ် (၁၉) ကျပ်သားနှုန်း ထည့်သွင်းပေးပါ။
ပထမနှစ်အခင်းတွင် ငှက်ပျောတစ်ပင်လျှင်
ယူရီးယား (၁၁၀) ဂရမ် (၆) ကျပ်သားနှုန်း ထည့်သွင်းပေးပါ။
ဒုတိယနှစ်တွင် တစ်ပင်လျှင်
ယူရီးယား (၁၁၀) ဂရမ် (၆) ကျပ်သားနှုန်း ထည့်သွင်းပေးပါ။
ယူရီးယားကို (၃၀) ရက်၊ (၇၅) ရက်၊ (၁၂၀) ရက်နှင့် (၁၆၅) ရက်ခြား၍ အကြိမ်ကြိမ်ခွဲ၍ ထည့်သွင်းပေးပါ။ ပိုတက်ကို (၇၅) နှင့် (၁၆၅) ရက်ခြား၍ နှစ်ကြိမ်ခွဲထည့်သွင်းပါ။ ဓာတ်မြေဩဇာထည့်သွင်းခြင်းကို ငှက်ပျောဖူးမထွက်မီ စိုက်ပြီး ၅ လမှ ၆ လအကြာတွင် အပြီးဆောင်ရွက်သင့်ကြောင်း စိုက်ပျိုးရေးပညာရှင်များထံမှ သိရသည်။
ပန်းတိုင်ထွက်နှုန်းရရှိမှုကို မထိခိုက်စေရန် အခြားသတိပြုရမည့်အချက်များမှာ
ပေါင်းမြက်ရှင်းလင်းရာတွင် အမြစ်ထိခိုက်မှုမရှိစေရန် ဂရုစိုက်ဆောင်ရွက်ပေးခြင်း၊ မိုးရာသီတွင် ရေစိမ့်ဆင်းမှုကောင်းရန်နှင့် အပင်ခြေရေမဝပ်စေရန် အပင်ခြေကိုမြေဖို့ပေးခြင်း၊ နွေရာသီနှင့် ဆောင်းရာသီတွင် အပင်များကိုရေပေးသွင်းခြင်း၊ သီးခိုင်ထွက်လာလျှင် အပင်ကို ဝါးဖြင့် ကျားကန်ထောက်ပေးခြင်း၊ နေလောင်ခြင်း ဖုန်တင်ခြင်းမရှိစေရန်နှင့် အသီးအရောင်လှပစေရန် အပြာရောင် ပလတ်စတစ်အိတ်ဖြင့် စွပ်ပေးခြင်း၊ ခြောက်သွေ့ဆွေးမြေ့နေသည့် အရွက်များအပင်အစိတ်အပိုင်းများအား ဖယ်ရှားရှင်းလင်းပေးခြင်း၊ အသီးကြီးထွားရန် ငှက်ပျောဖူး (အဖိုဖူး) အားဖြတ်ပေးခြင်း၊ ဆီးနှင်းကျခြင်း လေပူများပြင်းထန်စွာ တိုက်ခတ်ချိန်တွင် ငှက်ပျောပင်များအား အနာတရမဖြစ်စေရန် လေကာပင်များစိုက်ပျိုးခြင်း စသည့်လုပ်ငန်းစဉ်တို့ကိုလည်း ဆောင်ရွက်ပေးသင့်ကြောင်း စိုက်ပျိုးရေးဦးစီးဌာနမှ သိရသည်။
စီးပွားဖြစ်ငှက်ပျောစိုက်ခင်းများ အထွက်နှုန်းပန်းတိုင်ပြည့်မီစေရန်အတွက် စနစ်တကျ မြေဩဇာကျွေးမွေးခြင်းဆောင်းပါးကို KMSS အဖွဲ့က ကူညီပံ့ပိုးထားပါသည်။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
တင်လှ
လွန်ခဲ့သော ၁ နှစ် ကသားတက်စိုက်ချိန်မှ အသီးသီးချိန်ထိ ဘယ်နှစ်လကြာပါလဲခင်ဗျာ
KO TUN
လွန်ခဲ့သော ၅ နှစ် ကစိုက်ကျင်းတစ်ကျင်း ဆိုတာ အလျားအနံ ဘယ်လောက် ကျယ်ပါသလဲ ခင်ဗျ
Saw kyawlinaung Saw kyawlinaung
လွန်ခဲ့သော ၅ နှစ် ကရွှေနီဆို ခုရာသီစိုက် အခြားငှက်ပျော်တွေဆို မိုးစကျချိန်စိုက်
Bo Bo
လွန်ခဲ့သော ၅ နှစ် ကငှက်ပျောက ဘယ်လိုရာသီဥတုမှာစိုက်ရင်ပိုကောင်းသလဲဗျ အပူပိုင်း အအေးပိုင်းခွဲသေးလား ခင်ဗျ။
ဆက်စပ်မေးခွန်းများ
မျှားနီ တောင်ပေါ်သား(979)မျိုးဟာ အပင်တစ်ပင်ရဲ့ သက်တန်းတစ်လျှောက်လုံးမှာ အမြင့်ဆုံး ပိဿာချိန် ဘယ်လောက်ထိ ထွက်နိုင်ပါသလဲဗျ စိုက်ဖူးတဲ့ဆရာကြီးများ ပြန်ဖြေပေးကြပါခင်ဗျား။ ကျနော်က အခုမှစစိုက်မှာမို့လို့ပါဗျ။
Kyaw Soe Naing • ဖြေကြားချက် 1 ခု
ယခုလက်ရှိ ရာသီဥတုနဲ့ဆို ဘာပဲအမျိုးအစားကို ရွေးချယ်ပီးစိုက်သင့်ပါသလဲ
Sa Paing Ko Ko Win • ဖြေကြားချက် 4 ခု
ကျနော်ရဲ့စပါးကျဲခင်းလုပ်မည့်လယ်ကွ က်ထဲမှာမိုးဦးက။။မသေဘဲကျန်နေတဲ့မြက်ကြိမ်ပင်အကြွင်းအကျန်မျာကိုပေါင်းသက်ဆေးဖြန်းခြင်လိုးဘယ်ဆေးကိုသုံးရမလဲဗျ။
U Win Zaw • ဖြေကြားချက် 3 ခု
နှမ်းခင်းထဲကမှာ မြက်မရှိပါဘူး တောဇီးပူ ပဲရှိတာ တောဇီးပူ သေတဲ့ ရွေးချယ် ပေါင်းသတ်ဆေးရှိပါသလားခဗျ လမ်းညွှန်ပေးပါကြဦး
khant zin • ဖြေကြားချက် 1 ခု
မဂ်လာပါခမျ စိုက်ပျိုးရေးမှာ ထည့်တဲ့ထုံးကျောက်ဆိုတာဘယ်လိုအရသာရှိပါသလဲခမျ
လိူင်စိုး • ဖြေကြားချက် 2 ခု
နောက်ဆုံး ဆောင်းပါးများ
မုန်တိုင်းငယ်၏ တိုက်ရိုက် သက်ရောက်မှုကြောင့် ၇ ရက်အတွင်းဖြစ်ပေါ်မည့် မိုးလေဝသအခြေအနေ
29/09/2026
ရခိုင်၊ ကရင်၊ ပဲခူး၊ ဧရာဝတီနှင့် ရန်ကုန်တို့တွင် စက်တင်ဘာ ၂၈ မှ ၃၀အတွင်း မိုးသည်းထန်စွာ ရွာသွန်းနိုင်
28/09/2026
အသံ
ကျွန်တော်တို့မီးဖိုချောင်ထဲက သစ်ကြံပိုးခေါက်က အစစ်လား... အတုလား?
28/09/2026
အသံ
ဩစတြေးလျ ပဲတီစိမ်း ကွန်တိန်နာ ၁၀ လုံးကို တရုတ် ငြင်းပယ်လိုက်သဖြင့် တောင်သူများ ပေါင်းသတ်ဆေး အသုံးမပြုရန် စဉ်းစားလာကြ
27/09/2026
တစ်ပတ်စာ သီးနှံဈေးကွက် သုံးသပ်ချက် (၂၁ - ၂၅.၉.၂၀၂၆)
26/09/2026
More from ဒေါ်နန်းထက်ထက်ချစ်
အားလုံး
ဈေးကွက်ကောင်းစောင့်ဆိုင်းလိုသည့်ကြက်သွန်စိုက်ပျိုးသူများအနေဖြင့် သိုလှောင်ရုံကိုစနစ်တကျပြုလုပ်သင့်
25/01/2022
စက်သုံးဆီဈေးနှုန်းများမြင့်တက်နေခြင်းသည် ကြက်သွန်ဈေးကွက်အပေါ် ရိုက်ခတ်မှုရှိနေ
21/01/2022
ကွမ်းသီးအစိုအခြောက်အရောင်းအဝယ်များ အမြဲမပြတ်ရှိနေပြီး ဈေးကွက်ပွင့်လန်းနေ
19/01/2022
ကွမ်းသီးပင်ကို ရေမြေရာသီဥတုအပေါ်မူတည်၍ ခါတော်မီစိုက်ပျိုးစနစ်ဖြင့် စိုက်ပျိုးထုတ်လုပ်လာကြ
18/01/2022
ဈေးကွက်တွင်း ငရုတ်သီးစုပြုံဝင်ရောက်ခြင်းကိုထိန်းချုပ်ရန် တစ်ချို့ဒေသများတွင် ငရုတ်သီးခူးဆွတ်မှု ရပ်ဆိုင်း
17/01/2022
