ပေါင်းဆန်ဆိုတာဘာလဲ...ဘယ်လိုလုပ်ရတာလဲ

Green Way • 12/07/2023

ပေါင်းဆန်ဆိုသည်မှာ ခြောက်သွေ့ပြီးစပါးအား မကြိတ်ခွဲမီ အစိုဓာတ်နှင့် အပူချိန် မြှင့်တင်ပေးပြီးမှ ပြန်လည်အခြောက်ခံကာ ကြိတ်ခွဲထားသောဆန်ကို ခေါ်ဆိုပါသည်။ ထိုသို့ပြုလုပ်ခြင်းအားဖြင့် အက်ကြောင်းအရာပါသော ဆန်စေ့များသည် ပြန်လည်စေးကပ်သွားပြီး ဆန်ကြိတ်ရာတွင် အကျိုးအကြေနည်းကာ ဆန်ထွက်ကောင်းမွန်စေပါသည်။ ပေါင်းဆန်ပြုလုပ်ခြင်းအားဖြင့် ဆန်၏ရုပ်နှင့် ဓာတ်ဂုဏ်သတ္တိများကို ပြောင်းလဲစေပါသည်။

ပေါင်းဆန်ပြုလုပ်ခြင်းအားဖြင့် ရရှိနိုင်သောအကျိုးကျေးဇူးများ

က။ ဆန်ကြိတ်ရာတွင် အကျိုးအကြေနည်းပြီး ဆန်ထွက်များသည်။
ခ။ အတန်းအစားနိမ့်သောဆန်ကို ဆန်ကောင်းဖြစ်အောင် ကြိတ်နိုင်သည်။
ဂ။ စပါးအခွံချွတ်ရာတွင် လွယ်ကူသဖြင့် ကြိတ်ခွဲရာတွင်လည်း လွယ်ကူပါသည်။
ဃ။ ဆန်အဖြစ်သိုလှောင်ရာတွင် အင်းဆက်ပိုးမွှားကျရောက်မှု နည်းပါးပါသည်။
င။ ဖွဲနု၌ ဖွဲနုဆီ ပါဝင်မှု ပိုမိုများပြားသည်။
စ။ ဗီတာမင်နှင့် သတ္တုဓာတ်များကို ဆန်စေ့အတွင်း ထိန်းသိမ်းထားနိုင်ပါသည်။
ဆ။ ဆန်ကိုချက်ပြီးပါက ထမင်းမသိုးလွယ်ဘဲ ကြာရှည်စွာ ထားနိုင်သည်။
ဇ။ ထမင်းချက်ရာတွင် ကစီဓာတ်များ ဆုံးရှုံးမှု နည်းပါးနိုင်ပါသည်။

ပေါင်းဆန်ပြုလုပ်ပုံ အဆင့်ဆင့်

က။ ရေစိမ်ခြင်း

စပါးအား အပူချိန် ၆၀ မှ ၆၅ ဒီဂရီစင်တီဂရိတ်ရှိသော ရေပူတွင် ၂ နာရီမှ ၄ နာရီ စိမ်ခြင်းအားဖြ င့် အစိုဓာတ် ၃၀ % အထိမြင့်တက်စေပါသည်။ လိုအပ်သောရေပမာဏမှာ စပါးပမာဏ၏ (၁.၃)ဆ ဖြစ်ပါသည်။ ရေစိမ်သောကာလကြာမြင့်ပါက စပါးစေ့များ အချဉ်ပေါက်ပြီး ဆန်၏အနံ့ကို ဆိုးရွားစေပါသည်။

ခ။ ရေနွေးငွေ့ပေးခြင်း

ရေနွေးငွေ့ပေးခြင်းအားဖြင့် စပါးစေ့အတွင်းရှိ ကစီဓာတ်အား ကော်ရည်အဖြစ်ပြောင်းလဲပြီး စပါး၏အစိုဓာတ်ကို ၃၈ % အထိ မြင့်တက်စေပါသည်။ ဆန်စေ့၏အပြင်လွှာတွင်ရှိသော အာဟာရဓာတ်၊ဗီတာမင်နှင့် သတ္တုဓာတ်များသည် ဆန်စေ့အတွင်းသို့ ပျော်ဝင်သွားပါသည်။ ရေနွေးငွေ့ဖြင့်ပေါင်းသော ကာလကြာမြင့်ပါက ဆန်၏အရောင်ဝါခြင်း၊ မည်းခြင်းများဖြစ်စေပါသည်။

ဂ။ အခြောက်ခံခြင်း

ပေါင်းထားပြီးသော စပါးစေ့များကို အစိုဓာတ် ၁၄ % အထိ လျှော့ချပြီးမှသာ ကြိတ်ခွဲခြင်း၊ သိုလှောင်ခြင်းများ ပြုလုပ်ရပါမည်။ အစိုဓာတ်ကို ၃၈ % မှ ၁၄% အထိ တစ်ဆက်တည်း လျှော့ချပါက အခြောက်ခံရသည့်ကာလ ကြာရှည်သဖြ င့် ကြိတ်ခွဲရာတွင် အကျိုးအကြေများစေပါသည်။ ထို့ကြောင့် ပထမအဆင့်အနေဖြင့် အစိုဓာတ် ၁၈ % အထိ လျှော့ချပြီး အအေးခံရပါမည်။ ထိုမှတစ်ဆင့် ၁၄ % အထိကျဆင်းရန် ဆက်၍ တဖြည်းဖြည်း လျှော့ချရပါမည်။ အခြောက်ခံသောအပူချိန်နှင့် လေထုစိုထိုင်းဆအပေါ် မူတည်၍ အခြောက်ခံသောကာလသည် ၂၄ နာရီ မှ ၄၈ နာရီ အထိ ကြာရှည်တတ်သည်။ အစိုဓာတ် ၁၄ % အထိလျှော့ချပြီးမှသာ ကြိတ်ခွဲခြင်းနှင့် သိုလှောင်ခြင်းတို့ ပြုလုပ်နိုင်ပါသည်။

Crd#ရေဆင်းစိုက်ပျိုးရေးတက္ကသိုလ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဝင်းဇော်ထွန်း

လွန်ခဲ့သော ၃ နှစ် က

ပေါင်းဆန် က ဆန်ပိုးတအားထိုးပါတယ် ဘာဖြစ်လို့လဲ

ဆက်စပ်ဆောင်းပါးများ

စိုက်ပျိုး ဗဟုသုတ

မီးတောင်ပေါက်ကွဲမှုနောက်ကွယ်က စိုက်ပျိုးရေးအကျိုးကျေးဇူး

စုမြတ်မြတ်မိုး

စိုက်ပျိုး ဗဟုသုတ

သီးလှည့်စိုက်ပျိုးခြင်းဖြင့် ရေရှည်အကျိုးအမြတ်ရယူနည်း

သော်ဇင်

စိုက်ပျိုး ဗဟုသုတ

မတ်ပဲမျိုးစေ့ကို ထုံးဘာလို့ လူးကြတာလဲ

Thein Soe Min

ဆက်စပ်မေးခွန်းများ

မျှားနီ တောင်ပေါ်သား(979)မျိုးဟာ အပင်တစ်ပင်ရဲ့ သက်တန်းတစ်လျှောက်လုံးမှာ အမြင့်ဆုံး ပိဿာချိန် ဘယ်လောက်ထိ ထွက်နိုင်ပါသလဲဗျ စိုက်ဖူးတဲ့ဆရာကြီးများ ပြန်ဖြေပေးကြပါခင်ဗျား။ ကျနော်က အခုမှစစိုက်မှာမို့လို့ပါဗျ။

Kyaw Soe Naing • ဖြေကြားချက် 1 ခု

ယခုလက်ရှိ ရာသီဥတုနဲ့ဆို ဘာပဲအမျိုးအစားကို ရွေးချယ်ပီးစိုက်သင့်ပါသလဲ

Sa Paing Ko Ko Win • ဖြေကြားချက် 4 ခု

ကျနော်ရဲ့စပါးကျဲခင်းလုပ်မည့်လယ်ကွ က်ထဲမှာမိုးဦးက။။မသေဘဲကျန်နေတဲ့မြက်ကြိမ်ပင်အကြွင်းအကျန်မျာကိုပေါင်းသက်ဆေးဖြန်းခြင်လိုးဘယ်ဆေးကိုသုံးရမလဲဗျ။

U Win Zaw • ဖြေကြားချက် 3 ခု

နှမ်းခင်းထဲကမှာ မြက်မရှိပါဘူး တောဇီးပူ ပဲရှိတာ တောဇီးပူ သေတဲ့ ရွေးချယ် ပေါင်းသတ်ဆေး‌ရှိပါသလားခဗျ လမ်းညွှန်ပေးပါကြဦး

khant zin • ဖြေကြားချက် 1 ခု

မဂ်လာပါခမျ စိုက်ပျိုးရေးမှာ ထည့်တဲ့ထုံးကျောက်ဆိုတာဘယ်လိုအရသာရှိပါသလဲခမျ

လိူင်စိုး • ဖြေကြားချက် 2 ခု

Greenovator

ကြော်ငြာ

ပြင်းထန်တဲ့ရာသီဥတု စူပါအယ်နီညိုနဲ့ပတ်သက်ပြီး ပညာပေးဆောင်းပါးတွေ အမေးအဖြေကို လေ့လာပြီး ရာသီဥတုနဲ့လိုက်လျောညီထွေတဲ့ စိုက်ပျိုးရေးစနစ်ကို အတူကျင့်သုံးကြရအောင်...

လေ့လာရန်

နောက်ဆုံး ဆောင်းပါးများ