ဆန်စပါးစံချိန်စံညွှန်း မူကြမ်းရေးဆွဲမှုနောက်ဆုံးအဆင့်ရောက်ရှိ

ဆန်စပါးစံချိန်စံညွှန်း မူကြမ်းရေးဆွဲနေမှုဟာနောက်ဆုံးအဆင့်ရောက်ရှိနေပြီဖြစ်ပြီး တိုင်းဒေသကြီး နှင့်ပြည်နယ်အလိုက် ကွင်းဆင်းဆောင်ရွက်မှုများ လုပ်ဆောင်သွားမှာဖြစ်ကြောင်း မြန်မာနိုင်ငံဆန်စပါးအသင်းချုပ်မှ သိရပါတယ်။ နောက်ဆုံးအဆင့်မှုကြမ်းရေးဆွဲမှုနှင့် ပတ်သက်ပြီး သက်ဆိုင်ရာတိုင်းဒေသကြီးနဲ့ပြည်နယ်များအလိုက် ဒေသဆိုင်ရာပညာရှင်များ စိုက်ပျိုးရေးအဖွဲ့များနဲ့အတူ ကွင်းဆင်းကာတွေ့ဆုံဆွေးနွေး သွားမှာဖြစ်ကြောင်း မြန်မာနိုင်ငံဆန်စပါးအသင်းချုပ်မှ ရုံးအဖွဲ့မှူး ဦးမြင့်လွင်ကပြောပါတယ်။

“ တိုင်းနဲ့ပြည်နယ်အလိုက် နေရာလေးတွေကိုရွေးချယ်ပြီးတော့ အဲဒီမှာရှိတဲ့ supply chain မှာပါတဲ့လယ်သမားတွေ ၊ ကုန်သည် ၊စက်ပိုင်တွေ ၊ ဒေသဆိုင်ရာပညာရှင်တွေနဲ့ စိုက်ပျိုးရေး အဖွဲ့တွေသူတို့ တွေနဲ့သွားပြီးကွင်းဆင်းစစ်ဆေးဖို့ လုပ်ဆောင်တော့မယ်။ သူတို့တွေကို နောက်ဆုံးမူကြမ်းချပြတော့မယ်” ဆန်စပါးစံချိန်စံညွှန်းနောက်ဆုံးမူကြမ်းကို သက်ဆိုင်ရာဌာနဆိုင်ရာများကိုလည်း တင်ပြသွားမှာဖြစ်ပြီး စံချိန်စံညွှန်းကော်မတီကိုလည်း တင်ပြသွားမှာဖြစ်ကြောင်း သိရပါတယ်။

မြန်မာ့ဆန်စပါးစံချိန်စံညွှန်းများ ၊အလေးအချိန် ၊အချိန်အတွယ်များကို နိုင်ငံတကာစံချိန်စံညွှန်း နဲ့ အညီ ပြောင်းလဲသတ်မှတ်နိုင်ရေး ဆန်စပါးစိုက်ပျိုးထုတ်လုပ်မှုများ ၊ ကြိတ်ခွဲခြင်း ၊ ရောင်းခြင်း လုပ်ငန်းများ ဖွံ့ဖြိုးတိုးတက်စေရေးအတွက် မြန်မာနိုင်ငံ ဆန်စပါးအသင်းချုပ်နဲ့ International Finance တို့မှပူးပေါင်းဆောင်ရွက်တာဖြစ်ကြောင်းလည်း မြန်မာနိုင်ငံဆန်စပါးအသင်းချုပ်မှ သိရပါတယ်။

တိုးတိုးခိုင်(ABM)