Stay home ကြေငြာပြီးနောက်ပိုင်း ငွေနှင်းမှိုဈေးကွက် ဝယ်လိုအားကျဆင်း

    Stay homeကြေငြာပြီးနောက်ပိုင်း ငွေနှင်းမှိုဈေးကွက် ဝယ်လိုအားကျဆင်းသွားကြောင်း ကိုယ်တိုင်စိုက်ပျိုးနေသူများက ပြောသည်။

Stay homeကြေငြာလိုက်တော့ လူတွေ စျေးဝယ်ထွက်တဲ့အရေတွက် သိသိသာသာကျသွားတယ်။ စျေးတွေမှာ လူသိပ်မရှိဖြစ်သွားတယ်။ အဲ့ဒီတော့ ဝယ်လိုအားကျတဲ့အချိန်မှာ မှိုတွေက ထွက်သလောက် ရောင်းမစွံတော့ဘူး။

ဟု ရန်ကုန်တိုင်းဒေသကြီး၊ မှော်ဘီမြို့နယ်၊ ဖူးကြီးကျေးရွာမှ "ငွေနှင်းမှို" စီးပွားဖြစ် စိုက်ပျိုးထုတ်လုပ်နေသူ ကိုဇော်မျိုးအောင်က ပြောသည်။

    မူလလက်ရင်းဒိုင်များနှင့်ချိတ်ဆက်ထားသည့် ပမာဏများများထုတ်လုပ်နေသည့် ငွေနှင်းမှိုခြံများမှာ ဈေးကွက်ကျဆင်းခြင်းဒဏ်ကို ခံသာသော်လည်း ခြံငယ်များမှာမူ ဈေးကွက်ရိုက်ခတ်မှု ပိုမိုပြင်းထန်နေသည်။

အကို့ခြံကျတော့ ပမာဏများများထုတ်လုပ်နေတဲ့ခြံလည်းဖြစ်သလို နှစ်ပတ်လည်ချုပ်ထားတာအပြင် ဒိုင်ကလည်း ထောက်ကြံ့စျေးသစ်ကို ပုံမှန်ထွက်တယ်။ ဒိုင်မှာလည်းရောင်းအားတွေကျတော့ ကိုယ့်တစ်ခြံထဲအဓိကယူရောင်းနေသလိုမို့ ထွက်သလောက်တော့ရောင်းရပါတယ်။ ဒါပေမဲ့ လွန်ခဲ့တဲ့ ငါးရက်လောက်က စျေး ၂၀၀ လောက်ချပေးဖို့ပြောလာတယ်။ မနက်ဖြန်စာရင်းရှင်းပြီးရင်တော့ အရင်ဈေးပဲပြန်ဖြစ်လိမ့်မယ် မျှော်လင့်ပါတယ်။

ဟု ကိုဇော်မျိုးအောင်က ဆက်လက်ပြောသည်။

    လက်ရှိတွင် ငွေနှင်းမှိုတစ်ပိဿာလျှင် (၂၂၀၀) ကျပ်ဈေးနှုန်းဖြင့် လက်ကားရောင်းဝယ်ဖောက်ကားနေကြသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။