ပဲယို ကိုယ်တိုင်လုပ်ကြည့်ကြရအောင်

    ပဲပေါင်မုန့်၊ ပဲကိတ်၊ ပဲလမုန့် စတဲ့ မုန့်ချိုမုန့်​အမျိုးမျိုးပြုလုပ်ရာမှာ အသုံးဝင်လှတဲ့ ပဲယို(bean paste) လုပ်နည်းလေးကို ပြောပြပေးပါမယ်။ 

ပဲယိုပြုလုပ်ဖို့

ပဲလွန်း - ၂၅ ကျပ်သား

ထန်းလျက် -၂၅ ကျပ်သား

ဆီ - ၁၅ ကျပ်သား

ဆော်ဒါ - လက်ဖက်ဇွန်း ၁ ဇွန်း

ဆား - အနည်းငယ်တို့ လိုအပ်ပါတယ်။

ပြုလုပ်နည်းမှာ-

(၁) ပဲလွမ်းကို ရေတစ်ညစိမ်ပြီး ဆော်ဒါ လက်ဖက်ဇွန်း ၁ ဇွန်း ထည့်ပြီးပြုတ်ပါ။

(၂) ပဲနူးပါက ရေစစ်ထားပြီး ကြိတ်စက်ဖြင့် ကြေအောင်ကြိတ်ပါ။

(၃) ထန်းလျက်ကို ရေအနည်းငယ်ဖြင့်ကျိုပြီး အမှိုက်များ စစ်ထုတ်ပါ။ ပြီးလျှင် ညောင်စေးကျအောင် ပြန်ကျိုထားပါ။

(၄) ပြီးစီးပါက ပဲယိုထိုးမည့်အိုးတွင် ဆီထည့်ပြီး ကျိုထားသော ထန်းလျက်ထည့်ကြော်ပါ။

(၅) ထန်းလျက်ရနံ့မွှေးပြီး ပွလာပါက ပဲကြိတ်ထားသည်ကိုထည့်ပါ။ ပြီးနောက် ဆားအနည်းငယ် ထည့်ပြီး ရေခမ်းဆီပြန်လာသည်အထိ မွှေပေးပါ။ (ပဲနှင့် ထန်းလျက်တွင် ရေကျန်ပါက ကျိုနေစဉ်တွင် အပူများစင်တတ်၍ ဂရုပြုပါ။)

(၆) အထားခံရန် ဆီပြန်ပြီး လုံးလာသည်အထိကျိုပြီးပါက အအေးခံကာ လိုသလိုအသုံးပြုနိုင်ပါပြီ။ 

ပင်လယ်ပြာ(ငါးဦးစီး)

Ref; Sofia food paradise