တရုတ်နိုင်ငံသို့ တင်ပို့လျှက်ရှိတဲ့ မြန်မာ့ပို့ကုန်များအနက် လက်ရှိတရုတ်နိုင်ငံဘက်မှ ခွင့်ပြုထားသည့်ကုန်စည်များ

Green Way • 01/09/2020

တရုတ်ပြည်သူ့သမ္မတနိုင်ငံသို့ လယ်ယာထွက်ကုန်ပစ္စည်းများ အပါ အဝင် သစ်သီးဝလံများအား တင်ပို့လျက်ရှိပြီး အဓိကအားဖြင့် တစ်သျှူးငှက်ပျော၊ ဖရဲသီး၊ သခွားမွှေး ၊ သရက်သီး၊ နာနတ်သီး၊ ထောပတ်သီး၊ ကျွဲကောသီး၊ ချဉ်ပေါင်ဖာလာ၊ ဝဥနှင့် ဇီးသီးခြောက်တို့ အများဆုံး တင်ပို့လျက်ရှိပါသည်။

၂၀၁၇ ခုနှစ်၊ အောက်တိုဘာလ(၁၃)ရက်နေ့တွင် တရုတ်ပြည်သူ့သမ္မတနိုင်ငံ၏ Administration of Quality Supervision, Inspection and Quarantine- AQSIQ) အဖွဲ့မှ မြန်မာနိုင်ငံအနေဖြင့် မင်းဂွတ်သီး၊ Longan(တောကြက်မောက်သီး)၊ ကြက်မောက်သီး၊ လိုင်ချီးသီးစသည်တို့အား ပင်လယ်ရေကြောင်းနှင့် နယ်စပ်(၂)မျိုးလုံး မှလည်းကောင်း၊ သရက်သီး၊ ဖရဲသီး၊ သခွားမွှေး၊ ကုလားဇီးသီးများကို နယ်စပ်ကုန်သွယ်ရေးလမ်းကြောင်းဖြင့် မူဆယ်-ရွှေလီနှင့် မိုင်းလား-တာလော့ဂိတ်ပေါက်(၂)ခု မှလည်းကောင်း တရားဝင် တင်ပို့နိုင် ကြောင်း ထုတ်ပြန်ထားခဲ့ပါသည်။

တရုတ်နိုင်ငံ၏ ကုန်သွယ်မှုမူဝါဒအရ ကုန်စည်များအား အမျိုးအမည်အလိုက် တရားဝင်ခွင့်ပြုထားသည့် နယ်စပ်ဝင်ပေါက်များမှသာ လက်ခံခြင်းဖြစ်၍ ခွင့်မပြုသည့် နယ်စပ်ပေါက်များမှတရားဝင် တင်ပို့ရာတွင် ခက်ခဲလျက်ရှိခြင်းကြောင့် နယ်စပ်ကုန်သွယ်မှုလမ်းကြောင်းဖြင့် မူဆယ်-ရွှေလီနှင့် မိုင်းလား-တာလော့ဂိတ်ပေါက်(၂)ခုမှသာ တရားဝင် တင်ပို့ခွင့်ပြုထားသော သရက်သီး၊ ဖရဲသီး၊ သခွားမွှေး၊ ကုလားဇီးသီးစသည့် သစ်သီး (၄) မျိုးအား မြန်မာ-တရုတ် နှစ်နိုင်ငံအကြား တရားဝင်ကုန်သွယ်မှု ဆောင်ရွက်လျက်ရှိသည့် မူဆယ်-ရွှေလီ၊ ချင်းရွှေဟော်-မိန့်တိန်၊ ကန်ပိုက်တီ - ဟိုချောင်၊ လွယ်ဂျယ်-ကျန်းဖုန်းစသည့် နယ်စပ်ဂိတ် များမှ တရားဝင် တိုးမြှင့်တင်ပို့ခွင့်ရရှိရေးအတွက် ပေကျင်းမြို့ရှိ မြန်မာသံရုံး မှတစ်ဆင့် တရုတ်နိုင်ငံ၊ အကောက်ခွန်အထွေထွေအုပ်ချုပ်မှုအာဏာပိုင်အဖွဲ့ ( GACC ) နှင့် ချိတ်ဆက် ဆောင်ရွက်နိုင်ခဲ့ရာ တရုတ်နိုင်ငံဘက်မှ အဆိုပါသစ်သီး (၄) မျိုးအား မူဆယ်-ရွှေလီနှင့် (မိုင်းလား) တာလော့ဂိတ်(၂) ခုမှသာ တင်သွင်းခွင့်ပြုသည့်ကန့်သတ်ချက်အား ၂၀၁၉ ခုနှစ်၊ အောက်တိုဘာလ(၁၆)ရက်နေ့တွင် ပယ်ဖျက်ပေးခဲ့ပါသည်။

၂၀၂၀ ပြည့်နှစ်၊ ဩဂုတ်လ((၈)ရက်နေ့တွင် တရုတ်နိုင်ငံ၊ ပေကျင်းမြို့ရှိ မြန်မာသံရုံးမှတစ်ဆင့် ပေးပို့လာသည့်စာအရ မြန်မာနိုင်ငံမှ တရုတ်နိုင်ငံဘက်သို့ Traditional Trade ဖြင့် တင်ပို့ခွင့်ပြုထားသည့်သစ်သီး(၈)မျိုးမှာမင်းဂွတ်သီး၊Longan(တောကြက်မောက်သီး)၊ ကြက်မောက် သီး၊ လိုင်ချီးသီး၊ သရက်သီး၊ ဖရဲသီး၊ သခွားမွှေး၊ ကုလားဇီးသီး တို့ဖြစ်ပါကြောင်းနှင့် မြန်မာနိုင်ငံမှ တရုတ်နိုင်ငံဘက်သို့ တင်ပို့ရန် ခွင့်ပြုချက်ရရှိခဲ့သည့် အေးခဲစားနပ်ရိက္ခာ(၁)မျိုးမှာ အေးခဲပြောင်းဖူးချိုဖြစ်ပြီး အေးခဲရေထွက်ပစ္စည်းများမှာ အောက်ပါအတိုင်းဖြစ်ပါသည်။

အထက်ဖော်ပြပါ ကုန်စည်များအား ထုတ်လုပ်ခြင်း၊ ထုပ်ပိုးခြင်း လုပ်ငန်းများဆောင်ရွက်နေသည့် ကုမ္ပဏီများစာရင်းအား ပေးပို့ပါရန်နှင့် အဆိုပါစာရင်းအား မှတ်တမ်းရေးသွင်းထား မည်ဖြစ်ပါကြောင်း၊မြန်မာနိုင်ငံဘက်မှအဆိုပါလုပ်ငန်းကုမ္ပဏီများကို အချိန်မရွေးပြန်လည် စစ်ဆေးရန်နှင့်လုပ်ငန်းကုမ္ပဏီပြောင်းလဲခြင်းများကို တရုတ်နိုင်ငံသို့ အကြောင်းကြားရမည် ဖြစ်ပါသည်။

ထို့အပြင် တရုတ်နိုင်ငံအတွင်းသို့ တင်သွင်းလာသောသစ်သီးများအား ကူးစက်ရောဂါပိုးမွှားများ စစ်ဆေးခြင်းကို အကောက်ခွန်ရုံးမှ ကြီးကြပ်စီမံခန့်ခွဲရေးသတ်မှတ်ချက်များနှင့် ကိုက်ညီသော သတ်မှတ်နေရာများတွင် ဆောင်ရွက်ရပါကြောင်း၊ တရုတ်နိုင်ငံအနေဖြင့် ဟိုချောင်(Hou Qiao)၊ မိန်းတိန် (Meng Ding)နှင့် ကျန်းဖုန်း (Zhang Feng) ဂိတ်များအနက် ဟိုချောင်(Hou Qiao)နှင့် ကျန်းဖုန်း (Zhang Feng) ဂိတ်များတွင် တရုတ်နိုင်ငံအတွင်းသို့ တင်သွင်းလာသည့် သစ်သီးများအတွက် ကြီးကြပ်စီမံခန့်ခွဲသည့် နေရာများရှိပြီး ဝမ်တိန်(Wan Ding) ဂိတ်တွင် လည်းရှိကြောင်း၊ တရုတ်နိုင်ငံသို့ တင်ပို့ရောင်းချရန် သတ်မှတ်ချက်များနှင့် ကိုက်ညီသော မြန်မာနိုင်ငံထွက် သစ်သီးများအနေဖြင့် ဟိုချောင် (Hou Qiao)၊ ဝမ်တိန် (Wan Ding) နှင့် ကျန်းဖုန်း (Zhang Feng) ဂိတ်များတွင် ကူးစက်တတ်သော ရောဂါပိုးမွှားများ စစ်ဆေးခြင်းကို ဆောင်ရွက်နိုင်ကြောင်း သိရှိရပါသည်။

သန်းသန်းနိုင် (နှစ်နိုင်ငံ)

Source - စီးပွားရေးနှင့် ကူးသန်းရောင်းဝယ်ရေးဝန်ကြီးဌာန

ဆက်စပ်ဆောင်းပါးများ

ကုန်သွယ်သုတ

facebook ကို လုံခြုံစွာအသုံးပြုခြင်း setting များ

Okkar

ကုန်သွယ်သုတ

ဂန္ဓမာပန်းတင်ပို့ခြင်းနှင့် ဈေးကွက်ဖြန့်ဖြူးခြင်း

မြတ်စုဝေ

ကုန်သွယ်သုတ

တောင်သူတွေဂျင်းထည့်မခံရဖို့ အကောင်းအဆိုးယှဉ်တွဲနေတဲ့ Free trade အကြောင်း

သိမ့်ဇာ

ဆက်စပ်မေးခွန်းများ

ပဲပတ်ပီး ဘယ်နှစ်ရက်လောက်ကြာရင် ဆေးဖြန်းရလည်းဗျ

Sa Paing Ko Ko Win • ဖြေကြားချက် 1 ခု

ဆရာရေ မိုးအရမ်းရွာပီဗျို့ 6 နာရီကနေ 6:30 ထိအတော် သည်းတာဆရာ အခု 7:30 မှာ မိုးထပ်ရွာတယ် မိုးစွေလောက်တယ်ဆရာ မိုးမရွာလို့ ဂရမ်းဖျန်းပီးပစ်ထားတာ တစ်ပတ်လောက်ရှိနေပီဆျာ

U Yan • ဖြေကြားချက် 1 ခု

ငရုပ်သီး စိုက်ရင်( ရေ အစက်ပေးတဲ့ စနစ်နဲ့ ။ ရေပန်း ပေးတဲ့ စနစ် )နှစ်ခုအားသာ ချက် အားနည်းချက်ပြောပြပေးလို့ရမလား

ကိုရှား • ဖြေကြားချက် 2 ခု

ခြံထဲ ဒီအပင်တွေချည်း ပေါက်နေကြလို့။ ပုံမှန်ကတော့ ခြံရှင်းရင်း မြေဆွေးလုပ်ပစ်တယ်။ ပုံထဲက အပင် 3 မျိုးရဲ့နာမည်နဲ့ အသုံးဝင်မဝင်လေး သိချင်လို့ပါ။ အသုံးမဝင်ရင် တခါတည်း ရှင်းပစ်ပြီး မြေဆွေးကန်ထဲထည့်လိုက်တော့မလို့ဗျာ။

Nyi M Htet • ဖြေကြားချက် 2 ခု

စပါးက အနှံပြူနေပါပီ ရေမရှိတော့ဘူး မြေကစိုနေရင် အဆေ့အဆန် ပြည့်၀နိင်သလား အမှော်အဖျင်း များမလား ဆရာ

နံပတ်2 • ဖြေကြားချက် 3 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ