ပြ ပိုး အဖြူကောင်လေးတွေကို ဘယ်လို နှိမ်နင်းရင်ရပါသလဲ။ ဘာဆေး သုံးရင် အဆင်ပြေပါသလဲ။

အဖြူရောင်ဆိုလျင် ပျ မဟုတ်ပါဘူး ပိုးစေးနဲ ဖြစ်မှာပါ။ ပိုးစေးနှဲ(Mealy bug) အား မင်းသော်ကသစ်သား (၃) ကျပ်သားကို တောက်တောက်စင်း၍ ရေ (၁) လီတာဖြင့် တစ်နာရီကြာပြုတ်ပါ။ ပြုတ်ရည်ထဲသို့ ဆေးရွက်ကြီးစီးကရက် တစ်ဝက်စာရောထည့်ပြီး (၂၄) နာရီ စိမ်ထားပါ။ ထို့နောက်ပိတ်စိမ်းပါးဖြင့် စစ်ချ၍ ရရှိလာသော စစ်ကျရည်ကို ဆပ်ပြာမှုန့် (၆) ကျပ်သားနှင့် ရေ (၆) လီတာဖျော်စပ်ထားသော ဆပ်ပြာရည်ဖြင့် ထပ်မံရောစပ်ပါ။ အရက်ပျံအနည်းငယ်ထပ်မံ ရောစပ်ပြီး ပိုးစေးနှဲများ ကျရောက်နေသော အပင်များကို ပက်ဖျန်းပါ။ ရေ (၁ဝ) လီတာတွင် တမာဆီ (၁၀၀) မီလီလီတာနှုန်းထည့်ပြီး ပိုးစေးနှဲကျရောက်နေသော အပင်များကို ပက်ဖျန်းပါ။ လက်ဖက်ဆီဖြင့်ပြုလုပ်ထားသော ဆပ်ပြာတစ်ဆလျှင် ရေအဆ (၁၀၀) ရောစပ်သမကာ ပက်ဖျန်းပေးပါ။ ဖျက်ဆီးခံရသော အရွက်များ၊ အကိုင်းများနှင့် ပင်စည်များကို ကောက်ယူဖျက်ဆီးပါ။ အဆီဖိတ် (Acephate) ဒိုင်ကလိုဗော့စ် (Dichlorvos) (Acephate) ကလိုပိုင်ရီဖော့စ် (Chlorpyrifos) ဆိုက်ပါမက်သရင်း (Cypermethrin) လန်ဘ်ဒါဆိုင်ဟာလိုသရင် (Lambda-cyhalothrin) တို့အား အသုံးပြု နှိမ်နင်းနိူင်ပါသည်။