ရုံးပတီသီးပင်ဘာလို့ဝါတာလဲဗျ ပိုးကျလို့လား အဝါမျိုးမို့ဝါတာလား အဝါပင်ကဆို အဝါသီးထွက်တယ် အဝါသီးကရောင်းတန်းမဝင်ဘူးဗျ ဘာဆေးဖျန်းရမလဲဗျ ဆေးဖျန်းပြီးရင် အပင်ပြန်စိမ်းနိုင်လားဗျ

အရမ်းပူတဲ့အခါ စုပ်စားပိုးတွေတအားကျပြီး စုပ်စားခံရလို့ပါ။ စုပ်စားပိုးက စားလို့ အရွက်တွေ ဝါကုပ်တွန့်လိမ်နေတာထက် ပိုဆိုးတာက သူက ဗိုင်းရပ်ပိုးကို သယ်ဆောင်လာတာဆိုတော့ အပင်မှာ ဗိုင်းရပ်ရောဂါကျပြီးအရွက်တွေ ဝါကုန်တာပေါ့ဗျာ။ ကူးပြီးရင် ကုလို့မရပါဘူး။ ရောဂါကျအပင်ကို နှုတ်ပြီးလွတ်ရာမှာ စွန်ပစ်ပါ/မီးရှို့ပါ။ နောက်ပြီးတော့ ကျန်တဲ့ရောဂါမကျသေးတဲ့အပင်တွေကိုတော့ စုပ်စားပိုးနိုင်တဲ့ဆေးတစ်မျိုးမျိုးဖြန်းပါ။ ဒိုင်နိုတီဖျူရန်၊ သိုင်ရာမီသောက်ဆမ် စတဲ့ဆေးတွေဖျန်းလို့ရပါတယ်။ ဝါတဲ့အပင်တွေကို ဆက်ထားလည်း ကောင်းမလာပါဘူး။ ဘေးအပင်ကိုကူးစေပါတယ်။ ရာသီဥတုကလည်းအရမ်းပူနေမယ်၊ စုပ်စားပိုးတွေကလည်း အရမ်းများနေမယ်ဆိုရင်တော့ ပိုးသတ်ဆေးတွေလည်း မနိုင်တော့ပါဘူး။ မကျခင်ကြိုတင်ကာကွယ်ထားမယ်ဆိုရင်တော့ သက်သာပါမယ်။ နွေရာသီမှာစိုက်ရင်တော့ သေချာပေါက်ကျမှာပါ။ ခက်တာက နွေရာသီမှာစိုက်မှလည်း ဈေးကောင်းရတာဆိုတော့ စိုက်ကြတာပါပဲ။ ကျကျမကျကျ ပုံမှန်ဖျန်းပေးနေမှသာ အဆင်ပြေမှာပါ။ နှမြောလို့ နှုတ်မပစ်ရင် ပိုဆိုးမှာပါ။

ကျေးဇူးတင်ပါတယ်ဦးလေး