အပင်အောက်ခြေတွင်ပုက်နေပြီးအရွက်များခြောက်နေပါသည် ဘာဆေးများအသုံးပြုရမလဲဆရာ

@ကိုသိန်းသန်းဝင်း ပုံပါစပါးပင်ခြေတွင် အရွက်များခြောက်ပြီး ပင်စည်မည်းပုပ်လာသည့် လက္ခဏာမှာ Sclerotium oryzae မှိုကြောင့်ဖြစ်သော "စပါးပင်စည်ပုပ်ရောဂါ (Rice Stem Rot Disease)" ကျရောက်နေခြင်း ဖြစ်ပါတယ်။ ယခုအခြေအနေတွင် ရောဂါကူးစက်မှုကို တားဆီးရန် ပင်လုံးပျံ့မှိုသတ်ဆေးများဖြစ်သည့် ဗာလီဒါမိုင်ဆင် (Validamycin 3% L)၊ အဇိုဆီစထရိုဘင် (Azoxystrobin)၊ ကာဗင်ဒါဇင်(Carbendazim) သို့မဟုတ် ဟက်ဆာကိုနာဇိုးလ်(Hexaconazole) တစ်မျိုးမျိုးကို ပင်ခြေထိ ရောက်အောင် သေချာပက်ဖျန်းပေးရပါမယ်။ ဆေးဖျန်းရုံတင်မကဘဲ စိုက်ခင်းအတွင်းမှ ရေကို ခဏထုတ်ပေးခြင်း၊ နိုက်ထရိုဂျင် (ပုလဲ) မြေသြဇာ အလွန်အကျွံကျွေးခြင်းကို ရှောင်ကြဉ်ပြီး အပင်ခံနိုင်ရည်ရှိစေရန် ပိုတက်ရှ်မြေသြဇာကို ဖြည့်စွက်ကျွေးပေးခြင်းဖြင့် ရောဂါကို ထိရောက်စွာ ကုသနှိမ်နင်းနိုင်ပါတယ်။ ဆေးတခါဖျန်းပြီးတိုင်း ရောဂါကျအရွက်များက အရွက်သစ်များသို့ဆက်လက်ကူးပျံ့ခြင်းရှိမရှိစောင့်ကြည့်စစ်ဆေးပါ။ဆက်လက်ပျံ့နှံ့နေသေးပါက ၇ရက်ခြားတကြိမ်ထပ်ဖျန်းပေးရပါမယ်။