ကိုဗစ်ကာကွယ်နှာဖျန်းဆေး ထိုင်းနိုင်ငံမှာ ရနိုင်ပြီ...

‘ Besuto Qlears ’ လို့ခေါ်တဲ့ ထိုင်းနိုင်ငံရဲ့ ပထမဆုံး ကိုဗစ်ကာကွယ်နှာဖျန်းဆေး (နှာခေါင်းထဲသို့ ဖျန်းပေးရသည့်ဆေး)ကို ထိုင်းနိုင်ငံ မဟီဒေါလ်တက္ကသိုလ်ရဲ့ သုတေသနပညာရှင်များနဲ့ သိပ္ပံပညာရှင်တွေက မိတ်ဖက်အဖွဲ့တွေရဲ့အကူအညီနဲ့ ပူးပေါင်းတီထွင်ထုတ်လုပ်လိုက်တာပါ။

မဟီဒေါလ်တက္ကသိုလ်ရဲ့ အပူပိုင်းဒေသဆေးဝါးဌာနနဲ့ Biotec, Quantum Biotech, Healthlead ကုမ္ပဏီတွေ ပူးပေါင်းတီထွင်ထုတ်လုပ်တာဖြစ်ပါတယ်။

သံပရာခွံတွေအပါအဝင် ရှောက်၊ သံပရာ မျိုးရင်းတွေကနေ ထုတ်ယူရရှိတဲ့ သဘာဝပါဝင်ပစ္စည်းတွေနဲ့ချည်း ဖော်စပ်ထုတ်လုပ်ထားတာလို့ ဆိုပါတယ်။

သူ့ရဲ့ ကာကွယ်နိုင်မှုအစွမ်းကတော့ ကိုဗစ် -19 ဗိုင်းရပ်စ် တစ်မျိုးတည်းတင် မဟုတ်ပါဘူး။ ရာသီတုပ်ကွေး H1N1, ဖျားနာခြင်းဖြစ်စေတဲ့ အသက်ရှူလမ်းကြောင်းဆိုင်ရာ ဗိုင်းရပ်စ်တစ်မျိုး ဖြစ်တဲ့ Respiratory Syncytial Virus (RSV) တွေကိုလည်း ကာကွယ်ပေးနိုင်ပါတယ်တဲ့။

ဒါ့အပြင် ဆဲလ်တွေကိုတိုက်ခိုက်တဲ့ဗိုင်းရပ်စ်တွေရန်ကို ကာကွယ်ပေးခြင်း၊ အအေးမိ တုပ်ကွေး ချောင်းဆိုး ရင်ကျပ် ရေကျောက် ရောဂါတွေဖြစ်စေနိုင်တဲ့ ဗိုင်းရပ်စ်တိုက်ခိုက်ခံရခြင်း (Viral infection) ကို လျှော့ချပေး နိုင်ခြင်း၊ အလာ့ဂျစ်ဖြစ်မှုကို သက်သာစေခြင်း စတဲ့ အစွမ်းသတ္တိတွေပါ ပါဝင်တယ်လို့လည်း ညွှန်းထားပါသေးတယ်။

ဒီဆေးရဲ့ဘေးထွက်ဆိုးကျိုးဖြစ်နိုင်မှုတွေအပေါ် စမ်းသပ်ချက်တွေပြုလုပ်အပြီးမှာတော့ လက်ရှိမှာ ထိုင်းအစားအသောက်နှင့်ဆေးဝါးကွပ်ကဲရေးဦးစီးဌာန (FDA) က အန္တရာယ်ကင်းတဲ့ နေ့စဉ်သုံးဆေးဝါးအဖြစ် ခွင့်ပြုပေးလိုက်တာပါ။

ဆေးထုတ်လုပ်သူတွေကတော့ ဆေးကိုတစ်ကြိမ်ဖျန်းထားလိုက်ရင် ၃၊ ၄ နာရီလောက် ကာကွယ်ပေးထားနိုင် တယ်လို့ ဆိုပါတယ်။

ထိုင်းနိုင်ငံအမျိုးသားသိပ္ပံနှင့်နည်းပညာဖွံ့ဖြိုးရေးအေဂျင်စီရဲ့ ညွှန်ကြားရေးမှူး ဒေါက်တာဗီရာဝပ်ချမ်ပရီဒါ ကတော့ ဒီဆေးဟာ သဘာဝပါဝင်ပစ္စည်းတွေနဲ့ချည်းထုတ်လုပ်ထားတာလို့ ပြောပါတယ်။ ဒါဟာ သံပရာခွံ တွေလိုမျိုး စိုက်ပျိုးရေး စွန့်ပစ်ပစ္စည်းတွေကို ဆေးဝါးအဖြစ်အသွင်ပြောင်းအကျိုးရှိရှိ အသုံးချခြင်းဖြင့် ဇီဝလည်ပတ်မှုဆိုင်ရာ အစိမ်းရောင်စီးပွားရေးအပေါ် ကူညီရာလည်း ရောက်စေတာဖြစ်ပါတယ်။

လက်ရှိမှာတော့ ‘ Besuto Qlears ’နှာဖျန်းဆေးကို ထိုင်းနိုင်ငံအနှံ့အပြားက ဆေးဆိုင်တွေမှာ ဝယ်ယူရရှိနိုင်နေပြီ ဖြစ်ပြီး နိုင်ငံတကာဈေးကွက်ထံ တင်ပို့သွားဖို့လည်း စီစဉ်နေတယ်လို့ သိရပါတယ်။

Photos Crd_ Besuto FB page

Ref: https://bit.ly/3UIhwIP

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။