ရာသီဥတုဖောက်ပြန်ပြောင်းလဲခြင်းနှင့် တိရစ္ဆာန်အစာကုန်ကြမ်း ရှားပါးလာမှုပြဿနာ

ယခုနောက်ပိုင်းမြန်မာနိုင်ငံအပါအဝင် နိုင်ငံတကာရှိစိုက်ပျိုးတောင်သူအများစုဟာ ရာသီဥတု ဖောက်ပြန်ပြောင်း လဲမှုဒဏ်ကြောင့် စိုက်ပျိုးထွက်ကုန်များ အထွက်နှုန်းကျဆင်းခြင်း၊ အာဟာရတန်ဖိုးကျဆင်းခြင်း၊ မှိုဆိပ်တွေ့ရှိမှု များလာခြင်းတို့နဲ့ ရင်ဆိုင်လာနေရပါတယ်။

အခြားတစ်ဖက်မှာလည်း အစားအစာဖူလုံဖို့အတွက် အရေးကြီးတဲ့ မွေးမြူရေးလုပ်ငန်းဟာ စိုက်ပျိုးရေးမှထွက်ရှိတဲ့ ဂျုံ၊ ပြောင်း၊ ပီလောပီနံနှင့် အခြားစိုက်ပျိုးထွက်ကုန်များကို အစာကုန်ကြမ်းအနေနှင့် မှီခိုနေရပါတယ်။

တိရစ္ဆာန်အစာ ထုတ်လုပ်သူတွေအနေနဲ့ လွန်ခဲ့တဲ့ ဆယ်စုနှစ်အတွင်း တိရစ္ဆာန်အစာအရည်အသွေး၊ တိရစ္ဆာန်အစာဘေးကင်းရေးနှင့် သိုလှောင်သိမ်းဆည်းမှု စတဲ့အချက်တွေဟာစိန်ခေါ်မှုဖြစ်ပေမဲ့ အခုနောက်ပိုင်းမှာတော့ ရာသီဥတု ဖောက်ပြန်ပြောင်းလဲမှုကြောင့် အခြားစိန်ခေါ်မှုတွေနဲ့ပါ ရင်ဆိုင်လာနေရပါတယ်။

ရာသီဥတု ဖောက်ပြန်ပြောင်းလဲခြင်းဟာ စိုက်ပျိုးတောင်သူတွေရဲ့ အကျိုးစီးပွားကို ထိခိုက်စေရုံသာမက မွေးမြူရေးလုပ်ငန်းရဲ့ အဓိကအားထားရာ တိရစ္ဆာန်အစာကုန်ကြမ်း လုံလောက်မှုအတွက်ပါ စိန်ခေါ်မှုဖြစ်လာနေတာပါ။ ယခုလိုစိန်ခေါ်မှုတွေကြောင့် မွေးမြူသူတွေအနေနဲ့ အခြားတိရစ္ဆာန်အစာကုန်ကြမ်း အရင်းအမြစ်တွေအပေါ် မှီခိုဖို့ လိုအပ်လာပါတယ်။

ယေဘုယျအားဖြင့် ရာသီဥတုဖောက်ပြန်ပြောင်းလဲခြင်းကြောင့် စိုက်ပျိုးမွေးမြူရေးလုပ်ငန်းရှင်တွေအနေနှင့် အောက်ပါအချက်(၂) ချက် ကို အဓိက ရင်ဆိုင်လာနေရတာဖြစ်ပါတယ်။

(၁) အစာကုန်ကြမ်းများဖြစ်တဲ့ ဂျုံ၊ပြောင်းများတွင် မှိုဆိပ်တွေ့ရှိမှုများလာခြင်း

ပထမအချက်အနေနဲ့ ရာသီဥတုဖောက်ပြန်ပြောင်းလဲခြင်းဟာ အစာကုန်ကြမ်းတွေမှာ မှိုပေါက်ရောက်မှုကို အဓိက အားပေးနေပါတယ်။ ဥပမာအားဖြင့် ရာသီဥတုဖောက်ပြန်ပြောင်းလဲမှုရဲ့ နောက်ဆက်တွဲဖြစ်တဲ့ အပူချိန်နှင့် စိုထိုင်းဆ အတက်အကျဟာ အစာကုန်ကြမ်းမှာ မှိုဆိပ်ပေါက်ရောက်နိုင်ဖို့အတွက် အကောင်းဆုံး အခြေအနေကို ဖန်တီးပေးပါတယ်။

ဒါ့အပြင် ရာသီဥတုဖောက်ပြန်ပြောင်းလဲခြင်းဟာ ပြောင်းမှာ အခြားမှိုဆိပ်အမျိုးအစားကွဲများ တွေ့ရှိမှုကိုလည်း တွန်းအားပေးနေပါတယ်။ သုတေသနပညာရှင်များရဲ့ လေ့လာတွေ့ရှိမှုများအရ စိုက်ပျိုးထွက်ကုန်မှာ မှိုဆိပ်ပါဝင်မှုဟာ အစာကုန်ကြမ်းမှာ ပါဝင်တဲ့အာဟာရတန်ဖိုးကို ၁၅ ရာခိုင်နှုန်းအထိ လျော့ကျစေနိုင်တယ်လို့ ဆိုပါတယ်။

တိရစ္ဆာန်အစာမှာ မှိုဆိပ်ပါဝင်ခဲ့ရင် မွေးမြူရေးတိရစ္ဆာန်တွေမှာ အဓိကအားဖြင့် ကျန်းမာရေးကိုထိခိုက်စေနိုင်တဲ့အပြင် အစာစားနှုန်းကျဆင်းခြင်း ထုတ်လုပ်နိုင်စွမ်းကျဆင်းခြင်းနှင့် မျိုးအောင်ခြင်း၊ မအောင်ခြင်းတို့ ဖြစ်စေပါတယ်။ တိရစ္ဆာန်အစာမှာ မှိုဆိပ်ပါဝင်မှုဟာ တိရစ္ဆာန်အစာထုတ်လုပ်သူတွေနှင့် မွေးမြူရေးလုပ်ငန်းရှင်တွေအတွက် ကြီးမားတဲ့စိန်ခေါ်မှုဖြစ်နေပါသေးတယ်။

(၂) အစာကုန်ကြမ်းတွင်ပါဝင်သော အာဟာရတန်ဖိုးကျဆင်းခြင်း၊ အထွက်နှုန်းကျဆင်းခြင်း

ရာသီဥတုဖောက်ပြန်ပြောင်းလဲခြင်းဟာ တိရစ္ဆာန်အစာကုန်ကြမ်းအတွက် အဓိကအသုံးပြုနေတဲ့ ပြောင်း၊ ဂျုံအထွက်နှုန်းအပေါ် အဓိကခြိမ်းခြောက်နေပါတယ်။ သုတေသနစာတမ်းများအရ ပျမ်းမျှအပူချိန် (၄)ဒီဂရီဆဲလ်စီးယပ်စ် မြင့်တက်ခြင်းက အစာကုန်ကြမ်းအထွက်နှုန်းကို ၁၀-၂၀ ရာခိုင်နှုန်းအထိ လျော့ကျစေနိုင်ပါတယ်။

ဒါ့အပြင် စိုက်ပျိုးတောင်သူတွေဟာ မိုးများခြင်း(သို့မဟုတ်) မိုးခေါင်ခြင်းတို့ကြောင့် စိုက်ပျိုးသီးနှံများ ပုံမှန်စိုက်ပျိုးခြင်း မလုပ်ဆောင်နိုင်တာကြောင့် နှစ်စဉ်သီးနှံအထွက်နှုန်း ကျဆင်းခြင်းနှင့် ရင်ဆိုင်နေရပါတယ်။

ဒါကြောင့် စိုက်ပျိုးတောင်သူတွေအနေနှင့်လည်း အနာဂတ်တွင် ရာသီဥတုအပြောင်းလဲမှုဒဏ်နှင့် ပိုးမွှားဒဏ်ကို ခံနိုင်ရည်ရှိတဲ့ မျိုးစေ့မျိုး အမှန်တကယ်လိုအပ်လာပြီပဲ ဖြစ်ပါတယ်။

ယခုနောက်ပိုင်းမှာ တိရစ္ဆာန်အစာထုတ်လုပ်သူတွေအနေနှင့်လည်း အစာကုန်ကြမ်းဖြစ်တဲ့ ပြောင်းအစား ဆန်၊ ဆန်ကွဲတို့ကို စတင်အသုံးပြုလာကြပါတယ်။

ဒါကြောင့် ရာသီဥတုဖောက်ပြန်ပြောင်းလဲခြင်းဟာ တိရစ္ဆာန်အစာ ရေရှည်ထုတ်လုပ်နိုင်ရေးအတွက် စိန်ခေါ်မှုဖြစ်တဲ့အပြင် လူသားတစ်ရပ်လုံးရဲ့ အစားအစာဖူလုံရေးနှင့် ဘေးကင်းရေးအတွက် အဓိကစိန်ခေါ်မှု ဖြစ်လာပါတယ်။

ဒါပေမဲ့ အခြားတစ်ဘက်မှာလည်း စိုက်ပျိုးရေးလုပ်ငန်းမှာ နည်းပညာတွေရဲ့ အကူအညီကြောင့် ပိုမိုတိကျတဲ့ စိုက်ပျိုးထုတ်လုပ်မှု (precise farming) ဘက်ကို ဦးတည်လာနေတာကတော့ ဖြေသိမ့်စရာဖြစ်ပါတယ်။ ဥပမာအားဖြင့် နည်းပညာအကူအညီကြောင့် ရာသီဥတုအပြောင်းအလဲကို ကြိုတင်ခန့်မှန်းနိုင်ပြီး သီးနှံရွေးချယ်စိုက်ပျိုးနိုင်ခြင်း၊ ပိုးမွှားနှင့် ရောဂါတွေအတွက်လည်း ကြိုတင်တွက်ဆမှုတွေ လုပ်နိုင်ခြင်းတို့ကို လုပ်ဆောင်လာနိုင်တာ ဖြစ်ပါတယ်။

တကယ်တော့ ရာသီဥတုဖောက်ပြန်ပြောင်းလဲခြင်းကို ရင်ဆိုင်နေရတာက မွေးမြူရေးကဏ္ဍတစ်ခုတည်းအတွက် တော့ မဟုတ်ပါဘူး။ ကဏ္ဍပေါင်းစုံမှာ ရင်ဆိုင်နေရတာပါ။ ဒီပြဿနာရဲ့ နောက်ဆက်တွဲတွေကို မွေးမြူရေးသမား တွေချည်းသီးသန့်တော့ အဖြေရှာလို့ မရနိုင်ပါဘူး။ တာဝန်ရှိသူတွေဘက်ကလည်း ပိုမိုကောင်းမွန်သော နည်းလမ်းတွေကို ရှာဖွေသင့်နေပြီဖြစ်ပါကြောင်း တိုက်တွန်းပြောကြားလိုက်ပါရစေ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...