ဝတ်မှုံသင်း
Greenovator
ခုလို stay home ကာလမှာ လုပ်သောက်ဖို့ အရသာကောင်းမွန်တဲ့ Dalgona (ဒယ်ဂိုနာ) ကော်ဖီလုပ်နည်းလေးကိုတင်ပေးလိုက်ပါတယ်။ ပါဝင်ပစည်းတွေက ရိုးရှင်းပြီးတော့ လုပ်ရတာလည်း လွယ်ကူပါတယ်။
ပါဝင်ပစည်းများ
ကော်ဖီမှုန့် -ထမင်းစားဇွန်း2ဇွန်း
( Nescafeဆိုရင်ရပါတယ်။ သကြားနဲ့တစ်ခါတည်းရောပြီးသား ရယ်ဒီမိတ်ကော်ဖီမှုန့်တွေ မသုံးပါနဲ့နော် )
သကြား-ထမင်းစားဇွန်း 2ဇွန်း
ရေနွေး-ထမင်းစားဇွန်း 2ဇွန်း
နွားနို့- ခွက်ရဲ့သုံးပုံနှစ်ပုံ (နွားနို့အစစ်မလွယ်လည်း နို့မှုန့် (သို့) အိုဗာတင်း သုံးလို့ရပါတယ်)
ပြုလုပ်နည်း
ကော်ဖီရယ် သကြားရယ် ရေနွေးရယ်ကို ရောမွှေပါ။ ဒီမှာသတိထားရမှာက ရေနွေးကို ခုမှတည်ပြီးပြီးချင်းကိုသုံးရမှာပါ။ နောက်ပြီး ရေကို ပြောထားတဲ့ပမာဏထက် မများအောင်ဂရုစိုက်ပါ။
ပြီးရင် ၃မျိုးအရောကို မွှေပါမယ်။ ကြက်ဥမွှေတံ ဒါမှမဟုတ် ဇွန်းနဲ့ မွှေရင်လည်းရပါတယ်။ ဒီကော်ဖီမှာ မွှေတာကအရေးကြီးပါတယ်နော်။ တော်တော်တော့မွှေရပါတယ် အနှစ်ကပျစ်ပြီး ခရင်လိုဖြစ်သွားတဲ့အထိ မွှေပေးပါ။ ၁၅မိနစ်လောက်အထိကို မွှေပေးရပါတယ်နော်။ မွှေနေရင်းကို ကော်ဖီအနံ့လေးက အရမ်းမွှေးပြီးတော့သောက်ချင်စရာဖြစ်လာပါတယ်။
ကော်ဖီတွေ ခရင်လိုလေးဖြစ်သွားပြီဆိုရင် နွားနို့ (သို့) နို့မှုန့်၊ အိုဗာတင်း ဖျော်ထားတဲ့အပေါ်ကို ဖြည်းဖြည်းချင်း ဇွန်းလေးနဲ့တင်ပေးပါ။ အပူမကြိုက်ဘူးဆိုရင်လဲ နို့အေးလေးနဲ့ သောက်သုံးနိုင်ပါတယ်။ ကော်ဖီကသက်သက် အောက်ကနွားနို့ကသက်သက်ဖြစ်ရင် ဓာတ်ပုံရိုက်ပြီး ဖေ့ဘုတ် ပေါ်တင်ပြီးကြွားလို့ရပါပီနော်။
ပြီးရင် ဇွန်းလေးနဲ့မွှေပြီး ချိုအီစိမ့်မွှေးတဲ့ ကော်ဖီလေးကို အရသာရှိရှိသောက်သုံးနိုင်ပါပြီ။
ဝတ်မှုံသင်း
Farm Link Co.,Ltd ကြော်ငြာ
.jpg)
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}