အစိမ်းရောင်လမ်း - အင်းဆက်ပိုးမွှားများကို ကာကွယ်နှိမ်နင်းနိုင်တဲ့ အီးအမ်

အီးအမ် - ၅ကို အင်းဆက်ပိုးနှင့် ရောဂါပိုးများကာကွယ်ရာတွင် အသုံးပြုနိုင်သည်။ အထူးသဖြင့် အင်းဆက်နှိမ်နင်းရာတွင် သုံးသည်။ သို့သော် အီးအမ် ၅ သည် အင်းဆက်ပိုးများကိုသေစေသော ဓာတုဗေဒဆေးမဟုတ်ပါ။ အင်းဆက်ပြန့်ပွားမှုကို ထိန်းချုပ်သည်။ အီးအမ် - ၅ သည် အင်းဆက်ပိုးမွှားများ၏ အစာကိုစား၍မရသော အညစ်အကြေးအဖြစ် ပြောင်းလဲပေးသည့်အတွက် အင်းဆက်များအစာမစားနိုင်ဘဲ တဖြည်းဖြည်းလျော့နည်းစေသည်။

ပါဝင်သောပစ္စည်းများ

ရေ - ၆၀၀ စီစီ

တင်လဲရည် - ၁၀၀ စီစီ

ရှာလကာရည် - ၁၀၀ စီစီ

အရက် (သို့) အရက်ပြန် (၃၀-၃၅ %) - ၁၀၀ စီစီ

အီးအမ်အပြင်း - ၁၀၀ စီစီ

ပြုလုပ်ပုံ

(၁) ရေနှင့် တင်လဲရည်ကို ပျော်အောင် ဦးစွာဖျော်ပါ။

(၂) ၎င်းအရည်ထဲသို့ ရှာလကာရည်နှင့် အရက်ကိုထည့်ပြီး မွှေပါ။

(၃) ထို့နောက် အီးအမ်ကိုထည့်ပါ။

(၄) ပလတ်စတစ်ပုံးထဲသို့ လေဟာနယ်မရှိအောင်ထည့်ပြီး အဖုံးလုံအောင် ပိတ်ထားရမည်။

(၅) (၁၀ - ၁၅) ရက်ကြာလျှင် စတင်သုံးစွဲနိုင်သည်။

(၆) ၎င်းပုံးကို အေး၍မှောင်သောနေရာ (အပူချိန် ၂၀ - ၃၀) ဒီဂရီစင်တီဂရိတ်ရှိသော နေရာတွင်ထားပါ။

(၇) တိုက်ရိုက်နေရောင်ခြည်မထိတွေ့စေရ။

(၈) ရေခဲသေတ္တာထဲ မထည့်ရ။

(၉) အီးအမ် - ၅ ပြုလုပ်ပြီး (၆) လအထိထား၍ သုံးစွဲနိုင်သည်။

အသုံးပြုပုံ

အပင်ပေါက်လာပြီး ဖျက်ပိုးများမကျမီ စတင်ဖျန်းပါ။ ၃ရက်ကြားတစ်ကြိမ် ရေနှင့် (၁ : ၂၀၀ ) သို့မဟုတ် (၁ : ၅၀၀ ) နှုန်းဖြင့်ရော၍ ပက်ဖျန်းပါ။ မနက်ပိုင်းနှင့် ညနေပိုင်း နေအေးချိန်များတွင် ဖျန်းပါ။

အကျိုးကျေးဇူးများ

အီးအမ် - ၅ ကိုအသုံးပြုခြင်းသည် အသုံးပြုသည့်မြေ၊ စိုက်ပျိုးသည့် သီးနှံပေါ်မူတည်ပြီး အီးအမ် - ၅၏ အာနိသင်အကောင်းဆုံးအခြေအနေကို ရရှိ၍ ပတ်ဝန်းကျင်ကိုလည်း အကျိုးပြုနိုင်ပါသည်။ လယ်သမားများအတွက် စီးပွားရေးတွက်ခြေကိုက်စေပါသည်။ အီးအမ် - ၅ကိုလွယ်ကူစွာနှင့် ဈေးသက်သာစွာ ပြုလုပ်နိုင်သည်။ သီးနှံတစ်ခုရိတ်သိမ်းပြီးနောက် သီးနှံအကြွင်းအကျန်များကို မြေထဲသို့ ထယ်ထိုးမြေမြှုပ်ကာ နောက်သီးနှံမစိုက်မီ အီးအမ် - ၅ကိုဖျန်းပေးခြင်းဖြင့် နောက်ဆုံးတွင်ရောဂါနှင့် အင်းဆက်ပိုးတို့၏ သံသရာမလည်အောင်ထိန်းထားနိုင်ပါသည်။

အကျိုးပြုအဏုဇီဝ (အီးအမ်) နည်းပညာ ပါမောက္ခ ဒေါက်တာမြင့်လွင် စာအုပ်မှကောက်နုတ်ဖော်ပြခြင်းဖြစ်ပါသည်။

အကျိုးပြုအဏုဇီဝ (အီးအမ်) နည်းပညာ စာအုပ်ကို ဝယ်ယူလိုပါက အစိမ်းရောင်လမ်းရဲ့ ဈေးတန်းကြီးကဏ္ဍမှာရှိတဲ့ ဗွေဆော်ဦးစာအုပ်ဆိုင်မှာ အော်ဒါတင်နိုင်သလို page chat box မှာအမည်၊ နေရပ်လိပ်စာ၊ ဖုန်းနံပါတ်လေးပေးပြီး လာရောက်ဝယ်ယူနိုင်ပါတယ်ရှင့် )

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...