အသီးအပွင့်များစေ ဆားခါးဖျော်ရည်

ဆားခါးဆိုတာ မဂ္ဂနီဆီယမ် ဆာလဖိတ် ဓာတုဒြပ်ပေါင်းတမျိုးဖြစ်ပြီး အပင်အတွက် လိုအပ်တဲ့ မဂ္ဂနီဆီယမ်နဲ့ ဆာလဖာလို့ခေါ်တဲ့ ကန့်ဓါတ်များ ပါဝင်ပါတယ်..။ 

မဂ္ဂနီဆီယမ်ဓာတ်ဟာ မျိုးစေ့အညှောက်ပေါက်ခြင်းဖြစ်စဉ်ကို ကူညီပေးခြင်း၊ အပင်ဆဲလ်များကို သန်စွမ်းစေခြင်း၊ အပင်အစာချက်လုပ်တဲ့နေရာ အဓိကလိုအပ်တဲ့ စိမ်းရောင်ခြယ်ပစ္စည်း ကလိုရိုဖီးလ်ကို ပိုထုတ်လုပ်ပေးခြင်း၊ အပင် ရဲ့ နိုက်ထရိုဂျင်နဲ့ ဖော့စဖရတ် (မီးစုန်းဓါတ်) တွေ စုပ်ယူခြင်းကို ကူညီပေးခြင်း၊ အပွင့်အသီးကို အားကောင်းစေခြင်း စတဲ့ အကျိုးကျေးဇူများစွာ ဖြစ်စေပါတယ်။ 

ဆာလဖာ ဓာတ်ဟာလဲ စိမ်းရောင်ခြယ်ပစ္စည်း ကလိုရိုဖီးလ် ထုတ်လုပ်ခြင်း၊ အာဟာရဓါတ်များစုပ်ယူခြင်းမှာ အရေးကြီးပါတယ်။ အဲဒါကြောင့် ဆားခါး (သို့) မက်ဂနီဆီယမ် ဆာလဖိတ်ဟာ စိုက်ပျိုးပင်တွေကို ပိုမိုစိမ်းလန်း စေပြီး ပန်းပွင့်အားကောင်းစေသော အစွမ်းများရှိနေပါတယ်။ဒါ့အပြင် ဆားခါးဟာ ပက်ကျိ၊ ဗိုး (လယ်ယာချောင်းမြောင်းအနီး ကျက်စားသော ကြွက်နှင့်ဆင်သည့် အကောင်) တွေကို ဟန့်တားပေးပါတယ်။ 

ယေဘုယျအားဖြင့် ဆားခါးရည်ကို မက်ဂနီဆီယမ်ဓါတ် လိုအပ်ချက်များတဲ့ အပင်များ (ခရမ်းချဉ်၊ ငရုတ်၊ နှင်းဆီပင်) အတွက် သုံးပေးကြပါတယ်။ ဆားခါးရည်ဖျန်းပေးတဲ့ နှင်းဆီပင်တွေဟာ အပင်ကြီးထွားမှုနှုန်းကို ကောင်းစေ ပြီး အပွင့်များများပွင့်စေပါတယ်။ ခရမ်းချဉ်ပင်တွေမှာ ဖျန်းပေးမယ်ဆိုရင်လည်း ခရမ်းချဉ်သီး အလုံးကြီးစေပါတယ်။ ဆားခါးကို ရေနဲ့ဖျော်စပ်ပြီး အပင်ရဲ့အောက်ခြေတွေမှာလောင်းပေးနိုင်သလို ရွက်ဖျန်းအနေနဲ့လည်း သုံးပေးမယ် ဆိုရင် အသီးအပွင့်ကြီးထွားစေပါတယ်။

အိုးနဲ့ စိုက်ပျိုးထားတဲ့ ပန်းပင်တွေအတွက်ဆို  ရေတဂါလံမှာ ဆားခါး စားပွဲတင်ဇွန်း နှစ်ဇွန်းထည့်ပြီး ဖျော်စပ်ပြီး တလမှာ တခါလောက် ဖျန်းပေးနိုင်ပါတယ်။ ,

ဟင်းသီးဟင်းရွက် စိုက်ခင်းတွေမှာ ရေတဂါလံမှာ ဆားခါး စားပွဲတင်ဇွန်း တစ်ဇွန်းထည့်ပြီးဖျော်စပ်ပြီး ရွက်ဖျန်း အနေနဲ့ ဖျန်းပေးမယ်ဆိုရင် စိုက်ခင်းဟာ စိမ်းလန်းစိုပြေ အထွက်ကောင်းစေပါမယ်။

ခရမ်းချဉ်ပင်တွေဟာ အပင်ကြီးပိုင်းအချိန် ရောက်တဲ့အခါ မဂ္ဂနီဆီယမ်ဓာတ်ချို့တဲ့ပြီး အရွက်တွေ ဝါလာကာ အသီးနှုန်းကျတတ်ပါတယ်။ အဲ့အတွက်ဆိုရင် ဆားခါး လက်ဖက်စားဇွန်းတဇွန်းကို လက်တဆုပ်စာ မြေနဲ့ လုံးပြီး  ခရမ်းချဉ်ပင် အောက်ခြေတွေမှာ ထည့်ပေးနိုင်သလို၊ နှစ်ပတ်တခါ ရွက်ဖျန်းအနေနဲ့လည်း ဖျန်းပေးနိုင်ပါတယ်။

ငရုတ်ခင်းတွေမှာလည်း ဆားခါးဖျော်ရည်ဖျန်းပေးခြင်းဖြင့် ငရုတ်သီးတောင့်များ ကြီးထွားစေပါတယ်။ 

နှင်းဆီပင်တွေဆိုလည်း ဆားခါးထည့်ပေး၊ ဖျန်းပေးမယ်ဆိုရင် အရွက်တွေ ကြီးထွားစေတယ်၊ ပန်းပွင့်များများ ပွင့်စေနိုင်ပါတယ်။

သစ်သီးပင်တွေမှာလည်း သုံး-လေးနှစ် တကြိမ်လောက် အပင်ရဲ့ အောက်ခြေမှာ ဆားခါး စားပွဲတင်ဇွန်း ၂ဇွန်းလောက် ထည့်ပေးမယ်ဆိုရင် အပွင့်၊ အသီး အားကောင်းစေမှာ ဖြစ်ပါတယ်။

နန်းစုစံ (စိုက်ပျိုးရေး)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်