မက်ဆီမျက်နှာပုံ ဂုဏ်ပြုစိုက်ပျိုးထားတဲ့ အာဂျင်တီးနားက ပြောင်းခင်းကြီး

အာဂျင်တီးနားနိုင်ငံအတွက် ကမ္ဘာ့ဖလား ဆွတ်ခူးရယူပေးခဲ့သူ အသင်းခေါင်းဆောင် လီယွန်နယ်မက်ဆီကို အာဂျင်တီးနားပြည်သူတွေက သူ့ရုပ်ပုံတက်တူးထိုးတာ၊ နံရံဆေးရေးပန်းချီ ရေးဆွဲတာ စသည်ဖြင့် ပုံစံအမျိုးမျိုးနဲ့ ဂုဏ်ပြုနေကြပါတယ်။ အခုတစ်ခါလည်း ပြောင်းခင်းကျယ်ကြီးထဲမှာ မက်ဆီရဲ့မျက်နှာ ပုံဖော်စိုက်ပျိုးထားကို ကောင်းကင်ယံကနေ တွေ့မြင်နိုင်မှာဖြစ်ပါတယ်။

နိုင်ငံအလယ်ပိုင်း ကော်ဒိုဘာပြည်နယ်၊ လော့စ်ကွန်ဒိုရက်စ်မြို့က ဒီပြောင်းခင်းကြီးကို အဆင့်မြင့်နည်းပညာနဲ့ ဒီဇိုင်းဖော်ပြီး စိုက်ပျိုးထားတာပါ။ ပြောင်းစေ့တွေကို လိုအပ်တဲ့နေရာမှာ တိတိကျကျ စိုက်ပျိုးထားပြီး ပြောင်းပင်တွေ ပေါက်ရောက်ကြီးထွားလာချိန်မှာ မက်ဆီရဲ့ မုတ်ဆိတ်ထူထူ ဧရာမမျက်နှာပုံကြီး ပေါ်လာစေတာဖြစ်ပါတယ်။

"ကျွန်တော့်အတွက်တော့ မက်ဆီက ပြိုင်စံရှားပါ" ဆိုပြီး ပြောင်းခင်းကို ထူးထူးခြားခြား ပုံဖော်စိုက်ပျိုးကာ ကမ္ဘာ့ဖလားအောင်ပွဲခံခဲ့‌တဲ့ ပြောင်းတောင်သူ Maximiliano Spinazze က ပြောပါတယ်။ အင်ဂျင်တီးနားဟာ ဒီယေဂိုမရာဒိုနာခေတ် ၁၉၈၆ နောက်ပိုင်း ပထမဆုံးအကြိမ် ကမ္ဘာ့ဖလား ဆွတ်ခူးနိုင်ခဲ့တာ ဖြစ်ပါတယ်။

"အခု သူတို့ ကမ္ဘာ့ချန်ပီယံ ဖြစ်သွားကြပြီ။ ကျွန်တော့်အနေနဲ့ ပြောင်းခင်းကြီးစိုက်ပြီး မက်ဆီပုံကို ဖော်ကျူးနိုင်ခဲ့တဲ့အတွက် အလွန်ဝမ်းသာပါတယ်"

ဘောလုံးကို အလွန်အမင်းရူးသွပ်တဲ့ အာဂျင်တီးနားဟာ စိုက်ပျိုးရေးနိုင်ငံကြီးတစ်နိုင်ငံဖြစ်ပြီး ကမ္ဘာမှာ ပြောင်းတင်ပို့မှု တတိယအများဆုံးနိုင်ငံလည်း ဖြစ်ပါတယ်။ အာဂျင်တီးနားကို ဘောလုံးနဲ့ တွဲသိကြပေမယ့် နိုင်ငံရဲ့ အဓိကပို့ကုန်က လယ်ယာကုန်စည်တွေ ဖြစ်ပါတယ်။

လယ်ယာသုံးစက်ယန္တရားအင်ဂျင်နီယာ Carlos Faricelli ဟာ မိမိလိုချင်တဲ့ စိုက်ခင်းပုံစံကို မျိုးစေ့ချစက်ကနေ ထူသင့်တဲ့နေရာထူ၊ ပါးသင့်တဲ့နေရာပါး အတိအကျ အစေ့ချစိုက်ပျိုးပေးနိုင်အောင် ဒီဇိုင်းတစ်ခု ဖန်တီးပေးခဲ့ပါတယ်။

" မျိုးစေ့ချစက်ကနေ မက်ဆီမျက်နှာပုံစံ အစေ့ချပေးနိုင်အောင် ဒီဇိုင်းထုတ်ဖို့ ကျွန်တော် စိုက်ကူးရခဲ့ပါတယ်။ တခြားဘယ်တောင်သူမဆို မက်ဆီမျက်နှာပုံ စိုက်ပျိုးချင်တယ်ဆိုရင် ဒါကို မျှဝေပေးသွားမှာပါ" လို့ သူက ပြောပါတယ်။

ကွန်ပျူတာစနစ်အရ အစေ့ချစက်ဟာ စိုက်ခင်းရဲ့ ဘယ်နေရာမှာ အစေ့ဘယ်လောက် ချရမယ်ဆိုတာကို သိရှိပြီး မက်ဆီမျက်နှာကို ပုံဖော်သွားပါတယ် လို့ Faricelli က ပြောပါတယ်။

"ပြောင်းပင်တွေ ကြီးလာတဲ့အချိန် ဝေဟင်ကနေ ဓာတ်ပုံရိုက်ကြည့်တဲ့အခါ အပင်တွေ ကျပ်သိပ်ပြီး မြေကြီး သိပ်မပေါ်တဲ့နေရာလည်း ရှိမယ်။ အဲဒီ စိမ်းစိမ်းစိုစိုနေရာတွေနဲ့ အပင်ပါးပါးပဲ ရှိတဲ့နေရာတွေ ဟပ်စပ်ပြီး ဒီလိုစိုက်ပျိုးရေးပန်းချီကားကို ဖန်တီးထားတာပါ" လို့ သူက ပြောပါတယ်။

ဝေယံဟိန်း (B.Ag)

Ref: Argentine corn field planted with face of World Cup winner Messi - Reuters

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...