အာစန်နီမုန်တိုင်းအထွက်တွင် မုတ်သုံဝင်လာမည်ဖြစ်ပြီး နောက်ထပ်မုန်တိုင်းတစ်ခုဖြစ်ရန်လည်း အလားအလာရှိနေ

လက်ရှိဘင်္ဂလားပင်လယ်အော်မှာဖြစ်ပေါ်နေတဲ့ အာစန်နီမုန်တိုင်းဟာ မေ ၁၃ ရက် မနက်ပိုင်းမှာ အားပျော့ပျက်ပြယ်သွားမှာဖြစ်ပြီး အဲ့ဒီနောက်ပိုင်းမှာ မြန်မာနိုင်ငံကို မုတ်သုံဝင်လာမယ်လို့ ပြည်ပြည်ဆိုင်ရာမိုးလေဝသစောင့်ကြည့်လေ့လာသူတစ်ဦးဖြစ်သူ ဦးဝင်းနိုင်က သုံးသပ်ပါတယ်။

ကမ္ဘာလုံးဆိုင်ရာမိုးလေဝသခန့်မှန်းဝက်ဘ်ဆိုဒ်တွေဖြစ်တဲ့ JTWC နဲ့ ECMWF တို့ရဲ့ ထုတ်ပြန်ချက်တွေအရ “ ဆိုင်ကလုန်းမုန်တိုင်း ASANI(02B)ဟာ ဘင်္ဂလားပင်လယ်အော်ရေပြင်မှာ လေဖိအားနည်းရပ်ဝန်းအဆင့်နဲ့ မေလ ၁၃ ရက် မနက်ပိုင်းမှာ အားပျော့ပျက်ပြယ်သွားတော့မယ်လို့ အတည်ပြုနိုင်ပါပြီ” လို့ ဦးဝင်းနိုင်ရဲ့ သူ့ရဲ့ဖေ့စ်ဘုတ်အကောင့်ကတစ်ဆင့် ဒီနေ့မွန်းလွဲပိုင်းမှာ အသိပေးထားတာ ဖြစ်ပါတယ်။

အဲ့ဒီနောက်ပိုင်း မိုးရာသီမိုးတွေသယ်ဆောင်လာမယ့် မုတ်သုံက အားကောင်းလာတော့မှာဖြစ်ကာ မြန်မာနိုင်ငံတောင်ပိုင်းကနေစဝင်လာမယ်လို့ ဦးဝင်းနိုင်က Green Way ကို ပြောပါတယ်။

“ နောက်မုန်တိုင်းတစ်လုံးဖြစ်သည်ဖြစ်စေ၊ မဖြစ်သည်ဖြစ်စေ ၁၃ ရက်၊ ၁၄ ရက်ဆို မုတ်သုံက အားကောင်းပြီးဝင်တော့မှာ။ မုတ်သုံလေစီးကြောင်းက မော်ဒယ်ခန့်မှန်းချက်မှာလည်း တွေ့နေပြီ။ ထုံးစံအတိုင်းပဲ တောင်ပိုင်းကနေ စဝင်မယ်။ ပြီးသွားရင် ရက်ပိုင်းလောက်ပဲကြာပြီး တစ်နိုင်ငံလုံးကို ပျံ့သွားနိုင်တယ်” လို့ သူက ဆိုပါတယ်။

မုတ်သုံလေမှာ အနောက်တောင်မုတ်သုံလေနဲ့ အရှေ့မြောက်မုတ်သုံလေဆိုပြီးနှစ်မျိုးရှိကာ မြန်မာနိုင်ငံကိုတော့ အနောက်တောင်မုတ်သုံလေပဲလာတာဖြစ်ပြီး လက်ရှိမှာ အဲ့ဒီ အနောက် တောင်မုတ်သုံလေ လေစီးကြောင်းက အားကောင်းနေတယ်လို့ သိရပါတယ်။

ဒါ့အပြင် မေ ၁၈ ရက်ကနေ ၂၄ ရက်အတွင်း ဘင်္ဂလားပင်လယ်အော်မြောက်ပိုင်းနှင့် အလယ်ပိုင်းပင်လယ်ပြင်တွင် လေဖိအားနည်းရပ်ဝန်းမှ အားကောင်းသောဆိုင်ကလုန်းမုန်တိုင်းဖြစ်လာနိုင်ခြေ တစ်ခုရှိနေတယ်လို့လည်း ဦးဝင်းနိုင်က ECMWF နဲ့ အမေရိကန်နိုင်ငံအခြေစိုက် National Oceanic and Atmospheric Administration(NOAA) ၏ Global Tropics Hazards and Benefits Outlook - Climate Prediction Center တို့ကနေ ခန့်မှန်းထားချက်တွေကို ကိုးကားပြီး ပြောပါတယ်။

“ မုန်တိုင်းဖြစ်မယ့်လမ်းကြောင်းက လေစီးကြောင်းတွန်းအားတွေကောင်းနေတယ်။ အနောက်တောင်လေ၊ အနောက်မြောက်လေ၊ အရှေ့တောင်လေ အဲ့ဒီ သုံးခုရဲ့အားတွေကကောင်းတယ်။ နောက်တစ်ခု ကျွန်တော်တို့ဘာတွေ့လဲဆိုတော့ အီကွေတာပေါ်မှာ ညာရစ်လေဝဲတစ်ခုတွေ့တယ်။ အဲ့ဒီ ညာရစ်လေဝဲရဲ့တွန်းအားရယ်၊ ခုနပြောတဲ့ အနောက်တောင်မုတ်သုံလေတွန်းအားရယ်၊ နောက်ပြီး အနောက်မြောက် ဟိမဝန္တာဘက်က ဆင်းလာတဲ့ အေးတဲ့လေစီးကြောင်းရယ် ဒီသုံးခုပေါင်းပြီးတော့ လေဝဲဆိုတာ ဖြစ်သွားနိုင်တယ်။ ဖြစ်သွားရင် တစ်ရက်အတွင်း နှစ်ရက်အတွင်းမှာ ချက်ချင်းအားကောင်းပြီးတော့ ကုန်းတွင်းကို ဝင်မှာပေါ့။ အဲ့ဒီဟာတစ်ချက်တော့ တော်တော် စိုးရိမ် စရာကောင်းတယ်” လို့ ဦးဝင်းနိုင်က Green Way ကို ပြောပါတယ်။

တကယ်လို့ မုန်တိုင်းဖြစ်ပြီး ကုန်းတွင်းဝင်တဲ့အချိန်ကျရင် ပင်လယ်ကမ်းခြေမှာ ဂွတို့၊ သံတွဲတို့၊ ကျောက်ဖြူ၊ မာန်အောင်တို့ အဲ့ဒီနေရာ ကမ်းခြေတွေမှာ လှိုင်းက ၁၄ ပေလောက်ထိ ရှိသွားနိုင်လို့ သတိထားရမယ့်အခြေအနေဖြစ်ပြီး မုန်တိုင်းအမှန်တကယ်ဖြစ်လာနိုင်ခြင်းရှိမရှိကိုတော့ ဆက်လက်စောင့်ကြည့်ရဦးမှာဖြစ်တယ်လို့ သိရပါတယ်။

Photo Crd_Win Naing FB

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...