ငါးဖယ်အောင်း ခေါ် ငါးဖမ်းမ

ငါးဖယ်အောင်းခေါ် ငါးဖမ်းမငါးများသည် ငါးသိုင်းမျိုးတွင် ပါဝင်ပြီး ငါးအလတ်စားမျိုးဖြစ်သည်။ ကိုယ်ထည်မှာ ခပ်ပြားပြားရှိပြီး ဦးခေါင်းမှလွဲ၍ တစ်ကိုယ်လုံးတွင် အဖြူရောင်အကြေးများဖြင့် ဖုံးလျက်ရှိသည်။ ကျောရိုးဆူးတောင်မှာ (၁) ခုတည်းသာရှိသည်။ နှာတံတွင် အပေါက်ကလေးများရှိသည်။ ကျောခုံး၍ အမြီးခွရှည်သော ငွေရောင်ငါးတစ်မျိုးဖြစ်သည်။ ထိုငါးမျိုးကို ငါးပိကောင်ပြုလုပ်လေ့ရှိသည်။

မြန်မာနိုင်ငံတွင် ငါးဖမ်းမ/ငါးဖယ်အောင်း မျိုးစိတ်(၃)မျိုးရှိသည်ဟု သိရသည်။ ထို(၃)မျိုးအနက် မျိုးစိတ် (၂) မျိုးဖြစ်သည့် Osteobrama belangeri နှင့် Osteobrama cunma မျိုးစိတ်မှာ ရှားပါးစပြုနေပြီဟု IUCN စာရင်းတွင် လေ့လာတွေ့ရှိရပါသည်။

ယခု မြန်မာနိုင်ငံတွင် တွေ့ရများသည့် ငါးဖမ်းမမျိုးစိတ်မှာ Osteobrama feae ဖြစ်သည်ဟု သိရပါသည်။ နောက်ထပ် ငါးဖမ်းမမျိုးစိတ်တစ်မျိုးဖြစ်သည့် Osteobrama cotio ကို မြန်မာနိုင်ငံတွင် တွေ့ရှိနေရသည်ဟု ပညာရှင်များက ဆိုကြသည်။

ငါးဖမ်းမခေါ် ငါးဖယ်အောင်းငါးမှာ လူကြိုက်များလှသည်။ အများအားဖြင့် ထိုငါးကို ငါးပိကောင် ပြုလုပ်ကြပြီး ' ငါးဖမ်းမ ခေါ် ငါးဖယ်အောင်း ငါးပိကောင်' မှာ နာမည်ကြီးသည်။ ပြုလုပ်နည်းကို တင်ပြပေးပါမည်။

'ငါးဖမ်းမ ခေါ် ငါးဖယ်အောင်းငါးပိကောင်'ပြုလုပ်နည်း

(၁) ပထမဦးစွာ ငါးဖမ်းမ၏ ဗိုက်ထဲမှ ကလီစာများကို အကုန်ထုတ်ကာ ဆေးကြောသန့်စင်ပြီးပါက ခွဲထားသော ငါးဗိုက်ထဲသို့ ဆားအပြည့် သိပ်ရပါမည်။

(၂) ပြီးလျှင် အိုးတစ်လုံးထဲသို့ ဆားသိပ်ထားသောငါးများကို ဖိသိပ်ပြီး တစ်ညအိပ်ထားပါ။

(၃) နောက်တစ်နေ့မနက်ရောက်ပါက အိုးထဲမှငါးများကို ပြန်ထုတ်ပြီး နေတနေလောက်ပြရပါမည်။ (နေတနေထက် ပိုမပြရပါ။ ငါးခြောက်ဖြစ်သွားမှာစိုး၍ ဖြစ်သည်။ )

(၄) နေတနေပြပြီးပါက ငါးကို အိုးထဲပြန်ထည့်ပြီး သိပ်ထားရပါမည်။ နောက်နှစ်ရက်နေလျှင် ငါးပိကောင်ဖြစ်ပါမည်။

(၅) ကြော်စားတော့မည်ဆိုလျှင် ငါးပိကောင်ကို ရေဆေးပြီးမှသာ ကြော်ရပါမည်။

ငါးဖမ်းမငါးပိကောင်၏အသက်မှာ အရေခွံဖြစ်ပြီး ကြော်လိုက်သည်နှင့် အရေခွံလေးမှာ ရဲတက်လာပါသည်။ အရေခွံကြွပ်ကြွပ် ငါးဖမ်းမငါးပိကောင်ကြော်ကို ထမင်းပူပူ ငရုတ်သီးတောင့်ကြော်ဖြင့် တွဲဖက်စားသုံးကြပါသည်။အလိုက်ဖက်ဆုံးဟင်းချိုမှာ ပဲနီလေးဟင်းချိုဖြစ်ည်။

ထို့အပြင် ငါးဖမ်းမငါးပိကောင်ကြော် (သို့) ကင်ထားသော ငါးပိကောင်ကို သံပရာရည်ညှစ်ပြီး စားပါကလည်း အရသာထူးလှပေသည်။ ထို့ကြောင့်လည်း ငါးဖမ်းမငါးပိကောင်ကြော် (သို့) ကင်ထားသော ငါးပိကောင်ကို ထမင်းပူပူ ဆီဆမ်းပြီး စား၍ဖြစ်စေ၊ ထမင်းကို ရေဆမ်းပြီး ငါးကြော်ဖြင့်စား၍ဖြစ်စေ၊ ကောက်ညှင်းပေါင်းနှင့် ငါးကြော်ကို တွဲဖက်ပြီး စား၍ဖြစ်စေ အရသာမှာ ကောင်းမွန်ထူးခြားပါပေသည်။

ငါးဖမ်းမ ခေါ် ငါးဖယ်အောင်းငါးမှာ ဈေးကွက်တွင်နေရာရနေသော ငါးတစ်မျိူးဖြစ်ပြီး လူကြိုက်များကြောင်း သိရပါသည်။

ပင်လယ်ပြာ (ငါးဦးစီး)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...