ပဲစင်းငုံနီကို အိန္ဒိယအပြင် တရုတ်ကပါ ဝယ်ယူမှုရှိနေ၊ ပြောင်းဈေးလည်း ဆက်တိုက်မြင့်

တရုတ်တင်ပို့မှုအပြင် ထိုင်းနိုင်ငံတင်ပို့မှုလည်း ရှိနေတဲ့ ပြောင်းဆန်ဈေးဟာ ဆက်တိုက်မြင့်တက်နေသလို အိန္ဒိယ နိုင်ငံကအပြင် တရုတ်နိုင်ငံကပါဝယ်ယူနေတဲ့ ပဲစင်းငုံနီဟာလည်း အမြင့်ဈေးနဲ့ငြိမ်နေတယ်လို့ လယ်ယာစိုက်ပျိုး ရေးနှင့်ဈေးကွက်သတင်းအဖွဲ့ (AMIA) ရဲ့ သတင်းပေးပို့ချက်အရ သိရပါတယ်။

ပြောင်းဆန်

ပြောင်းဆန်ကတော့ ဈေးတွေမြင့်တက်နေပေမဲ့ တရုတ်နှစ်ကူးအမီအရောင်းအဝယ်တွေ သွက်နေတယ်လို့ သိရပါတယ်။ 

ရန်ကုန်ဈေးကွက်မှာ ပြောင်းဆန်က တစ်ပိဿာကို ၁၂၅၀ ကနေ ၁၂၆၀ ကျပ် ပေါက်ဈေးရှိပြီး တစ်ပိဿာကို ၆၀ ကျပ် ဈေးတက်လာပါတယ်။

မန္တလေးဈေးကွက်မှာတော့ စီပီပြောင်းက တစ်အိတ်ကို ၆၃၀၀၀ ကနေ ၆၃၅၀၀ ကြားပေါက်ဈေးရှိပြီး တစ်အိတ် ကို ၂၅၀၀ ကျပ်၊ ဗမာပြောင်း၊ ရှမ်းပြောင်း၊ ပြောင်းနီတို့ကလည်း တစ်အိတ်ကို ၆၁၀၀၀ ကနေ ၆၈၀၀၀ ကြား ပေါက်ဈေးရှိနေပြီး တစ်အိတ်ကို ၁၀၀၀ ကနေ ၃၀၀၀ ကြား ဈေးအသီးသီးမြင့်တက်လာပါတယ်။

မုံရွာဈေးကွက်မှာလည်း စီပီပြောင်းက တစ်တင်းကို ၂၁၃၀၀ ပေါက်ဈေးရှိပြီး တစ်တင်းကို ၆၀၀ ကျပ် ဈေးတက် လာပါတယ်။

ပဲစင်းငုံနီ

ပဲစင်းငုံနီကတော့ ပြီးခဲ့တဲ့အပတ်ကတည်းက တစ်တန်ကို ၁၈ သိန်း‌ကျော်ထိ ပေါက်ဈေးရှိနေခဲ့ပြီး ဒီတစ်ပတ် မှာတော့ ဈေးက အမြင့်ဈေးနဲ့ ငြိမ်နေတဲ့အခြေအနေ ဖြစ်ပါတယ်။ ပဲစင်းငုံနီနဲ့ပတ်သတ်ပြီး အိန္ဒိယနိုင်ငံမှာလည်း အထွက်နှုန်းလျော့နည်းမယ် ပြည်ပကနေ ဝယ်ယူရမယ်ဆိုတဲ့ ထုတ်ပြန်ချက်တွေကြောင့် ဈေးကောင်းတော့ ရရှိနေပါတယ်။ အိန္ဒိယနိုင်ငံက အရန်ပဲသိုလှောင်ဖို့ ပဲစင်းငုံနီကို မြန်မာနဲ့အာဖရိကကနေ ပေါက်ဈေးအတိုင်းပေး ဝယ်ယူဖို့ ဆွေးနွေးနေတယ်လို့ သိရပါတယ်။ 

အိန္ဒိယက ပေါက်ဈေးအတိုင်းလို့ ဆိုပေမယ့် ဈေးအရမ်းမြင့်ရင်တော့ မူဝါဒတွေပြောင်းပြီး ဈေးနှုန်းထိန်းချုပ်တာတွေ ပြုလုပ်တတ်လို့ ကုန်သည်တွေအနေနဲ့ သတိထားစောင့်ကြည့်ရမဲ့ အခြေအနေဖြစ်ပါတယ်။ လက်ရှိ ပဲစင်းငုံနီဈေးကွက်ကတော့ အိန္ဒိယနိုင်ငံအပြင် တရုတ်ဝယ်ယူမှုပါရှိနေလို့ ဈေးကောင်း ရရှိနေတာပါ။

ရန်ကုန်ဈေးကွက်မှာ ပဲစင်းငုံနီကတော့ တစ်တန်ကို ၁၈ သိန်း ၂ သောင်းပတ်ချာလည် အတက်အကျ ရှိနေပါတယ်။

မန္တလေးဈေးကွက်မှာလည်း တစ်အိတ်(ပိဿာ ၆၀) ကို ၁၇၀၀၀၀ ပေါက်ဈေးရှိပြီး ပြီးခဲ့တဲ့အပတ်နဲ့ယှဉ်ရင် တစ်အိတ်ကို ၃၀၀၀ လောက် ဈေးမြင့်တက်လာပါတယ်။

နယ်ဈေးကွက်တွေဖြစ်တဲ့ ပခုက္ကူ၊ မုံရွာ နဲ့ အောင်လံဈေးကွက်တွေမှာတော့ တစ်တင်း(ပိဿာ ၂၀) ကို ၅၇၀၀၀ ကနေ ၅၇၅၀၀ ကြား ပေါက်ဈေးရှိနေပြီး ၂၀၀၀လောက် ဈေးတက်လာပါတယ်။

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများနှင့် သုံးသပ်ချက်ကို အခြေခံဖော်ပြခြင်း ဖြစ်ပါသည်။)

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးင​မြောင်​တောင်ပိုး( Rice armyworm) စတဲ့ စပါးဖျက်ပိုး​တွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ

Read more