နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း

အားလုံးကြည့်ရန် အင်တာဗျူး 13 နိုင်ငံတကာသတင်း 335 အခွင့်အလမ်း 570 စိုက်ပျိုးရေးသတင်း 1798 မိုးလေဝသသတင်း 1746 မွေးမြူရေးသတင်း 344

ပဲဈေးအချို့ ပြန်တက်လာပြီး အိန္ဒိယပဲအထွက်နှုန်းလျော့နိုင်မှုများကြောင့် ထပ်တက်နိုင်ဖွယ်ရှိ၊ အာလူးဈေး အနည်းငယ်တက်

Green Way • 15/10/2022

အိန္ဒိယနိုင်ငံမှာ ပဲပေါ်ချိန် မိုးအဆမတန်ရွာတဲ့အတွက် အထွက်နှုန်း လျော့နည်းနိုင်မယ်လို့ သုံးသပ်မှုများ ရှိနေပြီး ပဲတချို့ ဈေးပြန်တက်လာသလို အနည်းငယ်ထပ်တက်နိုင်ဦးမယ်လို့ ကုန်သည်တွေက ခန့်မှန်းမှုတွေ ရှိထားကြောင်း သိရပါတယ်။

မတ်ပဲ

မတ်ပဲကတော့ ပြီးခဲ့တဲ့တစ်ပတ်အတွင်း ငွေကြေးလဲလှယ်ဈေးနှုန်း အတက်အကျပေါ်မူတည်ပြီး ဈေးအပြောင်း အလဲ အတက်အကျတွေ ရှိနေပြီး ရန်ကုန် ဘုရင့်နောင်ဈေးကွက်မှာတော့ ပြီးခဲ့တဲ့အပတ်နဲ့ယှဉ်ရင် အတက်ဘက်ကို ရောက်လာပါတယ်။

ရန်ကုန်ဈေးကွက်မှာ မတ်ပဲ (FAQ/RC) က တစ်တန်ကို ကျပ် ၁၈၄၁၀၀၀ ပေါက်ဈေးရှိပြီး ပြီးခဲ့တဲ့ အပတ်နဲ့ နှိုင်းယှဉ်ရင် တစ်တန်ကို ၅ သောင်းကျော် ဈေးတက်လာပါတယ်။

မန္တလေးဈေးကွက်မှာတော့ တစ်အိတ်ကို ၁၇၇၀၀၀ ကနေ ၁၇၈၀၀၀ ပေါက်ဈေးရှိပြီး တစ်အိတ်ကို ၂၀၀၀ ကျပ် ဈေးကျဆင်းသွားပါတယ်။

မြင်းခြံဈေးကွက်၊မုံရွာဈေးကွက်၊အောင်လံဈေးကွက်၊မော်လမြိုင်ဈေးကွက်၊ပြည်ဈေးကွက် တို့မှာ မတ်ပဲ က တစ်တင်း ကို ၅၈၀၀၀ ကနေ ၅၉၀၀၀ ကြားပေါက်ဈေးရှိပြီး ဈေးငြိမ်ပါတယ်။

ပဲစင်းငုံနီ

ပဲစင်းငုံနီကတော့ တစ်ပတ်လုံးနီးပါးဈေးအပြောင်းအလဲမရှိပဲ ဈေးငြိမ်နေပါတယ်။ အရောင်းအဝယ်ကလည်း ပဲလက်ကျန်မရှိသလောက်ဖြစ်နေတဲ့အတွက် ငြိမ်နေပြီး ငွေကြေးလဲလှယ်နှုန်းဈေး တည်ငြိမ်မှုမရှိတဲ့အတွက် စောင့်ကြည့်နေတဲ့ အနေအထားရှိနေတယ်လို့ ကုန်သည်အချို့က သုံးသပ်ပါတယ်။ အိန္ဒိယနိုင်ငံမှာလည်း ပဲစင်းငုံနီ အထွက်နှုန်း လျော့နည်းနိုင်တဲ့အတွက် ဈေးတက်နိုင်ခြေတော့ ရှိတယ်လို့ခန့်မှန်းထားပါတယ်။

ရန်ကုန်ဈေးကွက်မှာ ပဲစင်းငုံနီက တစ်တန်ကို ၁၉၇၅၀၀၀ နဲ့ ရက်အတန်ကြာဈေးငြိမ်နေခဲ့ပြီး ဒီတစ်ပတ် ဈေးအပိတ် သောကြာနေ့ (အောက်တိုဘာ ၁၄) မှာတော့ ၅၀၀၀ ကျပ် ဈေးတက်လာပါတယ်။

မန္တလေးဈေးကွက်မှာတော့ တစ်အိတ်ကို ၁၈၅၀၀၀ ပေါက်ဈေးရှိနေပြီး တစ်အိတ်ကို ၂၀၀၀ ကျပ်ခန့် ဈေးကျဆင်းသွားပါတယ်။

နယ်ဈေးကွက်တွေဖြစ်တဲ့ ပခုက္ကူ၊ မြင်းခြံ နှင့်မုံရွာတို့မှာတော့ တစ်တင်းကို ၆၀၀၀၀ မှ ၆၂၀၀၀ လောက် ပေါက်ဈေးရှိနေပြီး တစ်တင်းကို ၂၀၀၀ လောက်ဈေးတက်လာပါတယ်။

ကုလားပဲ

ကုလားပဲဈေးကတော့ နယ်ဈေးကွက်တွေမှာ ဈေးက ဆက်ပြီးကျဆင်းနေပေမယ့် ပဲလက်ကျန်တွေ ရှိနေသေးတဲ့ အတွက် ဖြည်းဖြည်းသာ ဈေးကျဆင်းနေပါတယ်။ ရန်ကုန်ဈေးကွက်မှာတော့ အကျဈေးနဲ့ ဈေးငြိမ်နေပါတယ်။

ပဲပုတ်

ပဲပုတ်ဈေးက ရန်ကုန်ဈေးကွက်မှာတော့ ဈေးငြိမ်နေပါတယ်။ နယ်ဈေးကွက်မှာတော့ ပြည်ပအဝယ် လိုက်ပေမဲ့ ငွေကြေးဈေးကျဆင်းနေခြင်း၊ ဈေးကွက်အတွင်း အသစ်တွေလဲ ဝင်လာတဲ့ ပစ္စည်းများလာခြင်းတို့ကြောင့် ဈေးက ပြန်ကျဆင်းနေတာ ဖြစ်ပါတယ်။

အာလူး

အာလူးဈေးကတော့ အနည်းငယ်ဈေး ပြန်တက်လာပါတယ်။ ပွဲတော်ကာလ ပြည်တွင်းဝယ်ယူအား ကောင်းတဲ့ အပြင် အဝင်နည်းနေတဲ့အတွက် ဈေးက တက်လာတာဖြစ်ပါတယ်။

ရန်ကုန်ဈေးကွက်မှာအာလူး(အောင်ပန်း)က တစ်ပိဿာကို ၁၆၅၀ ကနေ ၂၂၀၀ ပေါက်ဈေးရှိပြီး တစ်ပိဿာကို ၂၀၀ လောက် ဈေးမြင့်တက်လာပါတယ်။

တရုတ်အာလူးတွေကတော့ တစ်ပိဿာကို ၂၃၅၀ ပေါက်ဈေးရှိပြီးတစ်ပိဿာကို ၁၀၀ ကျပ်ဈေးတက်လာပါ တယ်။

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများနှင့် သုံးသပ်ချက်ကို အခြေခံဖော်ပြခြင်း ဖြစ်ပါသည်။)

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဆက်စပ်ဆောင်းပါးများ

စိုက်ပျိုးရေးသတင်း

ရှမ်းတောင် ခရမ်းချဉ်ဈေးကွက် အောက်တိုဘာနှင့် နိုဝင်ဘာတွင် ဈေးမြင့်တက်လာနိုင်ကြောင်း ကုန်သည်များသုံးသပ်

AMIA

စိုက်ပျိုးရေးသတင်း

အိန္ဒိယဝယ်လိုအားကြောင့် ပို့ကုန်ပဲအချို့ဈေးလှုပ် (တစ်ပတ်စာဈေးကွက်သုံးသပ်ချက်)

AMIA

စိုက်ပျိုးရေးသတင်း

ထောပတ်သီး ပြည်ပဈေးကွက်ပျောက်၍ ပြည်တွင်းဈေး ကျဆင်း

AMIA

ဆက်စပ်မေးခွန်းများ

ဘယ်လမှာစိုက်ရလဲဗျာ

Nyi. lin • ဖြေကြားချက် 0 ခု

စပါးနီမတုပ်ကြလျှင်ဘာဆေးသုံးရမလဲခင်ဗျာပညာရှင်များဖြေပေးကြပါ

UTHATNINGOO • ဖြေကြားချက် 1 ခု

ဒီကန်စွန်းမှာ ဖြစ်နေတဲ့ ရောဂါရယ် ဘာဆေးဖြန်းရမလဲ ပြောပြပေးပါ

သက်နိုင်ထွန်း • ဖြေကြားချက် 1 ခု

ဆရာ မိုးအရမ်းရွာနေပါတယ်ခင်ဗျ ခရမ်းချဥ်ခင်းအတွက်စိတ်ပူရပါတယ်😌 အရမ်းချဥ်က သီးလွန်းတော့ ကြိုးတွေလဲမနိုင်တော့ဘူး တစ်ခိုင်ကို ၆ လုံး ၇ လုံးထိသီးတယ် အတာအလုံးလေးတွေသေး သွားမှာ စိုးလို့ ကွန်ပေါင်းပဲထပ်ကျွေးရမလား ဒါမှမဟုတ် နောက်ဆူံးအဖျားသီးနှစ်လုံးလောက်ခြွေပစ်ရမလား 15 ပတ်လည်ကျွေးထားတာ တစ်ကြိမ်ပဲရှိပါသေးတယ်ဆရာ 15 ပတ်လည်ထပ်ကျွေးရမလား ဆရာပြောတဲ့ပိုတက်သီးသန့်တော့မရှိဘူး ရွက်ဖျန်းအားဆေး 3.39.50 ရွက်ဖျန်းဆေးတော့ရှိပါတယ်ဆရာ မိုးနည်းရပ်ဝန်းမှာ မိုးအရမ်းရွာနေတာကြီးက အဆင်ပြေမနေဘူးဆရာ😌

U Yan • ဖြေကြားချက် 2 ခု

ဘက်တီးရီးယားဆေးကော့ပါးပတ်ပြီးဘယ်နှစ်ရက်နေရင်အောက်ဆေးပုလဲပိုတက်ကျွေးရလဲခဗျ

kyaw zin • ဖြေကြားချက် 2 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ