ဆန်ဈေးများဆက်တက်နိုင်ချေရှိဟု ဆန်ကုန်သည်များ သုံးသပ်

18/09/2022 09:00 AM တွင် AMIA AMIA မှ ရေးသား

ပြီးခဲ့တဲ့တစ်ပတ်အတွင်း ဆန်ဈေးတစ်ချို့ထပ်တက်လာပြီး ဆက်တက်နိုင်ချေလည်းရှိနေတယ်လို့ ဆန်ကုန်သည် တွေက သုံးသပ်ပါတယ်။

ရန်ကုန်၊ ဘုရင့်နောင်ဈေးကွက်မှာ ပေါ်ဆန်းဆန်က တစ်အိတ်ကို ၆၁၀၀၀ ကနေ ၆၃၅၀၀ ပေါက်ဈေးရှိပြီး တစ်အိတ်ကို ၅၀၀ ကျပ်၊ ကြားပျံရှယ်ကတော့ တစ်အိတ်ကို ၆၅၀၀၀ ကနေ ၆၈၀၀၀ ပေါက်ဈေးရှိပြီး တစ်အိတ်ကို ၁၀၀၀ ကျပ်၊ ရက် ၉၀ ဆန်ကတော့ တစ်အိတ်ကို ၄၇၀၀၀ ကနေ ၄၉၀၀၀ ပေါက်ဈေးရှိပြီး တစ်အိတ်ကို ၁၅၀၀ ကျပ်၊ သီးထပ်ရှယ်ကတော့ တစ်အိတ်ကို ၄၃၀၀၀ ကနေ ၄၄၅၀၀ ပေါက်ဈေးရှိပြီး တစ်အိတ်ကို ၂၅၀၀ ကျပ် အသီးသီး ဈေးတွေမြင့်တက်လာတာ ဖြစ်ပါတယ်။

နယ်ဈေးကွက်တွေမှာတော့ စပါးဈေးက ၁၂ သိန်း ကနေ ၁၅ သိန်းကြားရှိနေတယ်လို့သိရပါတယ်။

ဆန်စပါးကုန်စည်ဒိုင်ကနေ ပေါ်ဆန်းဆန်တွေကို တစ်အိတ်ကို ၅၂၀၀၀ ကနေ ၇၇၀၀၀ ကြားနဲ့ ရောင်းချပေးမှုတွေ ပြုလုပ်ပေးနေပေမယ့် လက်လီဈေးကွက်မှာတော့ ပေါ်ဆန်းတစ်အိတ်ကို ငွေကျပ် ၁ သိန်းကျော်ထိ ပေါက်ဈေးရှိနေတယ်လို့ သိရပါတယ်။

အိန္ဒိယနိုင်ငံက ဆန်တင်ပို့မှုနဲ့ ပတ်သက်ပြီး ကန့်သတ်လိုက်တဲ့ သတင်းတွေကြောင့် အာရှ ဆန်အရောင်းအဝယ် ဈေးကွက်မှာ လှုပ်ခတ်သွားခဲ့ပြီး ပြည်တွင်းမှာလည်း အခုလိုဆန်ဈေးတွေ ထပ်တက်လာသလို ဆက်ပြီး တက်နိုင်ချေလည်း ရှိတယ်လို့ ဆန်ကုန်သည်တွေက သုံးသပ်တာ ဖြစ်ပါတယ်။

အိန္ဒိယနိုင်ငံမှာ မိုးနည်းပြီး စပါးအစိုက်ကျဆင်းခဲ့တဲ့အတွက် အစိုးရက ဆန်ရောင်းအား ပြည့်စုံစေဖို့နဲ့ ပြည်တွင်းဆန်ဈေး ကျစေဖို့ဆိုပြီး ဆန်တင်ပို့မှု ပိတ်ပင်ကန့်သတ်ဖို့ ဆုံးဖြတ်လိုက်တာ ဖြစ်ပါတယ်။

ဒီလိုပိတ်ပင်မှုကြောင့် ကမ္ဘာ့အခြေခံအစားအစာဖြစ်တဲ့ ဆန်ဈေးနှုန်းတွေ မြှင့်တက်လာနိုင်တယ်လို့ ခန့်မှန်းမှု တွေရှိနေသလို အာရှတစ်ဝန်းဆန်အရောင်းအဝယ်လည်း ရပ်ဆိုင်းသွားခဲ့ပြီး ဝယ်လက်တွေဟာ ဗီယက်နမ်၊ ထိုင်း၊ မြန်မာ ဘက်က ဆန်တွေကို ပြောင်းလဲဝယ်ယူဖို့ လုပ်လာကြပေမဲ့ ရောင်းလက်တွေဘက်ကလည်း ဈေးတွေ တက်နေတော့ စာချုပ်မချုပ်ဘဲ ဆိုင်းငံ့ထားကြသေးတယ်လို့ ဆန်လုပ်ငန်းထဲမှာ လုပ်ကိုင်နေသူတွေက ပြောထားပါတယ်။

Photos Crd- မေမေ့သားဆန်စက် FB page

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်