ဆန်ကြမ်းအများစု ဈေးအနည်းငယ်တက်

ရန်ကုန်၊ ဝါးတန်းဆန်ဈေးကွက်မှာ ယခုလဆန်းပိုင်းကစလို့ အပြောင်းအလဲမရှိသလောက်ဖြစ်ပြီး အမြင့်ဈေးနဲ့ အချိန်အတော်ကြာငြိမ်နေခဲ့တဲ့ ဆန်ဈေးတွေဟာ ဒီနေ့မှာတော့ အမျိုးအစားအများစု အပြောင်းအလဲအနည်းငယ်ဖြစ်လာခဲ့တာပါ။

အပြောင်းအလဲဖြစ်သွားတဲ့ဆန်တွေထဲမှာ တောင်ပျံ(ဖျာပုံ)(သစ်)သာ အနည်းငယ်ဈေးကျသွားတာဖြစ်ပြီး ကျန်အမျိုးအစားအားလုံးကတော့ ဈေးတက်သွားတာပါ။ အထူးသဖြင့် ဆန်ကြမ်းအမျိုးအစားတွေ ဈေးအနည်းငယ်စီ တက်လာတာဖြစ်ပါတယ်။

ဘယ်ဆန်အမျိုးအစားတွေ ဈေးအပြောင်းအလဲဖြစ်သွားလဲဆိုတာကိုတော့ အောက်ပါဇယားကွက်မှာ ကြည့်နိုင်ပါတယ်။ အပြောင်းအလဲဖြစ်သွားတဲ့အမျိုးအစားတွေကို အနီရောင်နဲ့ ဖော်ပြပေးထားပါတယ်။

ပြီးခဲ့တဲ့တစ်ပတ်အတွင်းတုန်းကတော့ ရန်ကုန်ဈေးကွက်မှာ ဆန်အဝင်ပုံမှန်ရှိပြီး အရောင်းအဝယ် အေးခဲ့တယ်လို့ လယ်ယာစိုက်ပျိုးရေးနှင့်ဈေးကွက်သတင်းအချက်အလက်အဖွဲ့ (AMIA) ရဲ့ သတင်းပေးပို့ချက်အရ သိရပါတယ်။ ဒီတစ်ပတ်အဖွင့် မနေ့ကအထိတော့ ဈေးနှုန်းအပြောင်းအလဲမဖြစ်ခဲ့ဘဲ ဒီနေ့မှသာ ဈေးနှုန်းတွေ ပြောင်းသွားတာ ဖြစ်ပါတယ်။

ပြည်ပတင်ပို့မှုမှာတော့ ဗဟိုဘဏ်က သတ်မှတ်ထားတဲ့ ၆၅-၃၅ ရာခိုင်နှုန်းကြောင့် နစ်နာမှုတွေရှိနေလို့ ဆန်တင်ပို့မှုကို ခဏရပ်ဆိုင်းထားပြီး လက်ကျန်တွေသာ တင်ပို့နေတယ်လို့ မူဆယ်ဆန်ကုန်သည်တွေထံကနေ သိရကြောင်း AMIA က သတင်းပေးပို့ထားပါတယ်။

(လယ်ယာစိုက်ပျိုးရေးနှင့်ဈေးကွက်သတင်းအချက်အလက်အဖွဲ့ (AMIA) က ပေးပို့လာသည့် ဈေးနှုန်းများနှင့် သုံးသပ်ချက်ကို အခြေခံဖော်ပြခြင်း ဖြစ်ပါသည်။)

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။