ဆန်ဈေးများနှင့် ကြက်သွန်နီဈေးများ ထပ်တက်

ရန်ကုန်၊ ဘုရင့်နောင်ဈေးကွက်မှာ ဆန် အကြမ်း၊ အချော အမျိုးအစားအားလုံး ဈေးတွေ ထပ်တက်လာပါတယ်။ အခုလဆန်းပိုင်းကစလို့ ဈေးတွေတက်လာတဲ့ဆန်ဈေးတွေဟာ ဒီနေ့ ဈေးကွက်အဖွင့်မှာတော့ ထပ်တက်လာတာဖြစ်ပါတယ်။

ဖျာပုံပေါ်ဆန်းမွှေး၊ ဒေးဒရဲပေါ်ဆန်းမွှေးနဲ့ မော်ကျွန်းတောင်ပျံ၊ ကျားပျံရှယ် ဆန်တွေက ဈေးအတက်ဆုံးဖြစ်ပြီး ၁ တင်းခွဲတစ်အိတ်ကို ၅၀၀၀ ကနေ ၈၀၀၀ ကြား ဈေးတွေ ထပ်တက်လာတာပါ။ 

ဆန်ကြမ်းတွေကလည်း အနည်းနဲ့အများသာကွာပြီး အားလုံးကတော့ ဈေးတွေတက်သွားပါတယ်။

ဘယ်လောက်ထိ ဈေးတွေတက်သွားတာလဲဆိုတာကိုတော့ ဇယားကွက်မှာ နှိုင်းယှဉ်ကြည့်ရှုနိုင်ပါတယ်။

ပြီးခဲ့တဲ့အပတ်က အနိမ့်ဆုံး တစ်ပိဿာ ကျပ် ၁၉၀၀ ကနေ ကျပ် ၂၅၀၀ ထိ ဖြစ်ပြီး ဈေးပြန်ငြိမ် သွားတဲ့ ကြက်သွန်နီဈေးဟာလည်း ဒီတစ်ပတ်အဖွင့်နေ့ (ဒီနေ့) မှာတော့ အနိမ့်ဆုံး တစ်ပိဿာ ကျပ် ၂၁၅၀ ကနေ ကျပ် ၂၈၀၀ ထိ ဖြစ်သွားပြီဖြစ်ပါတယ်။ ဒါက ဘုရင့်နောင်ဈေးကွက် လက်ကားဈေးနှုန်းဖြစ်ပါတယ်။ လက်လီဈေးနှုန်းတွေကတော့ အနိမ့်ဆုံးကို တစ်ပိဿာ ၃၀၀၀ ဝန်းကျင် ဖြစ်နေပြီ ဖြစ်ပါတယ်။

*ယနေ့ ကြက်သွန်နီဈေးနှုန်းများ (၁ ပိဿာ) (ဘုရင့်နောင်ဈေးကွက်)

ကြက်သွန်နီ (ဆိပ်ဖြူရှယ် - သစ်) - ၂၈၀၀ ကျပ်

ကြက်သွန်နီ (ဆိပ်ဖြူလတ်ကြီး)   - ၂၇၅၀ ကျပ်

ကြက်သွန်နီ (ဆိပ်ဖြူလတ်သန့်)   - ၂၆၀၀ ကျပ်

ကြက်သွန်နီ (ဆိပ်ဖြူလတ်ချော)  - ၂၁၅၀ ကျပ်

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများကို ဖော်ပြခြင်းဖြစ်ပါသည်။)

 (အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

 ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more